தமிழக அரசியல் களத்தில் 2026 சட்டமன்றத் தேர்தல் நெருங்கும் வேளையில், தமிழக வெற்றிக் கழகம் தீவிரமான தயாரிப்புகளில் ஈடுபட்டது. கட்சியின் தலைவர் விஜய், மார்ச் 29 அன்று சென்னையில் நடைபெற்ற நிகழ்ச்சியில் 234 தொகுதிகளுக்கான முழு வேட்பாளர் பட்டியலை அதிரடியாக வெளியிட்டார். இந்தப் பட்டியலில் விஜய் தானே சென்னை பெரம்பூர் மற்றும் திருச்சிராப்பள்ளி கிழக்கு ஆகிய இரு தொகுதிகளில் போட்டியிடுவதாக அறிவித்தார்.
புஸ்சி ஆனந்த் தியாகராயநகர், ஆதவ் அர்ஜுனா வில்லிவாக்கம், பி. வெங்கட்ரமணன் மயிலாப்பூர், கே.ஏ. செங்கோட்டையன் கோபிசெட்டிபாளையம், கே.ஜி. அருண்ராஜ் திருச்செங்கோடு உள்ளிட்ட முக்கிய கட்சி நிர்வாகிகள் பலரும் வேட்பாளர்களாக அறிவிக்கப்பட்டனர். 24 பெண் வேட்பாளர்கள் இடம்பெற்றிருந்த இந்தப் பட்டியல், த.வெ.க-வின் முதல் பெரிய தேர்தல் அணிவகுப்பாக பார்க்கப்பட்டது.
ஏப்ரல் 23ஆம் தேதி தமிழகத்தில் சட்டமன்றத் தேர்தலுக்கான வாக்குப்பதிவு நடைபெற்ற முடிந்தது. தமிழக வெற்றி கழகம் நிச்சயம் இந்த தேர்தலில் வெற்றி பெறும் என்று பல்வேறு தரப்பினரும் கூறி வருகின்றனர். மற்றொரு பக்கம் திமுக தான் மீண்டும் ஆட்சி அமைக்கும் என்று உறுதியோடு தெரிவித்து வருகின்றனர். இந்த நிலையில், தமிழக வெற்றி கழகம் ஆட்சி அமைத்தால் உருவாகும் அமைச்சரவை பட்டியல் என்று சமூக வலைதளங்களில் ஒரு பட்டியல் உலாவி வருகிறது.
இதையும் படிங்க: துறைமுகம் தொகுதியில் தீவிர வாக்கு சேகரிப்பு.. சிறுவர்களுடன் கேரம் விளையாடிய சேகர்பாபு..!
இது தொடர்பாக இந்து சமய அறநிலையத்துறை அமைச்சர் சேகர்பாபு விமர்சனம் செய்தார். "த.வெ.க-வால் தான் வாக்கு சதவீதம் கூடியது என்பது அரண்டவன் கண்ணுக்கு இருண்டதெல்லாம் பேய் என்பது போல் உள்ளது என்று கூறி உள்ளார். விஜய் வெளியிட்டுள்ள அமைச்சரவை பட்டியல் இல்லாத ஊருக்கு போகாத வழியை காட்டுவது போல் உள்ளது என அமைச்சர் சேகர்பாபு விமர்சனம் செய்துள்ளார்.
இதையும் படிங்க: மீண்டும் துறைமுகம் தொகுதியில்..! அமைச்சர் சேகர்பாபு தீவிர பரப்புரை..!