நாட்டையே உலுக்கிய கோரம்... பள்ளி விடுதிகளில் தங்கிப் படித்த 24 சிறுமிகள் கர்ப்பம்... பட்டியலின, பழங்குடியின பிள்ளைகளுக்கு நேர்ந்த அவலம்...!

ஒடிசா சட்டமன்றத்தில் அதிர்ச்சியளிக்கும் தகவல் ஒன்று தெரிவிக்கப்பட்டுள்ளது. ஒடிசாவில் பட்டியலினத்தவர் மற்றும் பழங்குடியினருக்காக இயங்கி வரும் பள்ளி விடுதிகளில் தங்கிப் படித்த 24 சிறுமிகள், கடந்த இரண்டு ஆண்டுகளில் கர்ப்பமடைந்ததாக சட்டமன்றத்தில் தெரிவிக்கப்பட்டுள்ளது.

ஒடிசாவில் பட்டியலினத்தவர் மற்றும் பழங்குடியினருக்காக இயங்கி வரும் விடுதிகளில் தங்கிப் படித்த மாணவிகளில், கடந்த இரண்டு ஆண்டுகளில் சுமார் 24 சிறுமிகள் கர்ப்பமடைந்ததாக தெரியவந்துள்ளது.

காங்கிரஸ் எம்எல்ஏ தாராபிரசாத் எழுப்பிய கேள்விக்கு, பட்டியலினத்தவர் மற்றும் பழங்குடியினர் நலத்துறை அமைச்சர் நித்தியானந்த கோன் சட்டமன்றத்தில் இந்த பதிலை அளித்துள்ளார்.

இதையும் படிங்க: ஜெகத்ரட்சகன் மகனுக்கு தவெகவில் முக்கிய பதவி.. தூக்கி கொடுத்த விஜய்!! கவனம் ஈர்க்கும் நியமனம்!!

அதன்படி, கடந்த இரண்டு ஆண்டுகளில் மொத்தம் 24 மாணவிகள் கர்ப்பமடைந்துள்ளனர். இதில் 2025-26ஆம் ஆண்டில் 15 சிறுமிகளும், அதற்கு முந்தைய 2024-25ஆம் ஆண்டில் 9 சிறுமிகளும் கர்ப்பமடைந்ததாக தெரிவிக்கப்பட்டுள்ளது.

மேலும், இந்த சிறுமிகளின் கர்ப்பத்திற்கு காரணமானவர்கள் என குற்றம்சாட்டப்பட்ட அனைவரின் மீதும் வழக்குகள் பதிவு செய்யப்பட்டு, விசாரணை மற்றும் சட்ட நடவடிக்கைகள் நடைபெற்று வருவதாகவும் அமைச்சர் தெரிவித்துள்ளார்.

இதில் குறிப்பிட வேண்டிய மற்றொரு விஷயம் என்னவென்றால், சிறுமிகளின் கர்ப்பத்திற்கு காரணமானவர்கள் அதே பள்ளியைச் சேர்ந்தவர்கள் அல்ல என்றும் தெரிவிக்கப்பட்டுள்ளது. மாறாக, சிறுமிகளின் அக்கம் பக்கத்து வீடுகளைச் சேர்ந்தவர்கள் மற்றும் வெளிநபர்களே குற்றம்சாட்டப்பட்டவர்களாக அடையாளம் காணப்பட்டுள்ளதாக கூறப்பட்டுள்ளது.

உறைவிடப் பள்ளிகளில் தங்கிப் படிக்கும் சிறுமிகளின் பாதுகாப்பு குறித்து கேள்வி எழுந்துள்ள நிலையில், கடந்த 20 ஆண்டுகளாகவே இதுபோன்று உறைவிடப் பள்ளிகளில் தங்கி படிக்கும் மாணவிகள் இளம் வயதிலேயே கர்ப்பமடையும் சம்பவங்கள் தொடர்ந்து வருவதாக சமூக ஆர்வலர்கள் கருத்து தெரிவித்து வருகின்றனர்.

சிறுமிகள் கர்ப்பமடைந்தது தொடர்பான சம்பவங்கள் குறித்து வழக்குகள் பதிவு செய்யப்பட்டுள்ள நிலையில், அந்த கர்ப்பத்திற்கு காரணமானவர்கள் பள்ளியைச் சேர்ந்த ஆசிரியர்களோ அல்லது அங்கு பணியாற்றும் ஊழியர்களோ அல்ல என்றும், சிறுமிகளின் அக்கம் பக்கத்து வீடுகளைச் சேர்ந்தவர்கள் மற்றும் வெளிநபர்களே என விசாரணையில் தெரியவந்துள்ளதாக தெரிவிக்கப்பட்டுள்ளது.

இதையும் படிங்க: குஜராத் ஹில்சா மீன் இறக்குமதிக்கு தடை விதித்த வங்கதேசம்!! காரணம் என்ன..??