ஆண்டு செயல் திட்டங்கள் என்னென்ன?! துறை வாரியாக ஆய்வு கூட்டம் நடத்தும் முதல்வர் விஜய்!!

சென்னை: தமிழக பட்ஜெட் தாக்கல் செய்யப்பட உள்ள நிலையில், முதல்வர் விஜய் துறை வாரியாக ஆய்வு கூட்டங்களை தீவிரமாக நடத்தி வருகிறார். ஒவ்வொரு துறையின் செயல்பாடுகளையும் நேரடியாகப் பார்த்து, ஆண்டு செயல் திட்டங்கள் குறித்து அதிகாரிகளிடம் விளக்கம் கேட்டார்.

நேற்று காலை ஆதி திராவிடர் மற்றும் பழங்குடியினர் நலத்துறை தொடர்பான ஆய்வு கூட்டம் நடைபெற்றது. பிற்பகலில் பிற்படுத்தப்பட்டோர், மிகவும் பிற்படுத்தப்பட்டோர் மற்றும் சிறுபான்மையினர் நலத்துறை கூட்டம் நடந்தது. இரு கூட்டங்களிலும் துறை அமைச்சர்கள், செயலர்கள் மற்றும் உயர் அதிகாரிகள் பங்கேற்றனர். 

துறை சார்ந்து தற்போது செயல்படுத்தப்படும் திட்டங்கள், பட்ஜெட்டில் புதிதாக அறிவிக்கலாம் என எதிர்பார்க்கப்படும் திட்டங்கள் உள்ளிட்டவை குறித்து செயலர்கள் விரிவாக எடுத்துரைத்தனர். 

இதையும் படிங்க: பட்ஜெட்டில் இடம்பெறும் புதிய அறிவிப்புகள்?! உயர்க்கல்வித்துறை அதிகாரிகளுடன் முதல்வர் விஜய் ஆலோசனை!

முதல்வர் விஜய் அதிகாரிகளிடம் பல்வேறு கேள்விகள் எழுப்பி பதில்களைப் பெற்றார். குறிப்பாக ஒவ்வொரு துறையிலும் ஓராண்டு, மூன்றாண்டு மற்றும் ஐந்தாண்டு கால செயல் திட்டங்களைத் தயாரித்து செயல்படுத்த வேண்டும் என்று வலியுறுத்தினார்.

ஓராண்டுக்குள் மக்களுக்கு என்னென்ன நன்மைகளை வழங்க முடியும் என்பதைத் தெளிவாக திட்டமிடுமாறு அதிகாரிகளுக்கு அறிவுறுத்தினார். மக்களின் அன்றாடப் பிரச்னைகளுக்கு விரைவான தீர்வு காணும் வகையில் திட்டங்கள் இருக்க வேண்டும் என வலியுறுத்தினார். மேலும் ஆணவக் கொலை தடுப்பு நடவடிக்கைகள் குறித்தும் இந்தக் கூட்டங்களில் விரிவாக விவாதிக்கப்பட்டது.

தமிழக அரசு மக்கள் நலன் சார்ந்த திட்டங்களுக்கு முன்னுரிமை அளித்து வரும் நிலையில், இந்த ஆய்வுக் கூட்டங்கள் முக்கியத்துவம் பெற்றுள்ளன. பட்ஜெட்டில் புதிய அறிவிப்புகள் மற்றும் மானியக் கோரிக்கைகள் விரைவில் தாக்கல் செய்யப்பட உள்ளதால், துறை அதிகாரிகள் தீவிரமாக செயல்பட்டு வருகின்றனர். 

முதல்வர் விஜய் தலைமையில் நடைபெறும் இந்த ஆய்வுகள் அரசின் செயல்பாட்டை மேம்படுத்தும் என எதிர்பார்க்கப்படுகிறது. குறிப்பாக பிற்படுத்தப்பட்டோர், பழங்குடியினர் உள்ளிட்ட பல்வேறு பிரிவு மக்களின் வாழ்வாதாரத்தை உயர்த்தும் திட்டங்கள் பட்ஜெட்டில் இடம்பெறும் என தகவல்கள் வெளியாகியுள்ளன. தமிழக அரசின் இந்த நடவடிக்கை மக்களிடையே நல்ல வரவேற்பைப் பெற்றுள்ளது. 

இதையும் படிங்க: மாதம் ரூ.2,500! வருசம் 6 கேஸ் சிலிண்டர்!! பட்ஜெட்டில் வெளியாகும் அறிவிப்பு எது?! முதல்வர் விஜய் ஆலோசனை!