தமிழக அரசியலில் தேர்தல் களம் சூடுபிடித்துள்ள நிலையில், பாரதப் பிரதமர் நரேந்திர மோடி அவர்கள் அடுத்த மாதம் இரண்டு முக்கிய மாவட்டங்களில் சுற்றுப்பயணம் மேற்கொள்ள உள்ளதாகத் தமிழக பாரதிய ஜனதா கட்சி அறிவித்துள்ளது. இது தொடர்பாக பாஜக மாநிலத் தலைவர் திரு. நயினார் நாகேந்திரன் வெளியிட்டுள்ள அறிக்கையில், மார்ச் 1-ஆம் தேதி மதுரையிலும், மார்ச் 6-ஆம் தேதி வேலூரிலும் நடைபெறவுள்ள பிரம்மாண்ட பொதுக்கூட்டங்களில் பிரதமர் கலந்து கொண்டு உரையாற்ற உள்ளதாகத் தெரிவிக்கப்பட்டுள்ளது.

பிரதமரின் இந்தப் பயணத் திட்டங்களை ஒருங்கிணைக்கவும், நிகழ்ச்சிகளைச் சிறப்பாக நடத்தி முடிக்கவும் மத்திய இணை அமைச்சர் . எல். முருகன் அவர்கள் தலைமையில் மாநில அளவிலான குழு அமைக்கப்பட்டுள்ளது. இதற்காக மதுரை மற்றும் வேலூர் மாவட்டங்களுக்குத் தனித்தனியே பொறுப்பாளர்கள் நியமிக்கப்பட்டுள்ளனர்.

மதுரை மாவட்ட நிகழ்ச்சி ஏற்பாட்டுக் குழு:

திரு. M. முருகானந்தம் (மாநிலப் பொதுச் செயலாளர்)

திரு. Prof. இராம சீனிவாசன் (மாநிலப் பொதுச் செயலாளர்)

திரு. பொன். V. பாலகணபதி (மாநிலப் பொதுச் செயலாளர்)

வேலூர் மாவட்ட நிகழ்ச்சி ஏற்பாட்டுக் குழு:

திரு. கரு. நாகராஜன் (மாநிலத் துணைத் தலைவர்)

திருமதி. P. கார்த்தியாயினி (மாநிலப் பொதுச் செயலாளர்)

திரு. K. வெங்கடேசன் (மாநிலச் செயலாளர்)

தென் தமிழகத்தின் மையமான மதுரையிலும், முக்கியத் தொழில் மையமான வேலூரிலும் பிரதமரின் வருகை அறிவிக்கப்பட்டுள்ளதால், பாஜக தொண்டர்கள் மிகுந்த உற்சாகத்தில் உள்ளனர். 2026 சட்டமன்றத் தேர்தலுக்கு முன்னதாகப் பிரதமரின் இந்தத் தொடர் வருகைகள் தமிழக அரசியலில் மிகப்பெரிய தாக்கத்தை ஏற்படுத்தும் என எதிர்பார்க்கப்படுகிறது. இந்தப் பயணத்தின் போது பல்வேறு புதிய மத்திய அரசுத் திட்டங்களைத் தொடங்கி வைக்கவும், முக்கியத் தலைவர்களைச் சந்திக்கவும் பிரதமர் திட்டமிட்டுள்ளதாகத் தகவல்கள் தெரிவிக்கின்றன.

இதையும் படிங்க: பாஜக தெருமுனை பிரச்சாரம் பிப்.17 முதல் தொடக்கம்: அண்ணாமலை, எல்.முருகன் பங்கேற்பு!

இதையும் படிங்க: மோடி, அமித்ஷாவுக்கு பதில் சொல்லும் ஒரே தத்துவ தலைவர் ஸ்டாலின்! - ஆ.ராசா எம்.பி. ஆவேச உரை!