வங்கக்கடலில் வலுப்பெற்ற காற்றழுத்த தாழ்வு.. 10 மாவட்டங்களுக்கு ரெட் அலர்ட்! 

தென்மேற்கு வங்கக்கடலில் நிலைகொண்டிருந்த காற்றழுத்த தாழ்வுப்பகுதி, தற்போது மத்திய மேற்கு வங்கக்கடல் பகுதியில் ஆழ்ந்த காற்றழுத்த தாழ்வுப் பகுதியாக வலுவடைந்துள்ளதாகச் சென்னை வானிலை ஆய்வு மையம் தெரிவித்துள்ளது. இதன் காரணமாகத் தமிழகத்தின் பல்வேறு மாவட்டங்களில் அடுத்த சில நாட்களுக்குக் கனமழை பெய்ய வாய்ப்புள்ளதாக எச்சரிக்கப்பட்டுள்ளது.

இந்த வானிலை மாற்றத்தினால் தமிழகத்தின் மேற்கு தொடர்ச்சி மலையையொட்டிய மாவட்டங்கள் மற்றும் கடலோரப் பகுதிகளில் இடி மின்னலுடன் கூடிய மழை பெய்யும்:

இன்று (மே 14): நீலகிரி மாவட்டத்தில் ஒரு சில இடங்களில் இடி மின்னலுடன் கூடிய கனமழை பெய்யக்கூடும். காற்றின் வேகம் மணிக்கு 30 முதல் 40 கி.மீ வரை இருக்கும்.

இதையும் படிங்க: ஆர்த்தி ரவிக்கு எதிராக அவதூறு பேசக் கெனிஷாவுக்குத் தடை - சென்னை உயர்நீதிமன்றம் அதிரடி!

நாளை (மே 15): நீலகிரி மற்றும் கோயம்புத்தூர் மாவட்ட மலைப்பகுதிகளில் பலத்த மழை பெய்யும். ஈரோடு, திருப்பூர், தஞ்சாவூர் உள்ளிட்ட 10 மாவட்டங்களில் கனமழைக்கு வாய்ப்புள்ளதாகக் மஞ்சள் எச்சரிக்கை (Yellow Alert) விடுக்கப்பட்டுள்ளது.

நாளை மறுநாள் (மே 16): தேனி மாவட்டத்தில் இடி மின்னலுடன் கூடிய கனமழை பெய்ய வாய்ப்புள்ளது.

சென்னையைப் பொறுத்தவரை வானம் ஓரளவு மேகமூட்டத்துடன் காணப்படும். நகரின் ஒரு சில இடங்களில் லேசான மழை பெய்ய வாய்ப்புள்ளது. அதிகபட்ச வெப்பநிலையானது 35-36 டிகிரி செல்சியஸாகப் பதிவாகக்கூடும்.

அந்தமான் கடல் பகுதிகள் மற்றும் வங்கக்கடல் பகுதிகளில் மணிக்கு 50 கி.மீ வேகத்தில் சூறாவளிக் காற்று வீசக்கூடும் என்பதால், மீனவர்கள் இப்பகுதிகளுக்குச் செல்ல வேண்டாமென அறிவுறுத்தப்பட்டுள்ளனர்.

தமிழகத்தில் அக்னி நட்சத்திர வெயில் நிலவி வரும் சூழலில், இந்த மழைப்பொழிவு வெப்பத்தைத் தணித்துக் குளிர்ச்சியான சூழலை உருவாக்கும் என எதிர்பார்க்கப்படுகிறது.

இதையும் படிங்க: சென்னையை வாட்டி வதைக்கும் வெயில்..!! குறைந்தது நிலத்தடி நீர்மட்டம்..!! லாரி தண்ணீரை நம்பும் மக்கள்..!!