தமிழ்நாடு சட்டமன்றத் தேர்தல் 2026-ல் திருச்சி கிழக்கு தொகுதி முக்கிய இடத்தைப் பிடித்தது. தமிழக வெற்றிக் கழகம் தலைவரும், தமிழ்நாட்டின் புதிய முதலமைச்சருமான சி.ஜோசப் விஜய் இந்தத் தொகுதியில் போட்டியிட்டு வெற்றி பெற்றார். அதே நேரத்தில் பெரம்பூர் தொகுதியிலும் அவர் வெற்றி பெற்றதால், இரு தொகுதிகளில் இருந்தும் ஒன்றைத் தக்கவைத்துக் கொள்ள வேண்டிய நிலை ஏற்பட்டது.

இதன் விளைவாக, அவர் திருச்சி கிழக்கு தொகுதியிலிருந்து ராஜினாமா செய்தார். இதனால் அந்தத் தொகுதி காலியாக அறிவிக்கப்பட்டுள்ளது. தேர்தல் முடிவுகளின்படி, திருச்சி கிழக்கு தொகுதியில் முதல்வர் விஜய் சுமார் 91,381 வாக்குகள் பெற்று, தி.மு.க. வேட்பாளர் இனிகோ இருதயராஜை சுமார் 27,416 வாக்கு வித்தியாசத்தில் தோற்கடித்தார்.

இந்த வெற்றி த.வெ.க.வின் அலைவீச்சை பிரதிபலித்தது. ஆனால், பிரதிநிதித்துவ மக்கள் சட்டம் 1951-ன் பிரிவு 70-ஐப் பின்பற்றி, ஒரு நபர் ஒரே நேரத்தில் இரு சட்டமன்றத் தொகுதிகளைப் பிரதிநிதித்துவப்படுத்த முடியாது. எனவே, விஜய் பெரம்பூர் தொகுதியைத் தக்கவைத்துக் கொண்டு திருச்சி கிழக்கிலிருந்து விலகினார்.

இதையும் படிங்க: திருச்சி கிழக்கு தொகுதியில் இடைத்தேர்தல்: ஸ்டாலின் vs விஜய்..!! அரசியல் பரபரப்பு..!!

ராஜினாமா கடிதம் மே 10 அன்று சட்டப்பேரவை செயலரிடம் த.வெ.க. மூத்த தலைவர்களால் சமர்ப்பிக்கப்பட்டது. சட்டப்பேரவை செயலகம் திருச்சி கிழக்கு தொகுதி காலியானதாக அறிவித்துள்ளது. இந்திய தேர்தல் ஆணையம் சில மாதங்களுக்குள் இடைத்தேர்தலை நடத்தும். இடைத்தேர்தல் ஆறு மாதங்களுக்குள் நடைபெற வாய்ப்புள்ளது.

இதையும் படிங்க: எடப்பாடி மீது கட்சி தாவல் சட்டம்.? அரசியலில் பரபரப்பு... அதிமுகவில் கலகக்குரல்..!!