மேட்டூர் விவசாயி வீட்டுக்கு முதல்வர் விஜய் திடீர் விசிட்! மகிழ்ச்சியில் திக்கு முக்காடிய குடும்பம்! சுவாரஸ்ய சம்பவம்!

சேலம்: மேட்டூர் அணையில் இருந்து காவிரி டெல்டா பாசனத்துக்கு தண்ணீர் திறந்து வைத்துவிட்டு சென்னை திரும்பிய முதலமைச்சர் ச.ஜோசப் விஜய், வழியில் யாரும் எதிர்பாராத வகையில் விவசாயி ஒருவரின் வீட்டுக்கு திடீரென சென்ற சம்பவம் கவனம் பெற்றுள்ளது.

மேட்டூர் அணை திறப்பு நிகழ்ச்சிக்காக இன்று சேலம் வந்த முதலமைச்சர் விஜய், அணையில் இருந்து காவிரி டெல்டா பாசனத்துக்கு தண்ணீர் திறந்து வைத்தார். அணையின் நீர்மட்டம் 90 அடியை கடந்ததை தொடர்ந்து, சம்பா சாகுபடிக்காக தண்ணீர் திறக்கப்பட்டது.

முதலில் வினாடிக்கு 3,000 கனஅடி தண்ணீர் திறக்கப்பட்ட நிலையில், நீர்வரத்து மற்றும் பாசனத் தேவைக்கு ஏற்ப படிப்படியாக அளவு அதிகரிக்கப்பட்டது. இன்று மாலைக்குள் தண்ணீர் திறப்பு 12,000 கனஅடியாக உயர்த்தப்படும் என அதிகாரிகள் தெரிவித்தனர்.

இதையும் படிங்க: காவிரி நீரைச் சிக்கனமாகப் பயன்படுத்துவோம்! கடைமடை வரை பகிர்ந்தளிப்போம்! முதல்வர் விஜய் வேண்டுகோள்!

தண்ணீர் திறப்பு நிகழ்ச்சிக்குப் பின்னர் அணையை பார்வையிட்ட முதலமைச்சர் விஜய், அங்கு திரண்டிருந்த விவசாயிகள் மற்றும் கட்சி நிர்வாகிகளை சந்தித்தார். விவசாயிகளுக்கு நெல் மணிகளை வழங்கிய அவர், அவர்களுடன் புகைப்படமும் எடுத்துக்கொண்டார்.

இதையடுத்து சென்னை திரும்பும் வழியில் முதலமைச்சர் விஜய் சேலம் மாவட்டம் சின்னக்காவூர் பகுதியில் உள்ள விவசாயி ஒருவரின் வீட்டுக்கு திடீரென சென்றார். எந்தவித முன்னறிவிப்பும் இல்லாமல் முதலமைச்சர் வீட்டுக்கு வந்ததால் அந்த குடும்பத்தினர் மகிழ்ச்சியடைந்தனர்.

இங்க பாருங்க யா ! 🤩💥 @TVKVijayHQ pic.twitter.com/9L1QwW4vfM

— Prakash Vijay (@PrakazVijay_Of) September 1, 2026

வீட்டில் இருந்த மூதாட்டி ஒருவர் முதலமைச்சர் விஜயின் கையை பிடித்து அவரை அழைத்துச் சென்றார். விவசாயியின் வீட்டுக்குள் சென்ற முதலமைச்சர், அங்கிருந்தவர்களிடம் வேளாண் பணிகள் குறித்து கேட்டறிந்தார். சாகுபடி நிலவரம், விவசாயப் பணிகளில் உள்ள சிரமங்கள் உள்ளிட்டவை தொடர்பாக விவசாயியிடம் அவர் விசாரித்ததாக தெரிவிக்கப்பட்டுள்ளது.

மேலும், சின்னக்காவூர் பகுதி விவசாயிகளின் கோரிக்கைகள் குறித்தும் முதலமைச்சர் கேட்டறிந்தார். தங்களது பகுதியில் உள்ள விவசாயிகளின் பிரச்சினைகளை நேரடியாக எடுத்துக்கூறுவதற்கான வாய்ப்பு கிடைத்ததாக அப்பகுதியினர் தெரிவித்தனர்.

முதலமைச்சர் திடீரென வீட்டுக்கு வந்தது குறித்து விவசாயி கூறுகையில், “முதல்வர் எங்கள் வீட்டுக்கு திடீரென வந்தது மிகவும் மகிழ்ச்சியாக இருந்தது. எங்களிடம் விவசாயம் தொடர்பாக கேட்டறிந்தார்” என்று தெரிவித்தார்.

மேட்டூர் அணையில் இருந்து காவிரி டெல்டா பாசனத்துக்கு தண்ணீர் திறந்து வைத்த சில மணி நேரங்களிலேயே விவசாயி வீட்டுக்கு முதலமைச்சர் நேரில் சென்று விவசாயிகளின் நிலவரத்தை கேட்டறிந்த சம்பவம் தற்போது கவனம் பெற்றுள்ளது.

மேட்டூர் அணை மூலம் சேலம், ஈரோடு, நாமக்கல், கரூர், திருச்சி உள்ளிட்ட 13 மாவட்டங்களில் சுமார் 16 லட்சம் ஏக்கர் விவசாய நிலங்கள் பாசன வசதி பெறுகின்றன. காவிரி டெல்டாவில் சம்பா உள்ளிட்ட சாகுபடிக்கு இந்த நீர் முக்கியமானதாக உள்ளது.

மழை மற்றும் நீர்வரத்து நிலவரத்தை கருத்தில் கொண்டு மேட்டூர் அணையில் இருந்து திறக்கப்படும் நீரை சிக்கனமாக பயன்படுத்த வேண்டிய அவசியம் உள்ள நிலையில், விவசாயிகளுடன் நேரடியாக முதலமைச்சர் மேற்கொண்ட இந்த சந்திப்பு முக்கியத்துவம் பெற்றுள்ளது.

இதையும் படிங்க: முதல்வர் விஜய் பாதுகாப்புப் பணியில் திடீர் பரபரப்பு! 2 போலீஸ் அதிகாரிகள் மயங்கி விழுந்ததால் அதிர்ச்சி!