திருமா ஸ்ட்ரிக்ட் ஆர்டர்! பணிந்த விஜய்! அதிமுகவினருக்கு ஆப்பு வைத்த அமைச்சரவை!

தமிழக வெற்றிக் கழகம் (Tamilaga Vettri Kazhagam) தலைமையிலான தமிழக அரசின் புதிய அமைச்சரவை இன்று பதவியேற்ற நிலையில், கூட்டணி அரசியலில் நடந்த கடைசி நேர நகர்வுகள் பெரும் பரபரப்பை ஏற்படுத்தியுள்ளன. மொத்தம் 23 புதிய அமைச்சர்கள் இன்று பதவியேற்ற நிலையில், காங்கிரஸ் கட்சிக்கு இரண்டு அமைச்சர் பதவிகள் வழங்கப்பட்டிருப்பது முக்கிய அரசியல் திருப்பமாக பார்க்கப்படுகிறது.

கடந்த சில நாட்களாக காங்கிரஸுக்கு அமைச்சரவையில் இடம் கிடைக்குமா என்ற இழுபறி நீடித்து வந்தது. ஆனால் டெல்லி மேலிடத்தின் தீவிர பேச்சுவார்த்தை மற்றும் கூட்டணி சமநிலைக் கணக்கின் அடிப்படையில், இறுதியில் இரண்டு இடங்கள் காங்கிரஸுக்கு ஒதுக்கப்பட்டுள்ளதாக தகவல்கள் தெரிவிக்கின்றன.

இதன் மூலம், தமிழக அமைச்சரவையில் தற்போது 33 அமைச்சர்கள் பதவியேற்றுள்ளனர். இன்னும் இரண்டு இடங்கள் காலியாக உள்ள நிலையில், அவை இந்திய யூனியன் முஸ்லிம் லீக் (Indian Union Muslim League) மற்றும் விடுதலை சிறுத்தைகள் கட்சி (Viduthalai Chiruthaigal Katchi) கட்சிகளுக்காக ஒதுக்கப்பட்டுள்ளதாக அரசியல் வட்டாரங்கள் கூறுகின்றன. விரைவில் இதற்கான இறுதி முடிவு வெளியாகலாம் என எதிர்பார்க்கப்படுகிறது.

இதையும் படிங்க: #BREAKING: விஜய் அரசின் Mega Move! அமைச்சர்களுக்கு இலாகா அறிவிப்பு! முழு விவரம்..!!

இதற்கிடையில், கடந்த வாரம் நடைபெற்ற நம்பிக்கை வாக்கெடுப்பில் எடப்பாடி பழனிசாமி (Edappadi K. Palaniswami) உத்தரவை மீறி, சி.வி. சண்முகம் மற்றும் எஸ்.பி. வேலுமணி அணியைச் சேர்ந்த 25 அ.தி.மு.க. எம்.எல்.ஏ.க்கள் தவெக அரசுக்கு ஆதரவாக வாக்களித்தது அரசியல் அதிர்வலை ஏற்படுத்தியது. இதனால், அந்த அணிக்கு அமைச்சரவையில் இடம் கிடைக்கும் என்ற எதிர்பார்ப்பு அதிகரித்திருந்தது.

ஆனால் இன்று வெளியான அமைச்சரவை பட்டியலில் அ.தி.மு.க. அதிருப்தி அணியினரின் பெயர்கள் இடம்பெறாதது பெரும் அதிர்ச்சியை ஏற்படுத்தியுள்ளது. இதற்குப் பின்னால் திருமாவளவன் (Thol. Thirumavalavan) எடுத்த கடுமையான நிலைப்பாடே முக்கிய காரணம் என கூறப்படுகிறது. கொள்கை ரீதியாக அ.தி.மு.க. அதிருப்தியாளர்களை அமைச்சரவையில் சேர்க்கக் கூடாது என்று அவர் உறுதியாக தெரிவித்ததாக தகவல்கள் வெளியாகியுள்ளன.

அவர்களை அமைச்சரவையில் சேர்த்தால் கூட்டணியில் தொடர்வது சிரமமாகும் என்ற எச்சரிக்கையும் விடுக்கப்பட்டதாக கூறப்படுகிறது. இதனால், கடைசி நேரத்தில் அ.தி.மு.க. அதிருப்தி அணியின் அமைச்சர் கனவு முறியடிக்கப்பட்டதாக அரசியல் வட்டாரங்கள் பரபரப்பாக பேசுகின்றன.

இதையும் படிங்க: அமைச்சரவையில் இன்னும் 2 இடங்களே பாக்கி! எஸ்.பி வேலுமணி, சி.வி.சண்முகத்திற்கு வாய்ப்பிருக்கிறதா?