தமிழக அரசியல் வரலாற்றில் 2026-ஆம் ஆண்டு ஒரு புதிய அத்தியாயத்தைப் படைக்கும் என்றும், தமிழக வெற்றிக் கழகம் வாகை சூடும் வரலாறு திரும்பப்போவது உறுதி என்றும் அக்கட்சியின் தலைவர் விஜய்  தெரிவித்துள்ளார்.

புத்தாண்டு பிறப்பையொட்டி தமிழக வெற்றிக் கழகத் தொண்டர்களுக்கும் தமிழக மக்களுக்கும் எக்ஸ் தளத்தில் அவர் விடுத்துள்ள வாழ்த்துச் செய்தி, தேர்தல் களத்திற்கான ஒரு நேரடி அறைகூவலாகவே பார்க்கப்படுகிறது. “வளமான, நலமான, பலமான தமிழகம் ஒளிரப்போகிறது” எனத் தனது அரசியல் இலக்கை அழுத்தமாகப் பதிவு செய்துள்ள விஜய், வெற்றிக் சரித்திரம் படைக்கப்போகும் அந்த உறுதியை மனதிலும் செயலிலும் ஏற்று இந்தப் புத்தாண்டை வரவேற்போம் எனத் தனது தொண்டர்களுக்கு அழைப்பு விடுத்துள்ளார்.

தமிழக வெற்றிக் கழகத்தின் தலைவர் விஜய், 2026 ஆங்கிலப் புத்தாண்டை முன்னிட்டு தனது அதிகாரப்பூர்வ சமூக வலைதளப் பக்கங்களில் ஒரு எழுச்சிகரமான வாழ்த்துச் செய்தியை வெளியிட்டுள்ளார். அதில், “தமிழக அரசியலின் நேர்மைமிகு நம்பிக்கை ஒளியாய், நாளைய தலைமுறைகளின் தலைசிறந்த வழியாய் நாமே மாறுவோம்” எனத் தனது கட்சியின் அடிப்படை அரசியல் பண்பை அவர் விவரித்துள்ளார். பிறந்துள்ள இந்த 2026-ஆம் ஆண்டு, தமிழகத் தேர்தல் அரசியல் வரலாற்றில் ஒரு புதிய அத்தியாயம் என்பதை மக்கள் நிரூபிக்கப் போவது நிச்சயம் என அவர் தனது தேர்தல் வெற்றிக் கணிப்பைத் தெரிவித்துள்ளார்.

இதையும் படிங்க: மகளிர் சக்தியால் திமுக மீண்டும் ஆட்சிக்கு வருவது உறுதி! வெல்லும் தமிழ்ப் பெண்கள் மாநாட்டில் முதலமைச்சர் பேச்சு!

“வாகை சூடும் வரலாறு திரும்பப் போகிறது; வளமான, நலமான, பலமான தமிழகம் ஒளிரப் போகிறது” எனத் தனது அறிக்கையில் குறிப்பிட்டுள்ள அவர், மக்களுடன் மக்களாக இணைந்து அதைத் தமிழக வெற்றிக் கழகம் நிகழ்த்திக் காட்டப் போகிறது எனத் தனது களப்பணி குறித்த நம்பிக்கையையும் வெளிப்படுத்தியுள்ளார். வெற்றிச் சரித்திரம் படைக்கப் போகும் அந்த உறுதியை மனதிலும் செயலிலும் ஏற்றுப் புத்தாண்டை வரவேற்போம் எனத் தனது கட்சியின் கடைக்கோடித் தொண்டன் வரை உற்சாகப்படுத்தியுள்ளார்.

சட்டமன்றத் தேர்தலை எதிர்கொள்ளும் மிக முக்கியமான ஆண்டாக 2026 பிறந்துள்ள நிலையில், விஜய்யின் இந்த வாழ்த்துச் செய்தி அரசியல் வட்டாரத்தில் பெரும் விவாதத்தை ஏற்படுத்தியுள்ளது. ஏற்கனவே கட்சியின் உட்கட்டமைப்பு மற்றும் ஊடகப் பிரிவுகளை வலுப்படுத்தி வரும் விஜய், இந்தப் புத்தாண்டு வாழ்த்து மூலம் தனது அரசியல் பயணத்தின் அடுத்த கட்டத்தை நோக்கிய வேகத்தை அதிகரித்துள்ளார். தமிழக மக்களுக்கும் கழகத் தோழர்களுக்கும் ஒளிமிக்க ஆங்கிலப் புத்தாண்டு நல்வாழ்த்துகளைக் எக்ஸ் தளத்தில் தெரிவித்துள்ளார். 

இதையும் படிங்க: தமிழக மீனவர்களின் நலன் காக்கப்படும்; இலங்கை அரசு கண்காணிக்கப்படுகிறது! மத்திய அமைச்சர் எஸ்.பி. சிங் அதிரடி உறுதி!