அனல்மின் திட்ட அறிவிப்பு தேவையா.? தனியாருக்கு விற்க போறீங்களா.? முதல்வருக்கு அப்பாவு கேள்வி..!!

2006 முதல் 2011 வரை கலைஞர் ஆட்சி காலத்தில் வட சென்னை, மேட்டூர், வல்லூர், உடன்குடி, தூத்துக்குடி உள்ளிட்ட பல இடங்களில் 6000 மெகாவாட்டுக்கு மேல் அனல் மின் திட்டங்கள் உருவாக்கப்பட்டு பணிகள் முடிவடைந்து தற்போது பயன்பாட்டில் இருந்து வருவதாக முன்னாள் சபாநாயகர் அப்பாவு குறிப்பிட்டார்.

2011 முதல் 2021 வரையிலான பத்தாண்டு காலத்தில் புதிய அனல்மின் திட்டப்பணிகள் தொடங்கப்படவில்லையா என்றும் கேள்வி எழுப்பி அவர் சுட்டிக்காட்டினார்.2021ஆம் ஆண்டு திமுக ஆட்சி பொறுப்பேற்றபோது சோலார் மூலம் சுமார் 1000 மெகாவாட் மின் உற்பத்தி மட்டுமே செய்யப்பட்டிருந்த நிலையில், கடந்த ஐந்து ஆண்டுகளில் நவீன சோலார் மின் திட்டத்தின் மூலம் 15000 மெகாவாட்டுக்கு மேல் மின் உற்பத்தி செய்யப்பட்டு தடையில்லா மின்சாரம் வழங்கப்பட்டு தமிழ்நாடு மின்மிகை மாநிலமாக மாறியிருப்பதாக முன்னாள் சபாநாயகர் அப்பாவு தெரிவித்தார்.

இதற்கு முன்னாள் முதல்வர் மு.க.ஸ்டாலின் காரணம் என்றும் அவர் கூறினார்.தற்போது பிரதமர் நரேந்திர மோடி வீடுகளுக்கு சோலார் மின் திட்டத்தின் மூலம் மின் உற்பத்தி செய்து பயன்படுத்துவதற்கு மானியம் வழங்கி ஊக்குவிப்பதால் வரும் ஐந்து ஆண்டு காலத்திற்குள் 50 சதவீதத்துக்கு மேற்பட்ட வீடுகள் சோலார் மின் திட்டம் மூலம் விரிவுபடுத்தப்பட்டு மின் தேவைகள் வெகுவாக குறைந்து மின் துறையில் தன்னிறைவு பெற்ற மாநிலமாக தமிழ்நாடு உருவாகும் என்று அப்பாவு தெரிவித்தார்.

இதையும் படிங்க: PARTY FUND பதுக்கி பிரதமர் பிரச்சாரம்..! இதான் தூய ஆட்சியா CM சார்..? விளாசிய அப்பாவு.!

நவீன தொழில்நுட்பத்துடன் கூடிய சோலார் பேக்கப் சிஸ்டம் மூலம் எளிதாக பல ஆயிரம் மெகாவாட் மின்சாரம் உற்பத்தி செய்து இரவு நேரங்களிலும் சோலார் மின்சாரத்தை பயன்படுத்த முடியும் என்ற நிலையில் தமிழக முதல்வர் 110 விதியின் கீழ் தூத்துக்குடியில் தனியார் பங்களிப்புடன் இரண்டு 800 மெகாவாட் திறன் கொண்ட சுற்றுச்சூழலை பாதிக்கும் அனல்மின் திட்டத்தை அறிவித்திருப்பது தேவையா என்றும், தமிழ்நாடு மின் வாரியத்தை தனியாருக்கு விற்பனை செய்யவே இத்திட்டம் அறிவிக்கப்பட்டிருக்கிறதா என்றும் முன்னாள் சபாநாயகர் அப்பாவு கேள்வி எழுப்பியுள்ளார்.

இதையும் படிங்க: சட்டப்பேரவை மாண்பை காப்பாற்றுங்க விஜய்.! தகாத வார்த்தைகள்... அப்பாவு காட்டம்..!!