கூட்டணி முறிவா? திமுகவுக்கு ஆதரவு இல்லையா..? தவாக தலைவர் வேல்முருகன் திட்டவட்டம்..!

தமிழக அரசியல் களத்தில் இப்போது சூடு பிடித்திருக்கிறது 2026 சட்டமன்றத் தேர்தல் பேச்சு. திமுக கூட்டணியில் இருக்கும் சிறிய கட்சிகளுக்கே கூடுதல் தொகுதி கேட்டு தலையெடுக்கும் பிரச்சினை இப்போது பெரிய அளவில் பேசப்படுகிறது. அதிலும் தமிழக வாழ்வுரிமை கட்சி தலைவர் ப.வேல்முருகன் அவர்களின் அதிருப்தி இப்போது மிகப் பெரிய பேசுபொருளாக மாறியிருக்கிறது.

கடந்த 2021 தேர்தலில் திமுக கூட்டணியில் இணைந்து, உதயசூரியன் சின்னத்தில் பண்ருட்டி தொகுதியில் போட்டியிட்டு வெற்றி பெற்றார் வேல்முருகன். அப்போது ஒரே ஒரு தொகுதி மட்டுமே ஒதுக்கப்பட்டது. இப்போது 2026-க்கு வரும்போது கட்சி வளர்ச்சி அடைந்திருக்கிறது, மாவட்ட அளவில் நிர்வாகிகள் அதிகரித்திருக்கிறார்கள்., ஆதரவு பெருகியிருக்கிறது என்று வேல்முருகன் தரப்பு கருதுகிறது. அதனால் கூடுதல் தொகுதிகள் வேண்டும் என்ற கோரிக்கை வலுத்து வருகிறது.

கடந்த சில நாட்களாக வேல்முருகன் மாவட்ட செயலாளர்களுடன் தீவிர ஆலோசனை நடத்தி வருகிறார். கூட்டணியில் இருந்து வெளியேற வேண்டும் என்று நெருக்கடி கொடுக்கப்பட்டதாக கூறப்பட்டு வருகிறது. அதனால்தான் முதலமைச்சர் மு.க.ஸ்டாலின் கலந்து கொண்ட சில நிகழ்ச்சிகளில் வேல்முருகன் கலந்து கொள்ளாமல் இருந்தது கவனிக்கப்பட்டது. இது கூட்டணியில் பிளவு வருவதற்கான அறிகுறியா என்ற கேள்வி எழுந்தது.

இதையும் படிங்க: விசிலுக்கு தடை… சத்தம் தூக்கம் கலைக்குதோ? ஜுரம் வந்துடுச்சு போல… TVK விமர்சனம்..!

வேல்முருகன் வெளியேறுவார் என தகவல்கள் பரவிய நிலையில், பல்வேறு கோரிக்கைகளுடன் திமுகவை தொடர்ந்து ஆதரிக்கிறோம் என வேல்முருகன் திட்டவட்டமாக தெரிவித்துள்ளார். மேலும் முதல்வர் ஸ்டாலின் மற்றும் முன்னாள் முதல்வர் கருணாநிதி குறித்து புகழாரம் சூட்டிய வேல்முருகன், ஒவ்வொரு வீட்டிலும் திமுக அரசின் திட்டங்களால் பலனடைந்தவர்கள் இருப்பதாகவும் தெரிவித்தார். 

இதையும் படிங்க: சூடுபிடிக்கும் தவெக விருப்ப மனு விநியோகம்..!! கேட்கப்படும் 36 கேள்விகள்..!! என்னென்ன தெரியுமா..??