தமிழக சட்டசபையின் இந்த ஆண்டுக்கான முதல் கூட்டத்தொடர் கடந்த ஜனவரி 20-ஆம் தேதி தொடங்கியது. கவர்னர் உரைக்குப் பிறகு நன்றி தெரிவிக்கும் தீர்மான விவாதம் நடைபெற்றது. முதல்வர் மு.க.ஸ்டாலின் கடந்த 24-ஆம் தேதி பதிலுரை ஆற்றினார். அதன் பிறகு சட்டசபை அலுவல்கள் தேதி குறிப்பிடாமல் தள்ளிவைக்கப்பட்டன. தற்போது அரசு இடைக்கால பட்ஜெட் தாக்கல் குறித்து தீவிர ஆலோசனை நடத்தி வருகிறது.
தமிழகத்தில் ஏப்ரல் அல்லது மே மாதத்தில் சட்டசபை தேர்தல் நடைபெறும் என எதிர்பார்க்கப்படுகிறது. இது திமுக அரசின் ஐந்தாண்டு ஆட்சியின் கடைசி பட்ஜெட் என்பதால், மக்களை கவரும் பல சலுகை அறிவிப்புகள் வரலாம் என்ற எதிர்பார்ப்பு நிலவுகிறது. ஆனால் இது முழுமையான பட்ஜெட் இல்லை. இடைக்கால பட்ஜெட் மட்டுமே தாக்கல் செய்யப்படும். புதிய அரசு பதவியேற்ற பிறகு ஜூலை மாதத்தில் முழு பட்ஜெட் தாக்கல் செய்யப்படும்.
அரசு இடைக்கால பட்ஜெட்டை பிப்ரவரி 13 அல்லது 14-ஆம் தேதி தாக்கல் செய்யலாமா என்று ஆலோசித்து வருகிறது. அல்லது பிப்ரவரி மூன்றாம் வாரத்தில் தாக்கல் செய்து 4 நாட்கள் அவை நடத்தி முடிக்கலாமா என்றும் விவாதிக்கப்படுகிறது. தேர்தலை கருத்தில் கொண்டு திமுக அரசு இந்த இடைக்கால பட்ஜெட்டை தனக்கு சாதகமாக பயன்படுத்தும் என எதிர்பார்க்கப்படுகிறது.
இதையும் படிங்க: தேர்தல் அறிவிப்பதற்குள் முந்திக்கணும்!! அதிமுக பண்ணுன தப்பை பண்ணவே கூடாது!! திமுக பட்ஜெட் ப்ளான்!!
மகளிர் உரிமைத் தொகை உயர்வு, இலவச வீடு வழங்கல், மாற்றுத்திறனாளிகள் மற்றும் முதியோர் உதவித் தொகை அதிகரிப்பு, பல ஆண்டுகளாக நிலங்களில் வசிப்பவர்களுக்கு பட்டா, மின் கட்டண சலுகை, கல்லூரி மாணவர்களுக்கான சிறப்பு அறிவிப்புகள் போன்றவை இடைக்கால பட்ஜெட்டில் இடம்பெறலாம் என்று அரசியல் வட்டாரங்கள் கூறுகின்றன. இந்த அறிவிப்புகள் தேர்தலில் மக்களை ஈர்க்கும் என்பதால் திமுக தீவிரமாக திட்டமிட்டு வருகிறது.
சமூக வலைதளங்களில் இடைக்கால பட்ஜெட் குறித்த விவாதங்கள் அதிகரித்துள்ளன. மக்கள் பல்வேறு எதிர்பார்ப்புகளை வைத்துள்ளனர். இந்த பட்ஜெட் கூட்டத்தொடர் மிக முக்கியத்துவம் வாய்ந்ததாக இருக்கும். தேர்தல் அறிவிப்புக்கு முன்பு இந்த இடைக்கால பட்ஜெட் தாக்கல் செய்யப்பட்டால், திமுகவுக்கு பெரும் அரசியல் நன்மை கிடைக்கும் என்று அரசியல் நோக்கர்கள் கருத்து தெரிவிக்கின்றனர்.
திமுக அரசு இந்த பட்ஜெட்டை திறம்பட பயன்படுத்தி மக்களின் ஆதரவை தக்க வைக்க முயலும் என எதிர்பார்க்கப்படுகிறது. பிப்ரவரி மாதத்தில் இடைக்கால பட்ஜெட் தாக்கல் செய்யப்படுமா என்பது விரைவில் தெரிய வரும்.
இதையும் படிங்க: தேர்தல் அறிவிப்பதற்குள் முந்திக்கணும்!! அதிமுக பண்ணுன தப்பை பண்ணவே கூடாது!! திமுக பட்ஜெட் ப்ளான்!!