பெட்ரோலிய ஏற்றுமதி நாடுகளின் கூட்டமைப்பான OPEC மற்றும் அதன் விரிவாக்கப்பட்ட அமைப்பான OPEC+ ஆகியவற்றிலிருந்து ஐக்கிய அரபு அமீரகம் (UAE) வெளியேறுவதாக இன்று அதிரடியாக அறிவித்துள்ளது. சுமார் 50 ஆண்டுகளுக்கும் மேலாக இந்த அமைப்பில் முக்கிய உறுப்பினராக இருந்த அமீரகத்தின் இந்த முடிவு, உலக எண்ணெய் சந்தையில் பெரும் அதிர்வலைகளை ஏற்படுத்தியுள்ளது.

அமீரகத்தின் இந்த வரலாற்றுச் சிறப்புமிக்க முடிவுக்குப் பின்னால் சில முக்கியக் காரணங்கள் இருப்பதாகக் கூறப்படுகிறது. எண்ணெய் உற்பத்தி அளவைத் தீர்மானிப்பதில் (Production Quota) சவுதி அரேபியாவுக்கும் ஐக்கிய அரபு அமீரகத்துக்கும் இடையே நீண்டகாலமாக கருத்து வேறுபாடுகள் இருந்து வந்தன. அமீரகம் தனது எண்ணெய் உற்பத்தித் திறனை அதிகரித்துள்ள நிலையில், OPEC விதித்துள்ள கட்டுப்பாடுகள் தனது பொருளாதார வளர்ச்சியைப் பாதிப்பதாக அந்த நாடு கருதுகிறது.

தற்போது நிலவி வரும் ஈரான் போர் காரணமாக, ஹார்முஸ் ஜலசந்தி (Strait of Hormuz) வழியாக எண்ணெய் கொண்டு செல்வதில் பெரும் சிக்கல்கள் எழுந்துள்ளன. இது உலகளாவிய எரிசக்தி விநியோகத்தில் பெரும் பாதிப்பை ஏற்படுத்தியுள்ள நிலையில், தனது சொந்த நலன்களைப் பாதுகாத்துக் கொள்ள அமீரகம் இந்த முடிவை எடுத்துள்ளது.

இதையும் படிங்க: தமிழகத்தில் கொளுத்தும் வெயில்! திருச்சியில் 105°F பதிவு - 11 மாவட்டங்களில் 100 டிகிரியைத் தாண்டியது வெப்பம்!

இந்த அமைப்பிலிருந்து வெளியேறுவதன் மூலம், இனி ஐக்கிய அரபு அமீரகம் மற்ற நாடுகளின் கட்டுப்பாடின்றி, தனது சந்தை நிலவரத்திற்கு ஏற்ப எண்ணெய் உற்பத்தியை சுயமாகத் தீர்மானிக்க முடியும்.

ஐக்கிய அரபு அமீரகம் உலகின் மூன்றாவது பெரிய எண்ணெய் உற்பத்தி நாடாகும். இந்த வெளியேற்றம் OPEC அமைப்பின் வலிமையைக் குறைப்பதோடு, வரும் காலங்களில் கச்சா எண்ணெய் விலையில் பெரும் ஏற்ற இறக்கங்களை உருவாக்கக்கூடும் எனப் பொருளாதார வல்லுநர்கள் கணிக்கின்றனர். குறிப்பாக, சவுதி அரேபியா தலைமையிலான OPEC நாடுகளின் பிடி தளர வாய்ப்புள்ளதாகத் தெரிகிறது.

இதையும் படிங்க: திரையுலகில் அதிரடி மோதல்: சம்பள விவகாரத்தில் தயாரிப்பாளர் - நடிகர் சங்கங்கள் இடையே ‘மல்யுத்தம்’!