கையெழுத்து போட்டால் மட்டுமே ஆதரவு! விக்கிரமராஜா அதிரடி நிபந்தனை!

தமிழக சட்டமன்றத் தேர்தல் நெருங்கி வரும் வேளையில், தமிழகத்தின் வாக்கு வங்கியில் முக்கியப் பங்கு வகிக்கும் வணிகர்களின் ஆதரவைப் பெற அரசியல் கட்சிகள் மல்லுக்கட்டி வருகின்றன. இந்தச் சூழலில், தமிழ்நாடு வணிகர் சங்கங்களின் பேரமைப்புத் தலைவர் ஏ.எம். விக்கிரமராஜா, அரசியல் கட்சிகளுக்கு மிகத் தெளிவான மற்றும் கடுமையான நிபந்தனை ஒன்றை விதித்துள்ளார்.

தமிழகத்தில் உள்ள அனைத்துப் பிரதானக் கட்சிகளான திமுக, அதிமுக, பாஜக மற்றும் புதிதாகக் களம் கண்டுள்ள நடிகர் விஜய்யின் தமிழக வெற்றிக் கழகம், விசிக உள்ளிட்ட கட்சிகள் எங்களிடம் தொடர்ந்து பேச்சுவார்த்தை நடத்தி வருகின்றன. வணிகர்களின் வாக்குகளைப் பெற அவர்கள் ஆர்வம் காட்டுகிறார்கள். ஆனால், வெறும் வாய்மொழி வாக்குறுதிகளை நம்பி இந்த முறை நாங்கள் ஏமாற மாட்டோம். வணிகர்களின் நீண்டகாலக் கோரிக்கைகளான ஜிஎஸ்டி வரிச் சீரமைப்பு, ஆன்லைன் வர்த்தகக் கட்டுப்பாடு மற்றும் வணிகர் பாதுகாப்புச் சட்டம் உள்ளிட்ட அம்சங்களை எந்தக் கட்சி தனது தேர்தல் அறிக்கையில் சேர்த்து, அதனை எழுத்துப்பூர்வமாக எங்களிடம் உறுதி அளிக்கிறதோ, அந்த அணிக்கே எங்களது முழுமையான ஆதரவு இருக்கும்.

இதையும் படிங்க: தேர்தல் பட்ஜெட் தயார்! முதலமைச்சர் தலைமையில் இன்று கூடுகிறது அமைச்சரவை!

யார் பெரிய கட்சி என்பதை விட, யார் வணிகர்களின் நலனில் அக்கறை கொண்ட கட்சி என்பதே எங்களது அளவுகோல். வரும் நாட்களில் எங்களது கோரிக்கைப் பட்டியலை அனைத்துக் கட்சிகளுக்கும் வழங்குவோம். அதில் கையெழுத்திடும் கட்சியைத் தேர்வு செய்து, விரைவில் எங்களது அதிகாரப்பூர்வ நிலைப்பாட்டை அறிவிப்போம்" என்று அவர் திட்டவட்டமாகத் தெரிவித்தார்.

தமிழகம் முழுவதும் லட்சக்கணக்கான உறுப்பினர்களைக் கொண்ட வணிகர் சங்கத்தின் இந்த முடிவு, கட்சிகளின் வெற்றி வாய்ப்பைத் தீர்மானிக்கும் சக்தியாகப் பார்க்கப்படுகிறது. குறிப்பாக, ஆளும் திமுக மற்றும் எதிர்க்கட்சியான அதிமுக ஆகிய இரு அணிகளுமே வணிகர்களின் ஆதரவைத் திரட்டத் தீவிரமாகப் பணியாற்றி வரும் நிலையில், விக்கிரமராஜாவின் இந்த 'எழுத்துப்பூர்வ நிபந்தனை' கட்சிகளுக்குப் புதியச் சவாலை ஏற்படுத்தியுள்ளது.

இதையும் படிங்க: பட்ஜெட் ஏமாற்றம்.. பெட்ரோல் விலை குறையாதது ஏன்? கோவையில் வைகோ பேட்டி!