அமைச்சரவை பட்டியல்... நீடிக்கும் சஸ்பென்ஸ்..! தனிச் செயலாளருடன் முதல்வர் விஜய் தீவிர ஆலோசனை..!!

தமிழக முதலமைச்சர் ஜோசப் விஜய்யின் முதன்மை தனி செயலர் செந்தில்குமார் இன்று ஆளுநர் மாளிகைக்கு சென்று ஆளுநர் ராஜேந்திர விஸ்வநாத் ஆர்லேகரை சந்தித்துப் பேசினார். அமைச்சர்களுக்கான துறை ஒதுக்கீடு மற்றும் அமைச்சரவை விரிவாக்கம் தொடர்பான முக்கிய கோப்புகளை ஆளுநரிடம் சமர்ப்பித்ததாக தகவல்கள் வெளியாகின. விரைவில் இது தொடர்பான அறிவிப்பு வெளியாகும் என எதிர்பார்க்கப்படுகிறது. இதற்கிடையில் தனிச்செயலாளர் செந்தில்குமார் உடன் முதல்வர் விஜய் ஆலோசித்து வருகிறார்.

மே 10-ம் தேதி முதலமைச்சர் ஜோசப் விஜய்யுடன் என்.ஆனந்த், ஆதவ் அர்ஜூனா, கே.ஏ. செங்கோட்டையன் உள்ளிட்ட 9 பேர் அமைச்சர்களாக பதவியேற்றனர். பதவியேற்பு நிகழ்ச்சி முடிந்து 6 நாட்களுக்கு மேல் ஆன நிலையிலும் அவர்களுக்கு துறைகள் ஒதுக்கப்படாதது அரசியல் வட்டாரத்தில் விமர்சனங்களை ஏற்படுத்தியிருந்தது. துறை ஒதுக்கீடு தாமதமானால் அரசின் அன்றாடப் பணிகள் முடங்கும் அபாயம் இருந்தது.

ஆளுநர் ஆர்லேகர் கேரளம் சென்றிருந்த நிலையில், நேற்று மாலை சென்னை திரும்பினார். இன்று முதல்வரின் முதன்மைச் செயலர் செந்தில்குமார் அவரை சந்தித்தபோது, அமைச்சர்களுக்கான துறைப் பொறுப்புகள் மற்றும் அமைச்சரவை விரிவாக்கம் தொடர்பான முழு விவரங்களை வழங்கியதாகக் கூறப்படுகிறது. காங்கிரஸ் மற்றும் வேலுமணி அணியினருக்கு எத்தனை இடங்கள் ஒதுக்கப்படும் என்பது உள்ளிட்ட முக்கிய முடிவுகளும் இறுதி கட்டத்தில் உள்ளன. ஆளுநர் ராஜேந்திர விஸ்வநாத் அர்லேகரை தனிச்செயலாளர் செந்தில்குமார் நேரில் சந்தித்த நிலையில், அவருடன் முதல்வர் விஜய் தீவிர ஆலோசனையை நடத்தி வருகிறார்.

இதையும் படிங்க: போதைப்பொருள் புழக்கத்தை கண்டறிய ரகசிய நெட்வொர்க்..! அதிகாரிகளுக்கு பறந்த உத்தரவு..!

சென்னை நீலாங்கரையில் உள்ள இல்லத்தில் தனிச்செயலாளர் செந்தில்குமார் உடன் முதல்வர் விஜய் ஆலோசனை மேற்கொண்டு வருகிறார். விரைவில் அமைச்சரவை பட்டியல் வெளியாகும் என்ற எதிர்பார்ப்பு எழுந்துள்ளது. அதிமுக எம்எல்ஏக்களுக்கு அமைச்சரவையில் இடம் கொடுக்கப்பட்டிருக்குமா என்ற கேள்வியும் தொடர்ந்து எழுந்து வருகிறது. 

இதையும் படிங்க: பெட்ரோல், டீசல் விலை உயர்வு மக்களுக்கு கூடுதல் சுமை..!! திரும்ப பெற முதல்வர் விஜய் வலியுறுத்தல்..!!