அம்மா மக்கள் முன்னேற்றக் கழகத்தின் பொதுச்செயலாளர் டிடிவி தினகரன் இன்று வெளியிட்ட கருத்தில், கரூர் மாவட்டத்தில் உள்ள சமூக நீதி விடுதியில் மாணவர்களுக்கு வழங்கப்படும் உணவின் தரம் குறித்து கடும் அதிருப்தியை வெளிப்படுத்தியுள்ளார். கரூர் மாவட்டம் காந்தி கிராமத்தில் செயல்பட்டு வரும் அரசு சமூகநீதி விடுதியில் மாணவர்களுக்கு அளிக்கப்படும் உணவு தரமற்ற நிலையிலும் மிகவும் மோசமான நிலையிலும் இருப்பதாக வெளியாகியிருக்கும் காணொளி, திமுக அரசின் சமூக நீதி கொள்கையையும் அக்கறையையும் தோலுரித்துக் காட்டியுள்ளதாக அவர் சுட்டிக்காட்டியுள்ளார்.

பொருளாதாரத்தில் மிகவும் பின்தங்கிய ஏழை எளிய விளிம்புநிலை குடும்பங்களைச் சேர்ந்த மாணவர்கள் தங்கி கல்வி பயிலும் இந்த விடுதிகளில் தரமான மற்றும் சுகாதாரமான உணவைக் கூட வழங்க முடியாத நிலை நிலவுவது திமுக அரசின் அலட்சியப் போக்கை வெளிப்படுத்துவதாகவும் இது கடும் கண்டனத்திற்குரியது என்றும் தினகரன் தெரிவித்துள்ளார்.சமூக நீதி விடுதிகள் என்பது ஏழை மாணவர்களின் கல்வி வாய்ப்பை உறுதிப்படுத்தும் முக்கிய அமைப்புகளாகும்.

இந்த விடுதிகளில் தங்கும் மாணவர்கள் பெரும்பாலும் பொருளாதார ரீதியாக பின்தங்கிய குடும்பங்களைச் சேர்ந்தவர்கள். அவர்களுக்கு அடிப்படை தேவையான தரமான உணவு, சுத்தமான தங்குமிடம் மற்றும் பாதுகாப்பான சூழல் ஆகியவை வழங்கப்பட வேண்டும் என்பது அரசின் முதன்மை கடமையாகும். ஆனால் கரூர் மாவட்டத்தில் உள்ள விடுதியில் வெளியாகியிருக்கும் காணொளி, உணவின் தரம் மிகவும் மோசமாக இருப்பதை வெளிச்சம் போட்டுக் காட்டியுள்ளது. மாணவர்கள் தரமற்ற உணவை உட்கொள்ள வேண்டிய நிலை ஏற்பட்டிருப்பது அவர்களின் உடல்நலம் மற்றும் கல்வி முன்னேற்றத்திற்கு பெரும் பாதிப்பை ஏற்படுத்தும் என்பதை தினகரன் வலியுறுத்தியுள்ளார்.

இதையும் படிங்க: சிறக்கட்டும் பணி. ! தமிழக ஆசிரியர்களுக்கு தேசிய நல்ல ஆசிரியர் விருது.. டிடிவி தினகரன் பெருமிதம்..!!

இத்தகைய நிலை தொடர்வது அரசின் நிர்வாகத் திறனற்ற தன்மையை மட்டுமல்லாமல், சமூக நீதி என்ற கொள்கையின் மீதான அவமதிப்பையும் வெளிப்படுத்துவதாக அவர் கருத்து தெரிவித்துள்ளார்.சென்னை சைதாப்பேட்டையில் உள்ள எம்.சி.ராஜா சமூகநீதி விடுதியில் முதலமைச்சர் ஜோசப் விஜய்  நேரடியாக திடீரென ஆய்வு செய்து மாணவர்களுக்கு தரமான உணவு வழங்க உத்தரவிட்டதை நினைவுகூர்ந்த தினகரன், தமிழகம் முழுவதும் உள்ள சமூகநீதி விடுதிகளின் அவலநிலைகளை அவர் நேரடியாக ஆய்வு செய்வாரா என்ற கேள்வி மாணவர்கள் மத்தியில் எழுந்துள்ளதாகக் குறிப்பிட்டார்.

இதையும் படிங்க: குடிநீரில் பிளீச்சிங் பவுடர்..! ஹாஸ்பிடலில் மாணவர்கள்..! பள்ளிக்கல்வித்துறை அமைச்சரை வெளுத்துவிட்ட டிடிவி தினகரன்..!!