விறுவிறுப்பான சட்டபேரவை... சூடுபிடிக்கும் மானிய கோரிக்கை விவாதம்.! பெரும் எதிர்பார்ப்பு..!!

தமிழ்நாடு சட்டப்பேரவையின் பட்ஜெட் கூட்டத்தொடர் ஆகஸ்ட் 5ஆம் தேதி தொடங்கியது. தமிழக வெற்றிக் கழகம் அரசு தனது முதல் முழுமையான நிதிநிலை அறிக்கையை தாக்கல் செய்ததை அடுத்து, பொது விவாதங்கள் நடைபெற்றன. சுதந்திர தின விடுமுறைக்குப் பிறகு அவையில் துறைவாரியான மானியக் கோரிக்கை மீதான விவாதங்கள் தொடங்கியுள்ளன.

இந்த விவாதங்கள் செப்டம்பர் 8ஆம் தேதி வரை நீடிக்கும் என எதிர்பார்க்கப்படுகிறது. மானியக் கோரிக்கை என்பது அரசின் ஒவ்வொரு துறைக்கும் தேவையான செலவினங்களை விரிவாக விவாதித்து, சட்டப்பேரவையின் ஒப்புதலை பெறும் முக்கியமான நடைமுறையாகும். பட்ஜெட் தாக்கல் செய்த பிறகும் நிதிப்பணி முடியாது. ஒவ்வொரு துறையின் திட்டங்கள், ஏற்கனவே செயல்படும் பணிகள், புதிய முன்முயற்சிகள் ஆகியவற்றுக்கு எவ்வளவு நிதி தேவை என்பதை விரிவாக ஆய்வு செய்து ஒப்புதல் அளிக்கும்போதுதான் அரசு அந்த நிதியை செலவிட முடியும்.

ஆளுங்கட்சி மற்றும் எதிர்க்கட்சி உறுப்பினர்கள் தங்கள் கருத்துகளை முன்வைத்து, கடந்த ஆண்டு திட்டங்களின் செயல்பாடு, நிதி பயன்பாடு, குறைபாடுகள் குறித்து கேள்வி எழுப்புகின்றனர். அதற்கு சம்பந்தப்பட்ட அமைச்சர் பதிலளித்து, புதிய அறிவிப்புகளையும் வெளியிடுகிறார். இறுதியில் வாக்கெடுப்பு நடத்தி ஒப்புதல் பெறப்படுகிறது. இதன் மூலம் அரசின் செயல்பாடுகள் வெளிப்படையாக விவாதிக்கப்பட்டு, மக்கள் நலன் உறுதி செய்யப்படுகிறது.இந்த விவாதத்தின் முதல் நாளில் மருத்துவம் மற்றும் மக்கள் நல்வாழ்வுத் துறை, வருவாய் மற்றும் பேரிடர் மேலாண்மை துறை ஆகியவை முன்னுரிமை பெற்றன.

இதையும் படிங்க: தமிழக சட்டசபையில் நாளை வருவாய், பேரிடர் மற்றும் சுகாதார துறை மானிய கோரிக்கை விவாதம்!

கேள்வி நேரத்திற்குப் பிறகு இந்த துறைகளின் மானியக் கோரிக்கைகள் மீது விரிவான விவாதம் நடைபெற்றது. ஆளுங்கட்சி உறுப்பினர்கள் அரசின் முயற்சிகளை பாராட்டியும், எதிர்க்கட்சி உறுப்பினர்கள் பல்வேறு குறைகளை சுட்டிக்காட்டியும் பேசினர். மக்கள் நல்வாழ்வுத் துறை தொடர்பான கேள்விகளுக்கு அமைச்சர் அருண்ராஜ் பதிலளித்தார். வருவாய் மற்றும் பேரிடர் மேலாண்மை துறை தொடர்பான கேள்விகளுக்கு அமைச்சர் கே.ஏ. செங்கோட்டையன் விரிவான பதில்களை அளித்தார். இருவரும் தங்கள் துறைகளில் புதிய திட்டங்களை அறிவித்து, மக்கள் நலனில் அரசு காட்டும் அக்கறையை வெளிப்படுத்தினர். இன்று மானிய கோரிக்கை மீதான விவாதம் நடைபெறுகிறது. விளையாட்டு மேம்பாட்டு துறை, பொதுப் பணி துறை தொடர்பான அறிவிப்புகள் வெளியாக உள்ளன. 

இதையும் படிங்க: 150 நாட்கள் வேலைவாய்ப்பு உறுதி! 'வெற்றி 150' திட்டத்திற்கு ரூ.100 கோடி நிதி ஒதுக்கி அமைச்சர் ஆனந்த் அறிவிப்பு!