சாமி தரிசனத்தின்போது மின்வெட்டு: மதுரையில் ஆளும் அரசை  கடுமையாக சாடிய எடப்பாடி பழனிசாமி!

மதுரை மீனாட்சி சுந்தரேஸ்வரர் திருக்கோயிலில் சாமி தரிசனம் செய்து கொண்டிருந்தபோதே திடீர் மின்தடை ஏற்பட்டதைச் சுட்டிக்காட்டி, இந்த ஆட்சியில் மக்கள் நிம்மதியாக வாழவும் முடியாது; நிம்மதியாகப் பிரார்த்திக்கவும் முடியாது என்று அதிமுக பொதுச்செயலாளரும் முன்னாள் முதலமைச்சருமான எடப்பாடி கே. பழனிசாமி அரசை மிகக் கடுமையாக விமர்சித்துள்ளார்.

மதுரை மீனாட்சி அம்மன் கோயிலுக்கு வருகை தந்த எடப்பாடி பழனிசாமி, சுவாமி தரிசனம் செய்து கொண்டிருந்தார். அப்போது எதிர்பாராதவிதமாகத் திருக்கோயில் வளாகத்தில் திடீரென மின்சாரம் துண்டிக்கப்பட்டு மின்தடை ஏற்பட்டது. 

இதனைத் தொடர்ந்து வெளியே வந்து செய்தியாளர்களைச் சந்தித்த எடப்பாடி பழனிசாமி, புகழ்பெற்ற மதுரை மீனாட்சி அம்மன் கோயிலில் சாமி தரிசனம் செய்து கொண்டிருந்த போதே மின்தடை ஏற்பட்டிருக்கிறது. தமிழகத்தில் மின்வெட்டு எந்த அளவிற்கு நீடிக்கிறது என்பதற்கு இந்தச் சம்பவமே கண்கூடான சான்று.

இதையும் படிங்க: கசாப்பு கடை ஆடுகளா மக்கள்.? செஞ்சி சிறுமி எங்கே.? “சந்தி சிரிக்கும் சட்டம் ஒழுங்கு”… சாடிய EPS..!!

இந்த ஆட்சியில் மக்கள் தங்களது வீடுகளில் நிம்மதியாக வாழவும் முடியாது; கோயிலுக்கு வந்து மன அமைதியுடன் இறைவனைப் பிரார்த்திக்கவும் முடியாது என்ற அவல நிலைமைதான் நிலவுகிறது. மின்சாரத் தட்டுப்பாட்டைக் கட்டுப்படுத்தாமல் மக்கள் நலனில் அலட்சியம் காட்டும் இந்த நிர்வாகத்தால் பொதுமக்கள் அன்றாடம் பெரும் அவதிக்குள்ளாகி வருகின்றனர் என்று அவர் ஆவேசமாகக் குற்றம்சாட்டினார்.

இதையும் படிங்க: “உங்க நிர்வாக லட்சணத்தைக் கண்டு ஊரே சிரிக்குது…” – தவெக அமைச்சர் சிடிஆரை கிழித்து தொங்கவிட்ட எடப்பாடியார்…!