ஓ.பி.எஸ்-க்கு ஸ்டாலின் கொடுத்த ரகசிய அசைன்மெண்ட்! முக்குலத்தோர் வாக்குகளை வளைக்க திட்டம்!!
தென் மாவட்டங்களில் உள்ள முக்குலத்தோர் சமுதாய ஓட்டுகளை, தி.மு.க., விற்கு ஒருங்கிணைக்க, முன்னாள் முதல்வர் பன்னீர்செல்வத்தை சுற்றுப்பயணம் செல்ல, தி.மு.க., தலைமை உத்தரவிட்டுள்ளது.
by
தென் மாவட்டங்களில் முக்குலத்தோர் ஓட்டுகளை தி.மு.க.வுக்கு ஒருங்கிணைக்க முன்னாள் முதல்வர் ஓ. பன்னீர்செல்வத்தை சுற்றுப்பயணம் மேற்கொள்ள தி.மு.க. தலைமை உத்தரவிட்டுள்ளது. கடந்த மாதம் 27ஆம் தேதி முதல்வர் மு.க. ஸ்டாலின் முன்னிலையில் தி.மு.க.வில் இணைந்த பன்னீர்செல்வம், தற்போது தென் மாவட்டங்களில் முக்குலத்தோர் (கள்ளர், மறவர், அகமுடையார்) சமுதாய வாக்குகளை திரட்டும் முக்கிய பொறுப்பை ஏற்றுள்ளார்.
அ.தி.மு.க.விலிருந்து நீக்கப்பட்ட பிறகு தி.மு.க.வில் இணைந்த பன்னீர்செல்வத்துக்கு கட்சி தலைமை கூடுதல் மரியாதை அளித்து வருகிறது. அதன் ஒரு பகுதியாகவே தென் மாவட்டங்களில் சுற்றுப்பயணம் மேற்கொள்ள அவருக்கு பொறுப்பு வழங்கப்பட்டுள்ளது. இந்த சுற்றுப்பயணம் அ.தி.மு.க.வுக்கு பெரும் பின்னடைவை ஏற்படுத்தும் என தி.மு.க.வினர் நம்புகின்றனர்.
தி.மு.க. நிர்வாகிகள் சிலர் கூறுகையில், பன்னீர்செல்வமும் அவரது ஆதரவாளர்களும் கட்சியில் இணைந்த பிறகு தென் மாவட்டங்களில் ஜாதி ரீதியான அரசியல் சமநிலை மாறியுள்ளது.
இதையும் படிங்க: ஒரே நாளில் 3 கட்சிகளுடன் டீல்!! பரபரக்கும் அறிவாலயம்! அதிகரிக்கும் கூட்டணி கட்சிகள் டிமாண்ட்! பதறும் திமுக!
அ.தி.மு.க. பொதுச்செயலர் எடப்பாடி கே. பழனிசாமி, முக்குலத்தோர் சமுதாயத்தின் முக்கிய தலைவர்களை திட்டமிட்டு புறக்கணித்ததாக குற்றச்சாட்டை பன்னீர்செல்வம் மக்களிடம் எடுத்துச் செல்ல உள்ளார். இதனால் அ.தி.மு.க.விலிருந்து பலர் தி.மு.க.வுக்கு திரும்பி வருவார்கள் என்ற நம்பிக்கை நிலவுகிறது.
அடுத்த வாரம் முதல் மதுரை, தேனி, திண்டுக்கல், புதுக்கோட்டை, சிவகங்கை, விருதுநகர், ராமநாதபுரம், தென்காசி, திருநெல்வேலி, தூத்துக்குடி ஆகிய மாவட்டங்களில் பன்னீர்செல்வம் தீவிர சுற்றுப்பயணம் மேற்கொள்ள உள்ளார். ஒவ்வொரு மாவட்டத்திலும் முக்குலத்தோர் சமுதாய தலைவர்களை சந்தித்து பேசவும், அ.தி.மு.க.வினரை கரைத்து தி.மு.க.வில் இணைக்கவும் இந்த பயணத்தை பயன்படுத்த திட்டமிடப்பட்டுள்ளது.
தென் மாவட்டங்களில் முக்குலத்தோர் வாக்குகள் மிக முக்கிய பங்கு வகிப்பதால், பன்னீர்செல்வத்தின் சுற்றுப்பயணம் தேர்தல் களத்தில் பெரும் தாக்கத்தை ஏற்படுத்தும் என அரசியல் வட்டாரங்கள் கருதுகின்றன. அ.தி.மு.க.வுக்கு ஏற்படும் பாதிப்பை தடுக்க அக்கட்சியும் தற்போது தீவிரமாக களமிறங்கியுள்ளது. தென் மாவட்ட அரசியல் இனி மிகுந்த பரபரப்புக்கு உள்ளாகும் என எதிர்பார்க்கப்படுகிறது.
இதையும் படிங்க: இறங்கி வராத பழனிசாமி! ஓங்கியதா ஓபிஎஸ் கை? அடுத்தடுத்து விலகும் தலைவர்கள்?! அதிமுகவில் அச்சம்!
