தவெக வேட்பாளர் பட்டியலில் மாற்றம்..? விஜய் எடுக்கும் அதிரடி முடிவு..! பெரும் எதிர்பார்ப்பு..!!

தமிழகத்தில் 2026 சட்டமன்றத் தேர்தல் நெருங்கி வரும் நிலையில், தமிழக வெற்றிக் கழகம் எனும் அரசியல் கட்சியின் தலைவரும், நடிகருமான விஜய் ஒரு முக்கியமான அறிவிப்பை வெளியிட்டுள்ளார். கட்சி தனித்து நின்று அனைத்து 234 தொகுதிகளிலும் போட்டியிடும் என்று தெளிவுபடுத்திய அவர், ஒரே மேடையில் அந்தத் தொகுதிகளுக்கான வேட்பாளர்களின் முழு பட்டியலையும் அறிவித்தார்.

இந்த நிகழ்வு சென்னை நுங்கம்பாக்கத்தில் உள்ள ஒரு நட்சத்திர ஓட்டலில் நடைபெற்றது. மார்ச் 29 அன்று நடந்த இந்த அறிவிப்பு, தமிழக அரசியலில் புதிய மாற்றத்தை ஏற்படுத்தும் என்ற எதிர்பார்ப்பை உருவாக்கியுள்ளது. தமிழக வெற்றிக் கழகம், விஜய்யின் தலைமையில் சமீபத்தில் உருவான கட்சி. திரைப்பட உலகில் மிகப்பெரிய ரசிகர் பட்டாளத்தைக் கொண்ட விஜய், அரசியலில் களமிறங்கியதிலிருந்து மக்கள் இயக்கமாகவே செயல்பட்டு வந்தார்.

இம்முறை தேர்தலில் எந்தக் கூட்டணியிலும் இணையாமல் தனித்து போட்டியிடுவதாக அவர் முன்னதாகவே அறிவித்திருந்தார். இந்த முடிவு, தமிழக அரசியலில் பாரம்பரியமான திராவிடக் கட்சிகளான திமுக மற்றும் அதிமுகவுக்கு இடையே ஒரு மூன்றாவது சக்தியாக தவெக உருவெடுக்கும் சாத்தியத்தை ஏற்படுத்தியுள்ளது. 234 தொகுதிகளிலும் வேட்பாளர்களை நிறுத்துவது என்பது, கட்சியின் தீவிரத்தையும், மக்கள் ஆதரவை நம்பிக்கையுடன் எதிர்பார்க்கும் நிலையையும் பிரதிபலிக்கிறது.

இதையும் படிங்க: ஆதவ் அர்ஜுனா பொது கூட்டத்தில் மதுபாட்டில் வீச்சு... நடந்தது என்ன..? போலீசார் விளக்கம்..!!

இந்த நிலையில் தமிழக வெற்றி கழகத்தின் வேட்பாளர் பட்டியலில் மாற்றம் செய்யப்பட இருப்பதாக கூறப்படுகிறது. மாற்றுக் கட்சியிலிருந்து சிலர் தவெகவில் இணைய பேச்சுவார்த்தை நடத்துவதாகக் கூறப்படும் நிலையில் விஜய் அறிவித்த தவெக வேட்பாளர் பட்டியலில் மாற்றம் வர உள்ளதாக தகவல் வெளியாகியுள்ளது. 234 பேர் கொண்ட பட்டியலில் மூன்றிலிருந்து ஐந்து பேர் மாற்றம் செய்யப்பட வாய்ப்புள்ளதாகக் கூறப்படுகிறது.

இதையும் படிங்க: பிரதமர் மோடி, அமித் ஷாவுடன் விஜய் ரகசிய கூட்டு... அமைச்சர் ராஜேந்திரன் கடும் தாக்கு...!