விடிந்ததுமே பேரதிர்ச்சி... கொத்தாய் மண்ணுக்குள் புதைந்த 27 பேர்... 7 பேர் சடலமாக மீட்பு...!

சிக்கிம் மாநிலத்தின் தெற்கு பகுதியில் உள்ள நம்ச்சி மாவட்டத்தில், சுரங்கப் பாதை அமைக்கும் கட்டுமானப் பணிகள் நடைபெற்று வந்தன. அப்போது சுரங்கத்திற்குள் மீத்தேன் போன்ற ஆபத்தான வாயு கசிவு ஏற்பட்டதாகவும், அதன் காரணமாக வாயு வெடித்து நிலச்சரிவு ஏற்பட்டதாகவும் கூறப்படுகிறது. அந்த நிலச்சரிவைத் தொடர்ந்து சுரங்கம் இடிந்து விழுந்துள்ளது.

இந்த கட்டுமானப் பணியின் போது, சுரங்கத்திற்குள் மொத்தம் 27 தொழிலாளர்கள் பணியாற்றிக் கொண்டிருந்ததாக தகவல்கள் தெரிவிக்கின்றன. விபத்து நடந்த உடனேயே, சுரங்கத்தில் சிக்கியவர்களை மீட்பதற்காக தேசிய மற்றும் மாநில பேரிடர் மீட்புப் படையினர், காவல்துறையினர், அவசரகால மீட்புக் குழுவினர் உள்ளிட்டோர் மருத்துவ உபகரணங்களுடன் மீட்புப் பணியில் ஈடுபட்டனர். மேலும், மேற்கு வங்கத்தில் இருந்து வரவழைக்கப்பட்ட சிறப்பு நிபுணர் குழுவும் மீட்புப் பணியில் இணைந்துள்ளது.

இதுவரை ஏழு பேரின் உடல்கள் மீட்கப்பட்டுள்ளன. மேலும், சுமார் 12 பேர் உயிருடன் மீட்கப்பட்டுள்ளதாக தகவல் வெளியாகியுள்ளது. எஞ்சியுள்ள தொழிலாளர்களை மீட்கும் பணிகள் தொடர்ந்து நடைபெற்று வருகின்றன.

இதையும் படிங்க: ஆடி கிருத்திகை: ஆகஸ்ட் 6-ம் தேதி இந்த மாவட்டத்திற்கு உள்ளூர் விடுமுறை - ஆட்சியர் அதிரடி அறிவிப்பு...!

சுரங்கத்திற்குள் இன்னும் ஆபத்தான வாயு கசிவு நீடித்து வருவதால், மீட்புக் குழுவினரால் உள்ளே உள்ள நிலையை முழுமையாக ஆய்வு செய்ய முடியாத சூழல் ஏற்பட்டுள்ளது. அதையும் மீறி உள்ளே செல்வது மீட்புப் பணியாளர்களின் உயிருக்கும் ஆபத்தை ஏற்படுத்தும் என்பதால், மிகுந்த கவனத்துடனும் பொறுமையுடனும் மீட்புப் பணிகள் மேற்கொள்ளப்பட்டு வருகின்றன.

இதுவரை ஏழு பேர் உயிரிழந்துள்ளதை மாவட்ட நிர்வாகம் அதிகாரப்பூர்வமாக உறுதி செய்துள்ளது. சுமார் 12 பேர் மீட்கப்பட்டுள்ள நிலையில், எஞ்சியுள்ளவர்களை மீட்கும் பணிகள் தொடர்ந்து நடைபெற்று வருவதாகவும் அதிகாரிகள் தெரிவித்துள்ளனர்.

இதையும் படிங்க: 24 இடங்களில் வெட்டு... தங்கைக்கு அண்ணன் செய்த கொடூரம்... வாக்குமூலத்தில் சொன்ன பகீர் காரணம்...!