கேரளாவில் பரவும் அடுத்த அபாயம்! டெங்கு, மலேரியா, ஷிகெல்லாவை தொடர்ந்து எலிக்காய்ச்சல்! 2 பேர் பலி!
கேரளாவில் லெப்டோஸ்பைரோசிஸ் எனப்படும் எலிக்காய்ச்சல் பாதிப்பால் 2 பேர் பலியாகி உள்ளனர்.
by
திருவனந்தபுரம்: கேரளாவில் லெப்டோஸ்பைரோசிஸ் எனப்படும் எலிக்காய்ச்சல் பாதிப்பு பரவி வருவதாக சுகாதாரத் துறை உறுதிப்படுத்தியுள்ளது. இதனால் இதுவரை 2 பேர் உயிரிழந்துள்ளனர். 9 பேருக்கு பாதிப்பு உறுதி செய்யப்பட்டுள்ளது.
உலக சுகாதார அமைப்பு தகவலின்படி, லெப்டோஸ்பைரோசிஸ் என்பது பாக்டீரியாவால் ஏற்படும் தொற்று நோயாகும். தொற்று ஏற்பட்ட எலிகள் மற்றும் விலங்குகளின் சிறுநீர் மூலமாக நேரடியாகவோ அல்லது பாதிக்கப்பட்ட சுற்றுச்சூழல் மூலமாகவோ மனிதர்களுக்கு இந்த நோய் பரவுகிறது. மழைக்காலங்களில் இந்த நோய் அதிகம் பரவும் அபாயம் உள்ளது.
இதுதவிர, கேரளாவில் டெங்கு, மலேரியா உள்ளிட்ட பிற காய்ச்சல் நோய்களும் பரவி வருகின்றன. புதிதாக 12 பேருக்கு டெங்கு, 8 பேருக்கு மலேரியா மற்றும் 6 பேருக்கு ஷிகெல்லா பாதிப்பு உறுதி செய்யப்பட்டுள்ளது. காய்ச்சல் பாதிப்பால் ஒரே நாளில் 11,776 பேர் மருத்துவமனைகள் மற்றும் சுகாதார நிலையங்களில் சிகிச்சை பெற்று வருவதாக சுகாதாரத் துறை தெரிவித்துள்ளது.
இதையும் படிங்க: கேரளாவில் மீண்டும் பரவும் நிபா வைரஸ்! கோழிக்கோட்டில் ஒருவருக்கு தொற்று உறுதி! கண்காணிப்பு தீவிரம்!
கேரளா முழுவதும் மழைப்பொழிவு அதிகமாக உள்ள நிலையில், தண்ணீர் தேங்கும் இடங்களில் எலிகள் மற்றும் பிற விலங்குகளின் சிறுநீர் கலந்து தொற்று ஏற்படும் அபாயம் அதிகரித்துள்ளது. மக்கள் தண்ணீர் தேங்காமல் பார்த்துக் கொள்ளவும், வீடுகளை சுத்தமாக வைத்துக் கொள்ளவும் சுகாதாரத் துறை அறிவுறுத்தியுள்ளது.
எலிக்காய்ச்சல் அறிகுறிகளான உடல் வலி, காய்ச்சல், தலைவலி, கண் சிவத்தல், மஞ்சள் காமாலை போன்றவை ஏற்பட்டால் உடனடியாக மருத்துவ உதவி பெற வேண்டும் என்று மருத்துவர்கள் எச்சரித்துள்ளனர். ஆரம்ப கட்டத்தில் சிகிச்சை எடுத்துக் கொண்டால் இந்த நோயிலிருந்து மீள்வது எளிதாகும்.
கேரள அரசு இந்த நோய் பரவலை கட்டுப்படுத்த தீவிர நடவடிக்கைகள் எடுத்து வருகிறது. மக்களும் தனிப்பட்ட சுகாதாரத்தை கடைபிடித்து, அரசின் அறிவுறுத்தல்களைப் பின்பற்ற வேண்டும் என வேண்டுகோள் விடுக்கப்பட்டுள்ளது. மழைக்காலங்களில் இத்தகைய தொற்று நோய்கள் அதிகம் பரவும் என்பதால் முன்னெச்சரிக்கை நடவடிக்கைகள் மிகவும் அவசியம் என்று சுகாதார நிபுணர்கள் தெரிவித்துள்ளனர்.
இதையும் படிங்க: கேரளாவை உலுக்கும் ஷிகெல்லா வைரஸ்!! நோய் தொற்றால் அடுத்தடுத்து பாதிக்கப்படும் மாணவர்கள்! ஹை அலர்ட்!
