தீபத்தூணில் தீபம் ஏற்றுவது உறுதி..!! கந்த சஷ்டி கவசம் பாடி முருகனை வழிபட்ட அண்ணாமலை..!!

தீபத் தூண் விவகாரம் தமிழ்நாட்டில் கடந்த சில மாதங்களாக பெரும் கவனத்தை ஈர்த்த ஒரு சர்ச்சை நிகழ்வாக உருவெடுத்தது. இது மதுரை அருகே அமைந்துள்ள அறுபடை வீடுகளில் ஒன்றான திருப்பரங்குன்றம் சுப்பிரமணிய சுவாமி கோயிலுடன் தொடர்புடையது. கார்த்திகை தீபத் திருவிழாவின்போது மலை உச்சியில் உள்ள ஒரு கல் தூணில் தீபம் ஏற்றுவது தொடர்பான இந்தப் பிரச்னை, நீதிமன்ற வழக்கு, அரசு நிர்வாகம், மத அமைப்புகள், பக்தர்கள் என பல தரப்புகளை உள்ளடக்கிய ஒரு சிக்கலான சூழலை உருவாக்கியது.

திருப்பரங்குன்றம் மலை உச்சியில், சிக்கந்தர் தர்காவுக்கு அருகில் ஒரு பழமையான கல் தூண் உள்ளது. இதை பக்தர்கள் தலைமுறை தலைமுறையாக தீபத் தூண் என்று அழைத்து வந்துள்ளனர். கார்த்திகை மாதத்தில் தீபம் ஏற்றுவதற்கு இந்தத் தூண் பயன்படுத்தப்பட்டதாக சிலர் கூறுகின்றனர். ஆனால் கடந்த சில ஆண்டுகளாக, குறிப்பாக 1920களிலிருந்து, கோயில் நிர்வாகம் மற்றும் அறநிலையத் துறை இத்தூணில் தீபம் ஏற்றாமல், மலை உச்சியில் உள்ள உச்சிப்பிள்ளையார் கோயில் அருகே உள்ள தீப மண்டபத்தில் மட்டுமே கார்த்திகை தீபத்தை ஏற்றி வருகிறது.

இந்த மாற்றத்தை ஏற்க மறுத்த சில இந்து அமைப்புகள் மற்றும் பக்தர்கள், பாரம்பரியப்படி தீபத் தூணில்தான் தீபம் ஏற்ற வேண்டும் என்று வலியுறுத்தத் தொடங்கினர். இந்த விவகாரத்தில் இன்னும் தீர்வு எட்டப்படாத நிலையில் திருப்பரங்குன்றம் தீபத்தூணில் தீபம் ஏற்ற உறுதி ஏற்போம் என தமிழக பாஜக முன்னாள் தலைவர் அண்ணாமலை தெரிவித்துள்ளார்.

இதையும் படிங்க: விஷத்தை தூவி இருக்காரு அண்ணாமலை.. மன்னிப்பு கேட்கணும்..!! செல்வப்பெருந்தகை வலியுறுத்தல்..!

சக்திவேல் ஏந்திய குமரனுக்கு உகந்த திதியான சஷ்டியும், கந்தனுக்கு உகந்த நட்சத்திரமான கார்த்திகையும் இணைந்துள்ள இன்றைய நாளில், திருப்பரங்குன்றம் தீபத்தூணில் தீபம் ஏற்றவேண்டும் என்ற உறுதியை ஏற்று “கந்த சஷ்டி கவசம்” பாடி முருகனை போற்ற வேண்டும் என்று கூறினார் அனைவரின் இல்லங்களிலும், உள்ளங்களிலும் கந்த சஷ்டி கவசம் பாடி, முருகப்பெருமானின் பேரருள் உலக மக்கள் அனைவருக்கும் கிடைத்திட மனதார பிரார்த்திப்போம் என்றும் அண்ணாமலை கூறியுள்ளார்.

இதையும் படிங்க: அட்டகத்தி...! தயாநிதி மாறன் மீதான குற்றச்சாட்டு..! அண்ணாமலைக்கு செந்தில் பாலாஜி பதிலடி..!