வெற்றி திட்டமா? விலை உயர்வுத் திட்டமா? CM BRO-வின் அதிரடி OFFER..!! கனிமொழி காட்டம்!!

தமிழ்நாட்டில் அத்தியாவசியப் பொருட்களின் விலைவாசி தொடர்ந்து உயர்ந்து வரும் நிலையில், அரிசி விலை கடும் அதிர்ச்சியை ஏற்படுத்தியுள்ளது. கடந்த இரண்டு மாதங்களில் பொன்னி உள்ளிட்ட உயர்தர அரிசி வகைகளின் விலை ஒரு மூட்டைக்கு ரூ.300 முதல் ரூ.600 வரை அதிகரித்துள்ளது. 

முன்பு கிலோவுக்கு ரூ.52-க்கு விற்பனையான புழுங்கல் பொன்னி அரிசி தற்போது ரூ.75 வரை விற்கப்படுகிறது. 26 கிலோ பாஸ்மதி அரிசி பை ரூ.3,300-லிருந்து ரூ.3,600 ஆக உயர்ந்துள்ளது. டீலக்ஸ் பொன்னி, வெள்ளை பொன்னி, இட்லி அரிசி போன்றவற்றின் மூட்டை விலையும் குறிப்பிடத்தக்க அளவு ஏறி உள்ளது.

இந்த விலை உயர்வு நடுத்தர மற்றும் ஏழைக் குடும்பங்களின் மாதாந்திர செலவை பெருமளவில் பாதித்துள்ளது. வியாபாரிகள் மற்றும் ஆலை உரிமையாளர்கள் பருவமழை பொய்த்தல், அண்டை மாநிலங்களிலிருந்து வரத்து குறைவு, உற்பத்திச் செலவு அதிகரிப்பு ஆகியவற்றை காரணங்களாகச் சுட்டிக்காட்டுகின்றனர். சிலர் ஜிஎஸ்டி விதிப்பு மற்றும் நகர்ப்புற தேவை அதிகரிப்பையும் கூறுகின்றனர். தீபாவளிக்கு முன் மேலும் உயர வாய்ப்புள்ளதாக எச்சரிக்கைகள் வருகின்றன.

இதையும் படிங்க: அரிசி விலை உயர்வை ஒப்புக்கொண்ட அமைச்சர்! விலை ஏற்றத்திற்குப் பின்னால் என்ன காரணம்? வெளியான விளக்கம்!

இந்த நிலையை சுட்டிக்காட்டி திமுக எம்பி கனிமொழி எக்ஸ் தளத்தில் பதிவிட்டுள்ளார். “வெற்றி விலை உயர்வுத் திட்டம் – சிஎம் ப்ரோ-வின் அதிரடி ஆஃபர்: புழுங்கல் பொன்னி அரிசி ரூ.75”. ரூ.52-க்கு விற்கப்பட்ட கிலோ அரிசியின் விலை தற்போது ரூ.75-க்கு விற்கப்படுகிறது என அவர் குறிப்பிட்டுள்ளார். அரசு உடனடி நடவடிக்கை எடுத்து விலையைக் கட்டுப்படுத்த வேண்டும் என்பதே பொதுமக்கள் மற்றும் அரசியல் தரப்பின் கோரிக்கையாக உள்ளது.

இதையும் படிங்க: தீபாவளி செலவுக்கு நடுவே அதிர்ச்சி.. அரிசி விலை கிலோ ரூ.100-ஐ தாண்ட வாய்ப்பா..?? திணறும் குடும்ப பட்ஜெட்..!!