சர்வதேச விண்வெளி நிலையத்தில் (ISS) ஏற்பட்ட புதிய காற்று கசிவு சம்பவம் பெரும் பரபரப்பை ஏற்படுத்திய நிலையில், விண்வெளி வீரர்களை வெளியேற்றத் தயாராகுமாறு நாசா விடுத்த உத்தரவை பின்னர் வாபஸ் பெற்றுள்ளது. 

அமெரிக்கா, ரஷ்யா உள்ளிட்ட பல நாடுகளின் கூட்டு முயற்சியால் இயங்கி வரும் சர்வதேச விண்வெளி நிலையத்தில் திடீரென விரிசல் ஏற்பட்டு காற்று கசிவு ஏற்பட்டது. இதை உணர்ந்த உடனேயே விண்வெளி வீரர்கள் தங்கள் விண்கலத்துக்குள் தஞ்சம் அடைந்து, அவசர வெளியேற்றத்திற்குத் தயாராகுமாறு நாசா உத்தரவிட்டது. இந்த சம்பவம் உலக அளவில் பெரும் கவனத்தை ஈர்த்தது.

ரஷ்ய விண்வெளி முகமை ரோஸ்கோஸ்மோஸ் அதிகாரிகள் உடனடியாக தலையிட்டு, கசிவை கட்டுப்படுத்தும் பணியில் தீவிரமாக ஈடுபட்டனர். அவர்களின் தொடர் முயற்சியில் கசிவு தற்காலிகமாக அடைக்கப்பட்டது.

இதையும் படிங்க: பிரதமர் மோடி அட்வைஸ்! தவறாமல் கடைபிடிக்கும் அமைச்சர்கள்! ஷேரிங் முறையில் கார் பயணம்!

இதையடுத்து, நாசா மற்றும் ரோஸ்கோஸ்மோஸ் இணைந்து வெளியேற்ற உத்தரவை ரத்து செய்தன. விண்வெளி வீரர்கள் அனைவரும் பாதுகாப்பாக இருப்பதாக உறுதி செய்யப்பட்டதைத் தொடர்ந்து, அவர்கள் வழக்கமான பணிகளுக்கு திரும்பினர்.

சர்வதேச விண்வெளி நிலையத்தின் 27 ஆண்டு வரலாற்றில் விண்வெளி வீரர்களை வெளியேற்ற வேண்டிய அவசியம் இதுவரை ஏற்பட்டதில்லை என வட்டாரங்கள் தெரிவித்தன. எனவே, இந்த சம்பவம் அரிதானது எனக் கருதப்படுகிறது. தற்போது நிலையத்தின் செயல்பாடுகள் இயல்பு நிலைக்குத் திரும்பியுள்ளன என்றாலும், கசிவுக்கான முழு காரணம் கண்டறியப்பட்டு, நிரந்தர தீர்வு காணும் பணி தொடர்ந்து நடைபெற்று வருகிறது.

இந்த சம்பவம் விண்வெளி ஆய்வில் எதிர்கொள்ளும் சவால்களை மீண்டும் நினைவூட்டியுள்ளது. இருப்பினும், விண்வெளி வீரர்களின் பாதுகாப்பு முழுமையாக உறுதி செய்யப்பட்டதால், உலகம் முழுவதும் நிம்மதியடைந்துள்ளது. சர்வதேச விண்வெளி நிலையத்தில் தொடர்ந்து முக்கியமான அறிவியல் ஆராய்ச்சிகள் நடைபெற்று வரும் நிலையில், இந்த சம்பவம் எதிர்கால விண்வெளி பயணங்களுக்கு முக்கிய பாடத்தை அளித்துள்ளது.

இதையும் படிங்க: பொய் பேசுற இடமா இது! பதவியை தப்பா யூஸ் பண்ணாதீங்க! ஐ.நாவில் பாகிஸ்தானை பொளந்து கட்டிய இந்தியா!