என்ன ஆச்சு? Vijay Health Issue!! அடிக்கடி சோர்வடையும் விஜய்? அடுத்தடுத்து ரத்தாகும் பிரசாரம்?!

தமிழக சட்டசபைத் தேர்தல் பிரசாரத்தில் த.வெ.க. தலைவர் விஜய்க்கு உடல் நலக் குறைவு ஏற்பட்டுள்ளதால், அவரது பிரசார நிகழ்ச்சிகள் தொடர்ந்து ரத்து செய்யப்பட்டு வருகின்றன. இது கட்சி வட்டாரங்களில் பெரும் கவலையை ஏற்படுத்தியுள்ளது.

த.வெ.க. 233 தொகுதிகளில் போட்டியிடும் நிலையில், விஜய் சென்னை பெரம்பூர் மற்றும் திருச்சி கிழக்கு தொகுதிகளில் போட்டியிடுகிறார். ஏற்கனவே பெரம்பூர், திருச்சி கிழக்கு, கொளத்தூர், திருநெல்வேலி, தூத்துக்குடி உள்ளிட்ட இடங்களில் பிரசாரம் செய்துள்ளார். கடந்த 10ம் தேதி காரைக்குடியில் பிரசாரம் செய்ய சென்றபோது, விமானம் மற்றும் சாலைப் பயணத்தால் தாமதமாகி, பேச முடியாமல் போனது. 

அதன் பிறகு நேற்றைய கடலூர் பிரசாரமும், இன்றைய கும்மிடிப்பூண்டி பிரசாரமும் திடீரென ரத்து செய்யப்பட்டன. முன்பு சென்னை வில்லிவாக்கம், தி.நகர், சைதாப்பேட்டை ஆகிய இடங்களிலும் பிரசாரம் ரத்து செய்யப்பட்டிருந்தது. இன்று கன்னியாகுமரியில் பிரசாரம் செய்ய இருந்ததாகக் கூறப்பட்டாலும், நேற்றிரவு வரை உறுதிப்படுத்தப்படவில்லை.

இதையும் படிங்க: மு.க.ஸ்டாலின் Vs கனிமொழி!! இரண்டாக பிரியும் திமுக?! கொளுத்திப்போட்ட அண்ணாமலை!

த.வெ.க. வட்டாரங்கள் தெரிவித்ததாவது: கோடை வெயிலின் தாக்கம் மிக அதிகம். ஒரு நாள் பிரசாரம் செய்தாலே விஜய் மிகவும் சோர்வடைந்து விடுகிறார். எனவே அடுத்த நாள் பிரசாரம் செய்ய முடியவில்லை. திருச்சி கிழக்கு, புதுச்சேரி, திருநெல்வேலி பிரசாரத்துக்குப் பிறகு இரண்டு நாட்கள் ஓய்வு எடுக்க வேண்டிய நிலை ஏற்பட்டது. இதனால் மூன்று நாட்களுக்கு ஒருமுறை மட்டுமே பிரசாரம் செய்ய முடிகிறது.

காரைக்குடி சென்று திரும்பியபோது விஜய் மிகவும் தளர்ந்து போனார். நீண்ட காலம் நடிகராக இருந்தாலும், கோடை வெயிலில் இவ்வளவு வெளியே அலைந்தது இல்லை. கட்சி தொடங்கிய மூன்று ஆண்டுகளில் உடலைப் பழக்கியிருந்தால் தேர்தல் சமயத்தில் உதவியிருக்கும் என்று கூறப்படுகிறது. முதல் முறையாக தீவிரமாக வெயிலில் அலைவதால் உடலில் நீர்ச்சத்து குறைந்து, சில சமயங்களில் வாந்தி மற்றும் தலைசுற்றல் ஏற்படுகிறது. 

மேலும், வெளி மாவட்டங்களுக்குச் சென்றாலும் காலையில் சென்னை நீலாங்கரை இல்லத்திலிருந்து கிளம்பி, மாலையில் திரும்பி விடுகிறார். வெளியில் தங்குவதில்லை. தொடர்ச்சியான விமானப் பயணம், ரோடு ஷோ, பிரசாரம் ஆகியவை அவரை மிகவும் சோர்வடையச் செய்கின்றன.

கடந்த சில ஆண்டுகளாக விஜய் டைப்-2 டயாபட்டீஸ் எனும் சர்க்கரை நோயால் பாதிக்கப்பட்டுள்ளதாகவும், இதனால் இடது கால் பாதம் அடிக்கடி மரத்துப் போவதாகவும், உடல் சோர்வு அதிகமாக இருப்பதாகவும் கட்சி நிர்வாகி ஒருவர் தெரிவித்தார். ஒரு நாள் பிரசாரம் செய்தால் அடுத்த நாள் முழுவதும் ஓய்வு எடுக்க வேண்டிய அளவுக்கு உடல் நிலை உள்ளது என்றார்.

இந்நிலையில், விஜய் ஒரு அறிக்கை வெளியிட்டுள்ளார். அதில், “மாற்றத்திற்கான முதன்மைச் சக்தியான நாம், வெற்றிப் பாதையில் சரியாகப் பயணிக்கிறோம். தேர்தல் நாள் நெருங்கி வரும் சூழலில், பூத் பொறுப்பாளர்கள், உறுப்பினர்கள் அனைவரும் களத்தில் இறங்கி பணியாற்றுங்கள். வேட்பாளர்களுக்கு முழு ஒத்துழைப்பு கொடுங்கள். 

அடுத்த பத்து நாட்களும் காலை, மாலை நேரங்களில் வீடு வீடாகச் சென்று மக்களைச் சந்தித்து, த.வெ.க. வேட்பாளர்களுக்கு வாக்கு கேளுங்கள். இது நமக்கான தேர்தல் மட்டுமல்ல, ஒரு தலைமுறைக்கான மாற்றத்துக்கான தேர்தல். ஜனநாயகத்தை நிலைநாட்டுவோம்” என்று வேண்டுகோள் விடுத்துள்ளார்.

இதையும் படிங்க: இணையத்தில் லீக்கான ஜனநாயகன்! தொண்டர்கள் அதிர்ச்சி! விஜய்க்கு சாதகமா? பாதகமா?