புடிச்ச இடத்துல யூரின் போற ஆம்பளைகளுக்கு எங்க புரிய போகுது? S.V. சேகருக்கு சின்மயி பதிலடி..!!
மாணவி கொலை விவகாரத்தில் கருத்து கூறிய S.V. சேகருக்கு பாடகி சின்மயி பதிலடி கொடுத்துள்ளார்.
by
தூத்துக்குடி மாவட்டம் விளாத்திகுளம் அருகே உள்ள வேடநத்தம் கிராமத்தைச் சேர்ந்த பிளஸ் டூ மாணவி ஒருவர், 2026 மார்ச் மாதம் 10ஆம் தேதி மாலை வீட்டிலிருந்து வெளியே சென்று மாயமானார். மறுநாள் அருகிலுள்ள காட்டுப் பகுதியில் பாலியல் வன்கொடுமை செய்யப்பட்ட நிலையில் அவரது சடலம் கண்டெடுக்கப்பட்டது. இந்தக் கொடூர சம்பவம் தமிழகம் முழுவதும் பெரும் அதிர்ச்சியையும் கோபத்தையும் ஏற்படுத்தியது. குற்றவாளியாக தர்ம முனீஸ்வரன் என்பவர் கைது செய்யப்பட்டு, அவர் மீது போக்சோ உள்ளிட்ட பிரிவுகளின் கீழ் வழக்கு பதிவு செய்யப்பட்டுள்ளது.
நடிகரும் அரசியல் பிரமுகருமான எஸ்.வி. சேகர் இந்த விவகாரம் குறித்து பொதுவெளியில் பேசியபோது, சர்ச்சையை ஏற்படுத்தும் வகையில் கருத்து தெரிவித்தார். அவர், “அந்தப் பெண் புதருக்கு பின்னால் ஏன் போனார்? புதருக்கு லைட் போட முடியுமா? போலீஸ் புதருக்கா லைட் போடுவார்கள்?” என்று கேள்வி எழுப்பினார். அவரது கருத்துக்கு கடும் கண்டனம் எழுந்து வருகிறது. எஸ்வி சேகருக்கு பாடகி சின்மயி பதிலடி கொடுத்துள்ளார்.
அவர் பேசிய காணொளியை பகிர்ந்து தூத்துக்குடி, விளாத்திகுளத்தில் கொடூரமாக பாலியல் வன்கொடுமை செய்யப்பட்டு கொலை செய்யப்பட்ட பெண், ஏன் வனப்பகுதியில் உள்ள புதர்களுக்குப் பின்னால் சென்றார் என்று எஸ்.வி. சேகர் கேட்பது போல் தெரிகிறது என்று தெரிவித்தார். காவல்துறையினரால் அங்கு வந்து எல்லா இடங்களிலும் வெளிச்சம் பாய்ச்ச முடியாது என்று கூறியதையும் சுட்டிக்காட்டினார். கழிவறைகள் மற்றும் குளியலறைகள் இல்லாத மக்கள் செய்வது போல, அந்தப் பெண் தனது இயற்கை உபாதையைக் கழிக்கச் சென்றதாகக் கூறப்படுவதாக சின்மையை தெரிவித்தார்.
இதையும் படிங்க: மாணவியின் அடையாளத்தை வெளியிட வேண்டாம்! விளாத்திகுளம் வழக்கில் 6 பேர் மீது வழக்கு பதிவு!
இந்தியாவில், இளம் பெண்களும் சிறுமிகளும் இயற்கை உபாதையைக் கழிக்கச் செல்லும்போது பாலியல் வன்கொடுமைக்கு ஆளாவது சர்வ சாதாரணமாக நடக்கிறது என்று தெரிவித்துள்ளார். தாங்கள் விரும்பும் இடத்தில், விரும்பும் போதெல்லாம், பாதுகாப்பாக தங்கள் ஆடையின் ஜிப்பைக் கழற்றி சிறுநீர் கழிக்கக்கூடிய ஆண்களால் இதை ஒருபோதும் புரிந்துகொள்ள முடியாது எனவும் பதிலடி கொடுத்துள்ளார்.
இதையும் படிங்க: விளாத்திகுளம் சிறுமி படுகொலை! 98 சிசிடிவி, 2574 அழைப்புகள் ஆய்வு - எஸ்.பி. மதன் அதிரடி விளக்கம்!
