“உங்க கிட்ட கெஞ்சிக்கிட்டு இருக்க மாட்டோம்...” - டிரம்பிற்கு இத்தாலி பிரதமர் கொடுத்த சம்மட்டி அடி...!

தன்னுடன் ஒரு போட்டோ எடுக்க இத்தாலி பிரதமர் மெலோனி கெஞ்சியதாக அமெரிக்க அதிபர் டிரம்ப் தெரிவித்திருந்த நிலையில், தானும் இத்தாலியும் யாரிடமும் ஒருபோதும் கெஞ்ச மாட்டோம் என ஜார்ஜியா மெலோனி பதிலடி கொடுத்துள்ளார்

சமீபத்தில் நடந்த ஜி7 உச்சி மாநாட்டில் மெலோனி தன்னிடம் ஒரு புகைப்படம் எடுக்க கெஞ்சியதாக அமெரிக்க அதிபர் இத்தாலி ஊடகங்களுக்கு அளித்த பேட்டியில் கூறியதை, மெலோனி உடனடியாக மறுத்து, தானும் இத்தாலியும் ஒருபோதும் யாரிடமும் செஞ்ச மாட்டோம் என பதிலடி கொடுத்துள்ளார். 

பிரான்சில் சமீபத்தில் நடந்த ஜி7 உச்சி மாநாட்டில், இத்தாலியப் பிரதமர் ஜார்ஜியா மெலோனி தன்னிடம் ஒரு புகைப்படம் எடுக்க "கெஞ்சினார்" என்று அமெரிக்க அதிபர் டொனால்ட் டிரம்ப் கூறியது ஒரு சர்ச்சையை ஏற்படுத்தியது. மெலோனி இந்தக் கூற்றை முற்றிலும் கட்டுக்கதை என்று கூறி உடனடியாக நிராகரித்தார்.

இதையும் படிங்க: "எனது அதிகாரத்திற்கு எல்லைகளே இல்லை" - காலரை தூக்கி விட்டு கெத்து காட்டிய டிரம்ப்... என்ன மேட்டர்?

ஒரு இத்தாலிய ஊடகத்திற்கு அளித்த பிரத்யேக தொலைபேசி நேர்காணலில், மெலோனி தன்னுடன் புகைப்படம் எடுத்துக்கொள்ளுமாறு கெஞ்சியதாகவும், அவர் மீது பரிதாபப்பட்டதாலேயே தான் அதற்கு ஒப்புக்கொண்டதாகவும் டிரம்ப் கூறியது, இரு தலைவர்களுக்கும் இடையிலான உறவு குறித்த விவாதத்தை மீண்டும் தூண்டியுள்ளது.

ஜூன் 15 முதல் 17 வரை பிரான்சின் எவியான் நகரில் நடைபெற்ற ஜி7 உச்சி மாநாட்டில் டிரம்ப்பும் மெலோனியும் சந்தித்தனர். இந்த ஆண்டு ஈரான் போர் தொடர்பாக ஏற்பட்ட பதட்டங்களைத் தொடர்ந்து, முன்னர் சீர்குலைந்திருந்த தங்களது உறவை இந்த இரு வலதுசாரித் தலைவர்களும் சீரமைத்திருந்தனர்.

"நான் அவரிடம் பேசியதில் அவர் ஒருவேளை மகிழ்ச்சியாக இருக்கலாம். நான் அவரிடம் பேச வேண்டிய அவசியம் இருக்கவில்லை," என்று இத்தாலியின் லா7 தொலைக்காட்சிக்கு அளித்த ஒரு சிறிய பேட்டியில் டிரம்ப் கூறியதாக மேற்கோள் காட்டப்பட்டுள்ளது. "அவர் என்னுடன் ஒரு புகைப்படம் எடுத்துக்கொள்ளும்படி கெஞ்சினார். அவர் என்னுடன் ஒரு புகைப்படம் எடுத்துக்கொள்ள மிகவும் விரும்பினார். நான் அதை எடுத்திருக்க மாட்டேன், ஆனால் அவர் மீது எனக்குப் பரிதாபமாக இருந்தது."

டிரம்பிற்கு மெலோனி பதிலடி:

மெலோனி தனது எக்ஸ் கணக்கில் ஒரு வீடியோவைப் பகிர்ந்து, டிரம்பின் கூற்றுகள் “முற்றிலும் புனையப்பட்டவை” என்று குறிப்பிட்டதோடு, அமெரிக்க அதிபர் தனது சொந்த கூட்டாளிகளைப் பற்றி இழிவான கருத்துக்களைக் கூறுவது இது முதல் முறையல்ல என்றும் கூறினார்.

"டொனால்ட் டிரம்பின் கூற்றுகள் முற்றிலும் கட்டுக்கதை, நான் வெளிப்படையாக அதிர்ச்சியடைந்துள்ளேன். அமெரிக்க ஜனாதிபதி ஏன் தனது நண்பர்களிடமே இப்படி நடந்துகொள்கிறார் என்று எனக்குத் தெரியவில்லை; எல்லாவற்றிற்கும் மேலாக, இது நடப்பது முதல் முறையல்ல," என்று அவர் அந்த வீடியோவில் கூறினார்.

"மேற்கத்திய நாடுகளின் எதிரிகளிடமும், அமெரிக்காவின் எதிரிகளிடமும் அவர் அதே உறுதியைக் காட்டாதது வருத்தமளிக்கிறது. மாறாக, அவர் அந்தத் தலைமைகளிடம் மிகவும் இணக்கமாக நடந்துகொள்கிறார். இருப்பினும், அவர் ஒரு விஷயத்தை நினைவில் கொள்ள வேண்டும்: நானும் இத்தாலியும் ஒருபோதும் யாரிடமும் கெஞ்ச மாட்டோம்," எனக்கூயுள்ளார். 

இதையும் படிங்க: அரசுப் பள்ளியில் கேக் வெட்டி பிறந்தநாள் கொண்டாடிய தவெக நிர்வாகி... அதிகாரி போல் ஆய்வு செய்ததால் சர்ச்சை...!