நயினார் இன்று டெல்லி பயணம்!! எல்.முருகன் வீட்டில் மீட்டிங்!! ஸ்கெட்ச் போடும் மோடி! தமிழகம் தான் டார்கெட்!

டெல்லியில் உள்ள தனது இல்லத்தில் ஆண்டுதோறும் பொங்கல் பண்டிகையை சிறப்பாகக் கொண்டாடி வரும் மத்திய இணை அமைச்சர் எல்.முருகன், இந்த ஆண்டும் நாளை (ஜனவரி 14) பிரம்மாண்டமான பொங்கல் விழா நடத்த உள்ளார். இந்த விழாவில் சிறப்பு விருந்தினராக இந்தியப் பிரதமர் நரேந்திர மோடி கலந்து கொள்ள உள்ளார். இதனால் டில்லியில் உள்ள தமிழ் சமூகத்தினரிடையே பெரும் உற்சாகம் நிலவுகிறது.

முருகன் இல்லத்தில் ஏற்கனவே பெரிய அளவில் ஏற்பாடுகள் நடந்து வருகின்றன. வீடு முழுவதும் கரும்பு, மஞ்சள் கொத்துகள், வாழை மரங்கள், தோரணங்கள், கொலம் ஆகியவற்றால் அழகாக அலங்கரிக்கப்பட்டுள்ளது. பாரம்பரிய தமிழ் கலை நிகழ்ச்சிகளான சிலம்பாட்டம், கரகாட்டம், தப்பாட்டம் போன்றவை நடைபெற உள்ளன. இசை நிகழ்ச்சியில் பிரபல இசையமைப்பாளர் ஜி.வி. பிரகாஷ் குமார் சிறப்பு இசை நிகழ்த்த உள்ளார்.

விழாவில் துணை ஜனாதிபதி சி.பி. ராதாகிருஷ்ணன், பல மத்திய அமைச்சர்கள், பாஜக மூத்த தலைவர்கள், டில்லியில் உள்ள தமிழ் சமூக பிரமுகர்கள் உள்ளிட்டோர் பங்கேற்க உள்ளனர்.

இதையும் படிங்க: H. ராஜா அதிரடி கைது..! இதுதான் காரணம்... அமைச்சர் சேகர்பாபு பரபரப்பு பேட்டி..!

இந்நிலையில், தமிழக பாஜக தலைவர் நயினார் நாகேந்திரன் இன்று (ஜனவரி 13) டில்லி செல்கிறார். அவர் இந்த பொங்கல் விழாவில் கலந்து கொள்வதுடன், சமீபத்தில் அ.தி.மு.க. பொதுச்செயலர் எடப்பாடி பழனிசாமியுடன் நடத்திய முக்கிய பேச்சுவார்த்தையின் போது விவாதிக்கப்பட்ட விவரங்களை – குறிப்பாக 2026 சட்டமன்றத் தேர்தலில் பாஜகவுக்கு ஒதுக்கப்படவிருக்கும் தொகுதிகளின் எண்ணிக்கை உள்ளிட்ட முக்கிய தகவல்களை – பாஜக மேலிடத் தலைவர்களிடம் நேரடியாகத் தெரிவிக்க உள்ளார்.

கடந்த ஆண்டு நடைபெற்ற பொங்கல் விழாவில் பிரதமர் மோடி கலந்து கொண்டு, திருக்குறளை மேற்கோள் காட்டி உரையாற்றியதுடன், சிறுதானியங்களின் முக்கியத்துவத்தை வலியுறுத்தியிருந்தார். இந்த ஆண்டும் அவர் தமிழ் பாரம்பரியத்தை மேலும் பாராட்டும் வகையில் உரையாற்றுவார் என எதிர்பார்க்கப்படுகிறது.

தமிழக அரசியல் மற்றும் தமிழ் பண்பாட்டை ஒருங்கிணைக்கும் இந்த நிகழ்வு, டில்லியில் பெரும் கவனத்தை ஈர்த்துள்ளது.

இதையும் படிங்க: அதிமுக - பாஜ கூட்டணியில் புதிய கட்சி ஒண்ணும் இணைய போகுது! ட்விஸ்ட் வைக்கும் இபிஎஸ்!!! யார் அது?!