பிரம்மாண்ட அறிவுசார் புத்தகக் கண்காட்சி... முதல்வர் ஸ்டாலின் நேரில் ஆய்வு...!

முற்போக்கு புத்தகக் கண்காட்சி என்பது தமிழகத்தின் முற்போக்கு அரசியல், சமூக, இலக்கிய சிந்தனைகளைப் பிரதிபலிக்கும் ஒரு தொடர்ச்சியான முயற்சி. இது திராவிட இயக்கத்தின் சார்பில், குறிப்பாக தி.மு.க. இளைஞரணியின் ஏற்பாட்டில் நடத்தப்படுகிறது. 

2025 ஆம் ஆண்டு இதன் தொடக்கத்தில், தி.மு.க.யின் 75ஆம் ஆண்டு விழாவுடன் ஒருங்கிணைக்கப்பட்டு, முதலமைச்சர் ஸ்டாலின் அவர்களின் திறப்புரையுடன் சிறப்பித்தது. நாம் வெறும் அறிவிப்புகளால் ஆட்சிக்கு வந்ததில்லை., உழைப்பும் அறிவும் தான் நமது வெற்றியின் ரகசியம் என்று அவர் உரையில் வலியுறுத்தியது போல, இந்தக் கண்காட்சி தமிழக அரசின் சமூகநீதி, கல்வி மேம்பாட்டு கொள்கைகளைப் பிரதிபலிக்கும் வகையில் அமைக்கப்பட்டுள்ளது. 

பாரதிதாசன், பெரியார், அண்ணா, கருணாநிதி போன்ற மாமேதைகளின் படைப்புகள் முதன்மையாகக் காட்சிப்படுத்தப்பட்டுள்ளன. இவை அன்று சமூகத்தில் ஏற்படுத்திய புரட்சிகர மாற்றங்களை நினைவூட்டி, இன்றைய இளைஞர்களுக்கு முன்னுதாரணமாகத் திகழ்கின்றன.வள்ளுவர் கோட்டத்தின் பிரமாண்டமான அரங்கில் அமைக்கப்பட்டுள்ள இந்தக் கண்காட்சி, சுமார் 50-க்கும் மேற்பட்ட அரங்குகளைக் கொண்டுள்ளது. 

இதையும் படிங்க: 2026லும் திமுகவுடன் தான் கூட்டணி.. தமிழ்நாடு காங்கிரஸ் தலைவர் உறுதி..!

இவற்றில் தமிழ், ஆங்கிலம், இந்தி உள்ளிட்ட பல மொழிகளில் 10,000-க்கும் மேற்பட்ட தலைப்புகளில் புத்தகங்கள் குவிந்துள்ளன. முற்போக்கு சிந்தனையின் சாரமான சமூகவியல், அரசியல், பெண்ணியம், சுற்றுச்சூழல், வரலாறு தொடர்பான நூல்கள் பெரும்பான்மையாக உள்ளன. 

இந்த அறிவு சார் புத்தகக் கண்காட்சியை முதலமைச்சர் ஸ்டாலின் இன்று நேரில் பார்வையிட்டார். அரங்குகளுக்கு நேரடியாக சென்று புத்தகங்களை கையில் எடுத்துப் பார்த்தார். அரங்குகள் எவ்வாறு அமைக்கப்பட்டுள்ளது, கண்காட்சியில் இடம்பெற்றுள்ள புத்தகங்கள் என்னென்ன என்பது தொடர்பாக முதலமைச்சர் ஸ்டாலின் பார்வையிட்டு ஆய்வு செய்தார்.

இதையும் படிங்க: புலி வருது, புலி வருது..! இதே கதைதான்... முதலீடுகள் தொடர்பாக முதல்வரை விளாசிய நயினார்...!