தமிழ்நாட்டில் அனைத்து காவல் நிலையங்களுக்கான செலவினங்களை கணிசமாக உயர்த்தி ரூ.71 கோடி நிதி ஒதுக்கீடு செய்யப்பட்டுள்ளது. காவல் துறையின் நிர்வாகம் மற்றும் செயலாக்கப் பணிகள் அதிகரித்து வரும் நிலையில், அதற்கேற்ப செலவினங்களும் உயர்ந்துள்ளன. இதனைக் கருத்தில் கொண்டு அரசு இந்த முக்கிய முடிவை எடுத்துள்ளது.காவல் நிலையங்களின் மாத செலவினங்களுக்கு இதுவரை வழங்கப்பட்டு வந்த நிதி ரூ.3,750 ஆக இருந்தது.

இப்போது அது ரூ.30,000 ஆக உயர்த்தப்பட்டுள்ளது. அதேபோல், சில வகை நிலையங்களுக்கு வழங்கப்பட்ட செலவின நிதி ரூ.6,000 லிருந்து ரூ.40,000 ஆகவும், ரூ.8,250 லிருந்து ரூ.50,000 ஆகவும் அதிகரிக்கப்பட்டுள்ளது. இந்த உயர்வு அனைத்து காவல் நிலையங்களுக்கும் பொருந்தும் வகையில் அறிவிக்கப்பட்டுள்ளது.எதிர்பாராத செலவுகளுக்கான நிதியை உயர்த்தியதன் மூலம் நிர்வாக சிரமங்கள் களையப்படும் என்பதுடன், ஊழலைத் தடுக்கும் வழிவகுக்கும் என எதிர்பார்க்கப்படுகிறது.

போதிய நிதி ஒதுக்கீடு இல்லாதபோது ஏற்படும் நடைமுறைச் சிக்கல்கள் மற்றும் தேவையற்ற அழுத்தங்கள் தவிர்க்கப்படும். இதனால் காவல் நிலையங்கள் தங்கள் அன்றாடப் பணிகளைத் தடையின்றி மேற்கொள்ள முடியும்.இந்த நடவடிக்கை லஞ்ச லாவண்யமற்ற அரசு அலுவலகங்களை உருவாக்குவதற்கான முயற்சியாகவும் பார்க்கப்படுகிறது.

இதையும் படிங்க: அரசு விடுமுறை நாட்களில் ஸ்பெஷல் கிளாஸ்..? கடும் நடவடிக்கை ..! தனியார் பள்ளிகளுக்கு வார்னிங்..!

போதிய அதிகாரப்பூர்வ நிதி வழங்கப்படுவதால், தேவையற்ற பணப்பரிவர்த்தனைகளுக்கு இடமில்லாமல் போகும். காவல் துறையின் செயல்பாடுகள் மேம்படும் என்பதுடன், பொதுமக்களுக்கு சிறந்த சேவை கிடைக்கும் என நம்பப்படுகிறது.ஒட்டுமொத்தமாக ரூ.71 கோடி நிதி இந்த செலவின உயர்வுக்காக ஒதுக்கப்பட்டுள்ளது. காவல் துறையின் நிர்வாகத் திறன் மற்றும் செயல்திறன் மேம்பட இந்த முடிவு உதவும் என அரசு தரப்பில் நம்பிக்கை தெரிவிக்கப்பட்டுள்ளது.

இதையும் படிங்க: அக்டோபர் மட்டுமே..! மின் கொள்முதல் சர்ச்சை..!! அமைச்சர் நிர்மல் குமார் விளக்கம்..!!