தமிழ்நாட்டில் இன்று (ஆகஸ்ட் 15) 80-ஆவது சுதந்திர தின விழா வெகு விமரிசையாகக் கொண்டாடப்பட்டது. நாடு முழுவதும் தேசியக் கொடி ஏற்றப்பட்டு, சுதந்திர உணர்வுடன் மக்கள் பங்கேற்றனர். தமிழ்நாட்டிலும் சென்னை புனித ஜார்ஜ் கோட்டையில் சிறப்பு நிகழ்ச்சி நடைபெற்றது. தமிழக வெற்றிக் கழகத் தலைவர் விஜய் முதல்முறையாக மாநில முதல்வராகப் பொறுப்பேற்று, தேசியக் கொடியை ஏற்றினார். அணிவகுப்பு மரியாதையையும் ஏற்றுக்கொண்டார்.

விஜய் அரசியல் களத்தில் இறங்கிய முதல் பொதுத் தேர்தலிலேயே வெற்றி பெற்று முதல்வர் ஆனார். இதனால் கிட்டத்தட்ட 60 ஆண்டுகளுக்குப் பிறகு திமுக அல்லது அதிமுக அல்லாத ஆட்சி தமிழ்நாட்டில் அமைந்தது. இந்த வரலாற்று முக்கியத்துவம் வாய்ந்த நிகழ்வைக் காண அவரது ரசிகர்களும் கட்சி நிர்வாகிகளும் பெரும் ஆர்வத்துடன் கோட்டைக்கு வந்திருந்தனர்.

கொடியேற்ற விழாவில் முதல்வர் விஜய்யின் தாய் ஷோபா மற்றும் தந்தை சந்திரசேகர் ஆகியோர் முதல் வரிசையில் அமர்ந்திருந்தனர். நடிகை திரிஷாவும் தனது தாயுடன் கலந்துகொண்டார். திரிஷா சந்திரசேகருக்கு அருகிலேயே அமர்ந்திருந்தார். இந்தக் காட்சி சமூக வலைதளங்களில் பரவலான கவனத்தைப் பெற்றது.

இதையும் படிங்க: ஒருபக்கம் விஜய்யின் சல்யூட்.. மறுபக்கம் த்ரிஷாவின் ரியாக்ஷன்!! ப்பா.. ஊரு கண்ணே இவங்க மேல தான்..!!

குறிப்பாக, திரிஷா காவி நிற உடையும், சந்திரசேகர் வெள்ளை நிற உடையும், ஷோபா பச்சை நிற உடையும் அணிந்திருந்தனர். இந்த மூவரின் உடை நிறங்கள் இந்தியாவின் தேசியக் கொடியின் மூன்று நிறங்களை நினைவூட்டுவதாக நெட்டிசன்கள் சுட்டிக்காட்டினர். “தேசியக் கொடி”, “தேசிய ஒருமைப்பாடு” போன்ற தலைப்புகளுடன் ‘வந்தே மாதரம்’ பாடலைப் பின்னணியில் சேர்த்து வீடியோக்களைத் தயாரித்து இன்ஸ்டாகிராம் உள்ளிட்ட தளங்களில் பதிவிட்டனர். இந்த வீடியோக்கள் வேகமாகப் பரவி வருகின்றன. பலர் அவற்றைப் பகிர்ந்து கருத்துகளைத் தெரிவித்து வருகின்றனர்.

https://www.instagram.com/reel/DcDCc_6SGEK/?utm_source=ig_embed&ig_rid=AhG0TRGYSQixNL2L3cSXRFk

விஜயின் நண்பராக அறியப்படும் திரிஷாவின் பங்கேற்பு ஏற்கனவே பல்வேறு வீடியோக்கள் மூலம் விவாதப் பொருளாகியிருந்த நிலையில், உடை நிறங்கள் குறித்த இந்தக் குறிப்பு தனிக் கவனத்தை ஈர்த்துள்ளது. சுதந்திர தினத்தின் சிறப்பையும், தேசிய ஒருமைப்பாட்டின் அடையாளத்தையும் இணைத்து மக்கள் இதைப் பாராட்டியுள்ளனர். முதல்வர் விஜயின் முதல் கொடியேற்ற விழா இவ்வாறு வரலாற்றில் நினைவுகூரத்தக்கதாக அமைந்துள்ளது.

இதையும் படிங்க: "எல்லைக் கோட்டில் அதிரும் தேசபக்தி" - அட்டாரி-வாகா எல்லையில் சுதந்திர தின பிரம்மாண்ட நடன ஒத்திகை!