விசாகப்பட்டினத்தில் நேற்று (பிப்ரவரி 20, 2026) தொடங்கிய 'மிலன்-2026' கடற்படை கூட்டுப் பயிற்சி உலக அளவில் கவனத்தை ஈர்த்துள்ளது. இந்திய கடற்படை தலைமையில் நடைபெறும் இந்த பயிற்சி வரும் 25-ஆம் தேதி வரை தொடரும். 19 நாடுகளைச் சேர்ந்த போர்க்கப்பல்கள், கடற்படை விமானங்கள் மற்றும் பிரதிநிதிகள் இதில் பங்கேற்றுள்ளனர். துவக்க விழாவில் 74 நாடுகளைச் சேர்ந்த கடற்படைத் தளபதிகள் மற்றும் உயர் அதிகாரிகள் கலந்துகொண்டனர்.

விழாவில் சிறப்பு விருந்தினராக பங்கேற்ற மத்திய பாதுகாப்புத்துறை அமைச்சர் ராஜ்நாத் சிங், கடலோரப் பாதுகாப்பு சவால்களை எதிர்கொள்ள உலக நாடுகள் கூட்டு முயற்சி எடுக்க வேண்டும் என்று வலியுறுத்தினார்.

அவர் பேசியதாவது: "கடல்சார் பாதுகாப்பில் பாரம்பரிய அச்சுறுத்தல்களுடன், கடல் கொள்ளை, கடல்சார் பயங்கரவாதம், சட்டவிரோத மீன்பிடித்தல், கடத்தல், சைபர் தாக்குதல்கள் போன்ற புதிய சவால்களும் சேர்ந்துள்ளன.

இதையும் படிங்க: பாகிஸ்தானுக்கு பயம் காட்டிய ஏவுகணை! வாங்கி குவிக்கும் இந்தியா! வந்து இறங்க காத்திருக்கும் அரக்கன்!!

காலநிலை மாற்றத்தால் இயற்கை பேரிடர்களும் அதிகரித்துள்ளன. இதனால் மனிதாபிமான உதவி மற்றும் பேரிடர் மீட்பு பணிகளும் அடிக்கடி தேவைப்படுகின்றன. இத்தகைய சவால்களை தனித்தனியாக எதிர்கொள்ள முடியாது. எனவே, அனைத்து நாடுகளும் ஒன்றிணைந்து செயல்பட வேண்டும்."

மிலன் பயிற்சி 1995-இல் தொடங்கியது. ஆரம்பத்தில் 5 நாடுகள் மட்டுமே பங்கேற்றன. தற்போது 19 நாடுகள் நேரடியாகவும், 74 நாடுகள் பார்வையாளர்களாகவும் பங்கேற்றுள்ளன. இது இந்தோ-பசிபிக் பிராந்தியத்தில் கடற்பாதுகாப்பு, பயங்கரவாத எதிர்ப்பு, பேரிடர் மீட்பு, கடல் பாதுகாப்பு ஆகியவற்றில் ஒத்துழைப்பை வலுப்படுத்தும் மிகப்பெரிய கூட்டுப் பயிற்சியாகும்.

இந்திய கடற்படை தளபதி அட்மிரல் டி. திரிவிக்ரம் சிங் கூறுகையில், "மிலன் பயிற்சி கடற்படைகளுக்கு இடையே நம்பிக்கை, ஒருங்கிணைப்பு மற்றும் திறன்களை அதிகரிக்கும். இது பிராந்திய அமைதி மற்றும் ஸ்திரத்தன்மைக்கு பெரிதும் உதவும்" என்றார்.

பயிற்சியில் போர்க்கப்பல்கள், ஹெலிகாப்டர்கள், ட்ரோன்கள், டைவர்கள், கடற்படை விமானங்கள் ஆகியவை இடம்பெறும். கடல் கொள்ளை எதிர்ப்பு, பேரிடர் மீட்பு, தேடல்-மீட்பு, மருத்துவ உதவி, தீயணைப்பு போன்ற பல்வேறு களப்பயிற்சிகள் நடைபெறும். இந்தியா-இஸ்ரேல் ராணுவ ஒத்துழைப்பு MoU கையெழுத்தான சூழலில், மிலன் பயிற்சி இந்தியாவின் கடற்பாதுகாப்பு உத்தியை மேலும் வலுப்படுத்தும்.

இந்த பயிற்சி இந்தோ-பசிபிக் பிராந்தியத்தில் சீனாவின் அதிகரித்து வரும் கடற்படை நடவடிக்கைகளுக்கு எதிரான பதிலடியாகவும் பார்க்கப்படுகிறது. ராஜ்நாத் சிங்கின் அழைப்பு உலக நாடுகளிடம் பெரும் எதிரொலியை ஏற்படுத்தியுள்ளது.

இதையும் படிங்க: பிரான்ஸ் அதிபர் மேக்ரான் இந்திய வருகை?! கையெழுத்தாகும் முக்கிய ஒப்பந்தம்! களமிறங்கும் அசூரன்!!