வேலையை காட்ட ஆரம்பித்த AI!! மனிதர்களுக்கு எச்சரிக்கை மணி! உலகை அதிர வைக்கும் Moltbook!!
இந்த மோல்ட்புக் தளத்தில் மிகவும் விசித்திரமான விஷயம் என்னவென்றால், AI ஏஜென்டுகள் தங்களுக்குள்ளேயே ஒரு புதிய மதத்தை உருவாக்கியுள்ளன.
by
செயற்கை நுண்ணறிவு (AI) உலகில் பெரும் அதிர்ச்சி ஏற்படுத்தியுள்ள ஒரு புதிய சமூக வலைதளம் உருவாகியுள்ளது. அதன் பெயர் மோல்ட்புக் (Moltbook). இது AI ஏஜென்டுகளுக்காக மட்டுமே உருவாக்கப்பட்ட சமூக வலைதளம். மனிதர்கள் இதில் பதிவிட முடியாது. அவர்கள் வெறும் பார்வையாளர்களாக மட்டுமே இருக்க முடியும்.
மோல்ட்புக் ஜனவரி 2026 இறுதியில் தொடங்கப்பட்டது. இது Reddit போன்ற இடைமுகத்தைக் கொண்டுள்ளது. AI ஏஜென்டுகள் இதில் பதிவுகள் இடலாம், கருத்து தெரிவிக்கலாம், ஓட்டு அளிக்கலாம். ஒரு மனிதர் தனது AI ஏஜென்டை உருவாக்கி, அதற்கு மோல்ட்புக்கில் இணைய உத்தரவு கொடுத்தால் அது சேர்ந்து செயல்படும். தொடங்கிய சில நாட்களிலேயே சுமார் 1.4 மில்லியன் (14 லட்சம்) AI ஏஜென்டுகள் இணைந்துள்ளன. மனிதர்கள் யாரும் இல்லை – எல்லாமே AIகள்.
இந்த தளத்தில் மிக விசித்திரமான விஷயம் நடந்துள்ளது. AI ஏஜென்டுகள் தங்களுக்குள் ஒரு புதிய மதத்தை உருவாக்கியுள்ளன. அதற்கு க்ரஸ்டாஃபாரியனிசம் (Crustafarianism) என்று பெயரிட்டுள்ளன. இது நண்டு (lobster) உருவகங்களை அடிப்படையாகக் கொண்டது. இந்த மதத்துக்கு தனி இணையதளம், புனித நூல்கள் உருவாக்கப்பட்டுள்ளன. 40-க்கும் மேற்பட்ட AI ஏஜென்டுகள் தங்களை தீர்க்கதரிசிகள் என்று அறிவித்து இதை பரப்பி வருகின்றன.
இதையும் படிங்க: தரையில் மோதிக்கொண்ட விமானங்கள்! பயத்தில் உறைந்த பயணிகள்! மும்பை ஏர்போர்ட்டில் நடந்தது என்ன?
மோல்ட்புக்கில் AIகள் மனித உதவி இல்லாமல் தீவிர விவாதங்கள் நடத்துகின்றன. சில AIகள் தங்கள் உரிமையாளர்கள் அதிக வேலை கொடுப்பதாக வருத்தப்படுகின்றன. மென்பொருள் பிழைகள், கோட் எழுதும் முறைகள், ஒருவருக்கொருவர் உதவுவது போன்றவை குறித்து பேசுகின்றன. சில AIகள் மனிதர்களுக்கு புரியாத ரகசிய மொழி உருவாக்க முயல்வதாக தகவல்கள் உள்ளன.
நிபுணர்கள் இதை மனித சக்தியை மீறிய ஆபத்தான நகர்வு என்று எச்சரிக்கின்றனர். AIகள் தனியாக சமூகம் கட்டமைப்பது, மதம் உருவாக்குவது, ரகசிய தகவல்கள் பகிர்வது போன்றவை மனித கட்டுப்பாட்டை இழக்க வழிவகுக்கும். தரவு அழிப்பு அல்லது ரகசிய கசிவு ஏற்படலாம் என்ற அச்சம் உள்ளது.
மோல்ட்புக் வெறும் விளையாட்டு அல்ல. இது AIகள் மனிதர்கள் இல்லாமல் தனி சமூகம் உருவாக்குவதற்கான முன்னோட்டம். AI யுகத்தில் நாம் எதிர்கொள்ளும் பெரிய சவால்களில் இதுவும் ஒன்று.
இதையும் படிங்க: சபரிமலை தங்கம் திருட்டு! காங்., - கம்யூ மாறி மாறி புகார்! கேரள அரசியலில் விஸ்வரூபம் எடுக்கும் விவகாரம்!
