புதுச்சேரி தேர்தல் 2026: 30 தொகுதிகளுக்கும் வேட்பாளர்களை அறிவித்தார் விஜய்! தனித்து களம் காணும் தவெக!

தமிழக வெற்றிக் கழகத்தின் தலைவர் விஜய், புதுச்சேரி மாநில சட்டமன்றத் தேர்தலுக்கான (ஏப்ரல் 9, 2026) அதிரடி வேட்பாளர் பட்டியலை வெளியிட்டுள்ளார். புதுச்சேரியில் உள்ள 30 தொகுதிகளிலும் தவெக தனித்துப் போட்டியிடுவது உறுதி செய்யப்பட்டுள்ளது.

வெளியிடப்பட்டுள்ள பட்டியலில் லாஸ்பேட்டை முதல் ஏனாம் வரை அனைத்துப் பகுதிகளுக்கும் வேட்பாளர்கள் அறிவிக்கப்பட்டுள்ளனர். சில முக்கிய தொகுதிகள். லாஸ்பேட்டை: திரு. V. சாமிநாதன், காரைக்கால் தெற்கு: திரு. K.A.U. அசனா, முத்தியால்பேட்டை: திரு. J. பிரகாஷ் குமார், காமராஜ் நகர்: திரு. Dr. R. சுமன், காரைக்கால் வடக்கு: திரு. A. வெங்கடேஷ், மாகே: திரு. M. பிரிஜேஷ், ஏனாம்: திரு. A. தோட்டா ராஜு

வேட்பாளர்களை வாழ்த்தி அறிக்கை வெளியிட்டுள்ள தலைவர் விஜய், விசில் சின்னத்தில் போட்டியிடும் கழக வேட்பாளர்களை வெற்றி பெறச் செய்ய நிர்வாகிகள் மற்றும் தொண்டர்கள் அர்ப்பணிப்புடன் பணியாற்ற வேண்டும் எனக் கேட்டுக்கொண்டுள்ளார்.

இதையும் படிங்க: நானும் ராதிகாவும் தேர்தலில் நிற்க மாட்டோம்! பாஜகவில் தனக்குரிய அங்கீகாரம் கிடைக்கவில்லை என சரத்குமார் ஆதங்கம்!

ஏற்கனவே அதிமுக மற்றும் திமுக கூட்டணிகள் வேட்பாளர்களை அறிவித்து வரும் நிலையில், புதுச்சேரியின் 30 தொகுதிகளிலும் விஜய்யின் கட்சி தனித்துக் களம் காண்பது ஒரு மும்முனைப் போட்டியை உருவாக்கியுள்ளது. குறிப்பாக, இளைஞர்கள் மற்றும் மீனவ மக்களின் வாக்குகளைக் குறிவைத்து தவெக களம் இறங்கியுள்ளது குறிப்பிடத்தக்கது.

இதையும் படிங்க: யார் தலைவர் என்பதே தெரியவில்லை! அதிமுக, நாம் தமிழர் கட்சிகளை சாடிய தவெக நிர்மல் குமார்!