சூடுபிடிக்கும் தவெக விருப்ப மனு விநியோகம்..!! கேட்கப்படும் 36 கேள்விகள்..!! என்னென்ன தெரியுமா..??

தமிழக வெற்றிக் கழகம் (தவெக) சார்பில் சட்டமன்றத் தேர்தலில் போட்டியிட விரும்புவோருக்கான விருப்ப மனு விநியோகம் நேற்று (பிப்ரவரி 6) தொடங்கியது. கட்சித் தலைமை அலுவலகத்தில் (பனையூர்) நடைபெற்ற இந்த நிகழ்வு மிகுந்த எதிர்பார்ப்பையும் ஆர்வத்தையும் ஏற்படுத்தியது. பொதுத் தொகுதிகளுக்கு ரூ.10,000-உம், தனித் தொகுதிகளுக்கு ரூ.5,000-உம் விருப்ப மனு கட்டணமாக (non-refundable) நிர்ணயிக்கப்பட்டுள்ளது. 

மனு படிவத்தைப் பெற ரூ.100 செலுத்த வேண்டும். முதல் நாளான நேற்று 10,000 படிவங்கள் விற்பனைக்கு வைக்கப்பட்டிருந்தன. ஆனால், அதிகமானோர் ஆர்வத்துடன் வந்ததால், வெறும் ஒன்றரை மணி நேரத்திலேயே அனைத்து படிவங்களும் விற்று தீர்ந்தன. பலர் விஜய் அவர்களே தங்கள் தொகுதியில் போட்டியிட வேண்டும் எனும் நோக்கில், அவரது பெயரிலேயே விருப்ப மனுக்களைப் பெற்றுச் சென்றனர். இதனால் கூட்டம் மிக அதிகமாகத் திரண்டது.

இதையும் படிங்க: “மக்களின் கைகளில் தவெக தேர்தல் அறிக்கை!” கருத்துகளைப் பெறப் புதிய இணையதளம் தொடக்கம்!

நிலைமையை சமாளிக்க முடியாத சூழல் ஏற்பட்டதால், கட்சி தரப்பில் முக்கிய அறிவிப்பு வெளியிடப்பட்டது. அதன்படி, யாரும் நேரில் வர வேண்டாம் என்றும், கட்சியின் இணையதளத்தில் இருந்து இலவசமாக விருப்ப மனு படிவத்தைப் பதிவிறக்கம் செய்து கொள்ளலாம் என்றும் தெரிவிக்கப்பட்டது. இந்த விருப்ப மனு படிவத்தில் மொத்தம் 36 கேள்விகள் இடம்பெற்றுள்ளன. இதில் தனிப்பட்ட விவரங்கள் முதல் அரசியல் பின்னணி வரை விரிவான தகவல்கள் கேட்கப்பட்டுள்ளன. அவை பின்வருமாறு:

• பெயர், தந்தை/கணவர் பெயர், பிறந்த தேதி (வயது), பாலினம், கல்வித் தகுதி
• தற்போதைய கழகப் பதவி, எந்த ஆண்டு முதல் உறுப்பினராக உள்ளீர்கள்
• ஆதார் எண், வாக்காளர் அட்டை எண், அலைபேசி எண்கள் (முதன்மை & மாற்று), மின்னஞ்சல் முகவரி
• தாய்மொழி, பேசும் மொழிகள்
• வெற்றி வாய்ப்புகளை சுருக்கமாக விளக்கம்
• சட்டமன்றம்/பாராளுமன்றத் தேர்தல்களில் ஏற்கெனவே போட்டியிட்ட விவரங்கள் (இல்லையெனில் குறிப்பிடவும்)
• உள்ளாட்சித் தேர்தல்களில் போட்டியிட்ட விவரங்கள்
• கழகத்தில் இணைவதற்கு முன் வேறு கட்சிகளில் உறுப்பினராக இருந்தீர்களா? (ஆம் எனில் விவரங்கள்)
• தங்கள்மீது அல்லது குடும்ப உறுப்பினர்கள்மீது காவல்/நீதிமன்ற வழக்குகள் நிலுவையில் உள்ளதா? (ஆம் எனில் விவரங்கள்)
• சமூக வலைதள கணக்குகள் (ட்விட்டர்/X, பேஸ்புக், இன்ஸ்டாகிராம், யூடியூப்)
• தொழில், ஆண்டு வருமானம்
• குடும்ப விவரங்கள் (தாய், தந்தை, சகோதர/சகோதரிகள், மனைவி/கணவர், குழந்தைகள்)
• போட்டியிட விரும்பும் சட்டமன்றத் தொகுதி
• அத்தொகுதியில் SIR-க்குப் பின் மொத்த வாக்காளர்கள் எண்ணிக்கை
• அத்தொகுதியில் வசிக்கிறீர்களா? (இல்லையெனில் வசிப்பிடம், வாக்குரிமை தொகுதி)
• அத்தொகுதியில் போட்டியிடுவதற்கான முக்கிய காரணங்கள்
• சொத்து விவரங்கள் (தனிப்பட்ட & குடும்ப உறுப்பினர்கள்)
• தொகுதிக்கான தேர்தல் அறிக்கை தயாரித்துள்ளீர்களா?
• கழக வளர்ச்சிக்காக ஆற்றிய பணிகள்
• கழகப் போராட்டங்களில் பங்கேற்று சிறை சென்றுள்ளீர்களா?
• கழக விதிகளுக்கு எதிராக ஒழுங்கு நடவடிக்கை எடுக்கப்பட்டுள்ளதா?
• சாதிச் சங்கங்கள்/சமூக அமைப்புகளுடன் தொடர்பு உள்ளதா?
• கூடுதல் தகவல்கள் (விரும்பினால்)
• தற்போதைய & நிரந்தர முகவரி

மேலும், புகைப்படம் ஒட்டி, கட்சி உறுப்பினர் அடையாள அட்டை, உயர்கல்வி சான்றிதழ், ஆதார், வாக்காளர் அட்டை, பான் கார்டு, கடந்த 3 ஆண்டுகளின் வருமான வரி தாக்கல் ஆவணங்கள் (தனிப்பட்ட & குடும்ப உறுப்பினர்கள்), குடும்ப அட்டை போன்ற ஆவணங்களின் நகல்களையும் இணைக்க வேண்டும். கட்டணத்திற்கான டி.டி. எண்ணும் குறிப்பிட வேண்டும்.விருப்ப மனுக்களை பிப்ரவரி 14 வரை பெற்றுக்கொள்ளலாம். இந்த செயல்முறை தமிழக வெற்றிக் கழகத்தின் தேர்தல் தயாரிப்புகளில் முக்கிய அடியெடுப்பாக அமைந்துள்ளது.

இதையும் படிங்க: விஜய்யை இனிமேல்தான் விமர்சிப்பேன்! அண்ணாமலை எச்சரிக்கை!