ரீல்ஸ் போடும் சிங்கப் பெண் படை..! பேரவையில் உதயநிதி, ஆதவ் காரசார வாதம்..!

சட்டப்பேரவையில் எதிர்க்கட்சி தலைவர் உதயநிதி ஸ்டாலின் உரையாற்றினார். அப்போது, குழந்தைகளை வைத்து முதலமைச்சர் விஜய் வாக்கு கேட்டதாகவும், ஆனால் குழந்தைகள் வன்கொடுமை அதிகரித்து உள்ளதாகவும் தெரிவித்தார். சிங்கப்பெண் திட்டம் வந்த மறுநாளே பெண் காவலருக்கு பாலியல் தொல்லை கொடுக்கப்பட்டதாக கூறியுள்ளார். மன்னன் எவ்வழியோ மக்கள் அவ்வழி என்பது போல் சிங்கப்பெண் படை ரீல்ஸ் போடுகிறது என உதயநிதி ஸ்டாலின் தெரிவித்துள்ளார்.

ஒரு மாதத்தில் 200 பாலியல் வன்கொடுமையில் நடந்திருப்பதாக குறிப்பிட்டுள்ளார். அரசுப் பள்ளியில் ஊக்கப்படுத்தும் திரைப்பட பாடல் ஒளிபரப்பு படலாம் என்றும் ஆனால் மோசமான பாடல் போடப்பட்ட நடனம் ஆடுவதாக குறிப்பிட்டுள்ளார். ஒரு மாதத்தில் இவ்வளவு குற்றம் நடந்த நிலையில் தமிழகத்தில் தான் உள்ளோமா அல்லது வட மாநிலத்தில் உள்ளோமா என தோன்றுகிறது என்றும் தெரிவித்துள்ளார்.

அடுத்த ஜென்மத்தில் விவசாயியாக பிறக்க வேண்டும் என முதல்வர் விஜய் கூறினார் என்றும் ஆனால் போராட்டத்தில் அவர்கள் மீது தடியடி நடத்தப்படுவதாகவும் உதயநிதி கண்டனம் தெரிவித்துள்ளார். தமிழக வெற்றி கழகத்தினரால் ஏற்பட்ட பாலியல் கொடுமைகள் என்று பெயரை குறிப்பிட்டு பேசினார். சேலம், சென்னை, ஸ்ரீவைகுண்டத்தில் தமிழக வெற்றி கழகத்தின் நிர்வாகிகளால் பாலியல் குற்றங்கள் நடந்திருப்பதாக தெரிவித்துள்ளார். மின்வெட்டுக்கான உண்மை காரணம் கண்டறிந்து என்ன நடவடிக்கை எடுக்க போகிறீர்கள் என்று முதலமைச்சர் விஜய் பதிலளிக்க வேண்டும் என்றும் மின்வெட்டு பிரச்சனையால் முதலீடுகளை இருப்பதில் கோட்டை விட்டு விடாதீர்கள் எனவும் தெரிவித்துள்ளார். 

இதையும் படிங்க: புதிய நடுவர் மன்றம்..!! நம்பிக்கை இல்ல.. பேரவையில் அமைச்சர் ஆதவ் அர்ஜுனா உரை..!

யாரையும் தலையில் தூக்கி வைக்க வேண்டிய அவசியம் இல்லை என்று சபாநாயகர் கூறிய நிலையில், எதிர்க்கட்சித் தலைவர் உதயநிதியின் பேச்சுக்கு அமைச்சர் ஆதவ் அர்ஜுனா பதிலடி கொடுத்தார். காம்ப்ரமைஸ் என்ற வார்த்தை எங்களுக்கு கஷ்டமாக இருக்கிறது என்று தெரிவித்துள்ளார். கடந்த ஆண்டுகளில் ஆளுநர் அவையை புறக்கணித்த பின் தான் தமிழ்த்தாய் வாழ்த்து பாடப்பட்டது என்று குறிப்பிட்டார். மேலும் கடந்த ஆட்சி காலங்களில் நடந்த பாலியல் குற்றங்களை ஆதவ் அர்ஜுனா குறிப்பிட்டு பேசினார். 

இதையும் படிங்க: எடப்பாடி கோட்டையில் விரிசல்.? பனையூருக்கு படையெடுத்த அதிமுகவினர்..! ஆதவ் உரை..!!