தமிழ்நாடு மருத்துவக் சேர்க்கைக்கான நீட் கலந்தாய்வுக்கு எவ்வித கால நீட்டிப்பும் வழங்கப்பட மாட்டாது என்றும், ஏற்கனவே வெளியிடப்பட்ட தரவரிசைப் பட்டியலை மாற்ற இயலாது என்றும் மக்கள் நல்வாழ்வு மற்றும் மருத்துவத்துறை அமைச்சர் டாக்டர் அருண்ராஜ் திட்டவட்டமாகத் தெரிவித்துள்ளார்.

சென்னையில் செய்தியாளர்களைச் சந்தித்த அமைச்சர் அருண்ராஜ், மருத்துவக் சேர்க்கைக் கலந்தாய்வு மற்றும் மாணவர்களின் மனநலம் குறித்துப் பல்வேறு முக்கியத் தகவல்களைப் பகிர்ந்துகொண்டார்.

அட்டவணைப்படி கலந்தாய்வு: தமிழ்நாடு மாநிலத் தேர்வுக் குழுவின் அதிகாரப்பூர்வ இணையதளத்தில் வெளியிடப்பட்டுள்ள கால அட்டவணையின்படியே கலந்தாய்வு முறையான நடைமுறைகளுடன் நடத்தப்படும். இதில் எந்தவிதக் கால நீட்டிப்பும் தரப்படாது.

இதையும் படிங்க: திமுக தாரைவார்த்த உரிமைகளை மீட்டோம்! 151 மருத்துவ இடங்கள் விவகாரத்தில் அமைச்சர் அருண்ராஜ் அதிரடி!

மாணவர்களின் மதிப்பெண்கள் மற்றும் தரவரிசைப் பட்டியல் அனைத்து விதிகளுக்கும் உட்பட்டே வெளியிடப்பட்டுள்ளதால், தரவரிசைப் பட்டியலிலும் மாற்றங்கள் செய்ய முடியாது.

"நீட் தேர்வு என்பது ஒரு பெரிய வாய்ப்புதான், அதை மறுக்க முடியாது. ஆனால், அது மட்டுமே உலகம் கிடையாது. இந்த உலகில் சாதிப்பதற்குப் பல்வேறு படிப்புகளும், எண்ணற்ற வாய்ப்புகளும் கொட்டிக்கிடக்கின்றன" என்று மாணவர்களுக்கு நம்பிக்கையூட்டினார்.

நீட் தேர்வில் எதிர்பார்த்த மதிப்பெண் பெறத் தவறிய அல்லது தோல்வியடைந்த மாணவர்கள் எக்காரணம் கொண்டும் மனந்தளரக் கூடாது என்றும், உற்சாகத்துடன் மீண்டும் தங்களது படிப்பைத் தொடர்ந்து எதிர்கால இலக்குகளை அடைய உழைக்க வேண்டும் என்றும் அமைச்சர் அன்போடு கேட்டுக் கொண்டார்.

மருத்துவக் சேர்க்கைக் கலந்தாய்வு குறித்த தெளிவான அறிவிப்பும், தேர்வில் தோல்வியடைந்த மாணவர்களுக்கு அமைச்சர் அருண்ராஜ் வழங்கியுள்ள உத்வேகமான வார்த்தைகளும் பெற்றோர் மற்றும் மாணவர்களிடையே பெரும் நிம்மதியையும் தெளிவையும் ஏற்படுத்தியுள்ளன.

இதையும் படிங்க: முந்தைய ஆட்சியின் திட்டங்கள் நிறுத்தப்படாது: பட்ஜெட்டில் மருத்துவத்துறைக்கு முக்கிய அறிவிப்புகள் வரும் என அமைச்சர் அருண்ராஜ் பேட்டி!