தமிழ்நாடு தலை குனியாது என்ற தலைப்பில் விராலிமலை சட்டமன்ற தொகுதி திமுக பொதுக்கூட்டம் விராலிமலை பட்டமரத்தம்மன் கோயில் திடலில் நடைபெற்றது. இதில் எம்பி திருச்சி சிவா பங்கேற்று தமிழகத்தை தொடர்ந்து புறக்கணித்து வரும் ஒன்றிய அரசின் செயல்பாடுகளை விளக்கி பேசினார்.

மேலும் பேசிய அவர் நம்முடைய பிரதமர் கூட எல்லோருக்கும் நமஸ்கார் என்பார் எனக்கு மட்டும் வணக்கம் என்று தான் சொல்லுவார்.அவர் எல்லாவற்றையும் தனி குணத்தோடு அனுக கூடியவர்.அவரது அணுகுமறையே வேறு குறைத்து சொல்லவில்லை பாராட்டி தான் சொல்கிறேன்.அது தான் அவரது வெற்றியின் ரகசியமாக கூட இருக்கலாம்.

நாடாளுமன்ற உறுப்பினர்களுக்கு பிறந்தநாள் வருகிற போது வாழ்த்துச் செய்தி குடியரசுத் தலைவரிடம் இருந்து வரும் பிரதமரிடம் இருந்து வரும் இது ஒரு மரபு ஒரு உருவாக்கப்பட்ட ஒரே தகவல் அதை அனுப்புவார்கள். மோடி வந்ததற்கு பின்னால் உறுப்பினர் எந்த மாநிலத்தை சேர்ந்தவர் அந்த மொழியில் அனுப்புவார் கேரளாவில் இருக்கிறவங்களுக்கு மலையாளம், ஆந்திராவில் தெலுங்கு, தமிழ்நாட்டில் இருக்கிற எனக்கு தமிழ், பஞ்சாபில் இருப்பவர்களுக்கு பஞ்சாபியில் எனக்கு முதன் முதலாக அந்த கடிதம் வந்த போது நான் பார்த்து பரவசமானேன்.

இதையும் படிங்க: இந்தியாவிலேயே முதல் முறை.. ‘ஹைவேஸில்’ தரையிறங்கிய பிரதமர் மோடி ப்ளைட்... அசாமில் திறக்கப்பட்ட ரூ.100 கோடி அதிசயம்...! 

அதில் வாசகங்கள் எல்லாம் தமிழில் இருந்தது. அதற்கு நன்றி கடிதம் எழுத வேண்டும் என்று ஆசைப்பட்டேன். அதை குஜராத்தி மொழியில் எழுதிக் கொடு என்று எங்கள் ஊரில் உள்ள சேட்டு ஒருவரிடம் எழுதி வாங்கினேன். வாங்கியதோடு அனுப்பவில்லை. சென்னைக்கு சென்று அங்கே இன்னொருவரிடம் காட்டி இது சரியாக இருக்கிறதா என்று ஒப்பிட்டு பாருங்கள் என்று கூறி உறுதிபடுத்தி கொண்டேன்.

பிரதமர் ஒருநாள் என்னை பார்த்த போது சொன்னார். எனக்கு குஜராத்தியில் எழுதியிருந்தீர்கள் மிகவும் மகிழ்ச்சியாக இருந்தது என்றார். எனக்கும் நீங்கள் தமிழில் எழுதியது ரொம்ப பரவசமாக இருந்தது என்றேன். அதனால் தான் சொல்கிறேன். அவரவர் தாய்மொழியில் படித்தால் என்ன எதற்காக இந்தி என்று சொன்னேன் அவர் உடனே எனது தோலை பற்றி கொண்டு சரி சரி நீங்கள் அப்படிதான் சொல்வீர்கள் என்றார் 

மேலும், தமிழகத்தை வஞ்சித்து வரும் பாஜக அரசையும் அதற்கு துணை போகும் அதிமுக அரசின் செயல்பாடுகளை விளக்கி பேசினார்.

இதையும் படிங்க: “மோடிக்காக எங்களுக்கு ஓட்டுப் போட வேண்டாம்னு சொல்லிடாதீங்க மா..” - பெண் வாக்காளர்களிடம் கெஞ்சிய திண்டுக்கல் சீனிவாசன்... ஷாக்கில் பாஜக...!