மேகதாது அணை விவகாரம் பல்வேறு பிரச்சனைகளை கிளப்பி வரும் நிலையில் தமிழக முதலமைச்சரின் மீதும் தமிழக வெற்றிக்கழகம் மீதும் பல்வேறு விமர்சனங்கள் வைக்கப்பட்டு வருகிறது. மேகதாது அணை தொடர்பாக கர்நாடகாவிற்கு சென்று முதல்வர் விஜய் பேசக்கூடாது என்று அழுத்தம் கொடுக்கப்பட்டு வருகிறது. இந்த நிலையில் தமிழக வெற்றிக்கழகம் மீது விமர்சனம் வைத்ததற்கு பதிலடி கொடுக்கப்பட்டு இருக்கிறது.

மேகதாது அணை விவகாரம், 2026 மே 10ஆம் தேதிக்குப் பிறகுதான் உருவானது போல உளறுகிறது, தி.மு.க. தலைமை என தமிழக வெற்றிக்கழகம் விமர்சனம் செய்திருக்கிறது. அப்படியெனில், தூங்கிக்கொண்டிருப்பது யார் என்பதற்குத் திமுக தலைமையே ஒப்புதல் வாக்குமூலம் கொடுக்கிறதுதானே எனவும் கூறியுள்ளது.

தமிழக மக்களால் தூக்கி எறியப்பட்ட பிறகும் தானே முதலமைச்சர் என்பது போல பேசுவதுதான் யதார்த்த உலகில் இருந்து indifferent ஆக இருப்பது என்பதைத் தி.மு.க. தலைமைக்கு எடுத்துச் சொல்ல வழக்கம் போல ஆளே இல்லை போல என்றும் விமர்சித்தது. ஆட்சியில் இருந்தபோது active-ஆக இருந்திருந்தால், இன்று தமிழக மக்கள் உங்களை inactive mode-க்குத் தள்ளி இருக்க மாட்டார்களே என்றும் தமிழக வெற்றி கழகம் விமர்சனங்களை முன் வைத்திருக்கிறது.

இதையும் படிங்க: மேகதாது அணை பிரச்சினை... உச்ச நீதிமன்றத்தை நாட துரைமுருகன் வலியுறுத்தல்!

யதார்த்தம் எதையும் உணராமல், ஆட்சி அதிகாரத்தை இழந்த பொறாமையில், வயிற்றெரிச்சலில், பதவி வெறியில் தி.மு.க. பிதற்றுவதை மக்கள் நன்றாகவே உணர்ந்திருக்கின்றனர். தி.மு.க.தான் இன்னும் உணராமல் இருக்கிறது என்றும் கூறப்பட்டுள்ளது

மேகதாது விவகாரம் மட்டுமல்லாமல், தமிழ்நாடு உரிமை சார்ந்த எந்த விவகாரத்திலும், தமிழக விவசாயிகள் நலன்களும் தமிழக மக்கள் நலன்களும் பாதிக்கப்பட, த.வெ.க. அரசு ஒருபோதும் இடம் கொடுக்காது எனத் திட்டவட்டமாக தெரிவிக்கப்பட்டு இருக்கிறது.

இதையும் படிங்க: தமிழ்நாட்டு மக்களை எளிதாக நினைக்க வேண்டாம்! காவிரி விவகாரத்தில் அண்ணாமலை அதிரடி!