ஒரே போட்டியில் 7 ரெக்கார்ட்! வரலாறு படைத்த சூர்யவன்ஷி! 15 பவுண்டரிகள்! 15 சிக்சர்கள்! ரன் மழை!!

ஜிம்பாப்வேயில் நடைபெற்ற ICC ஆண்கள் U19 உலகக்கோப்பை கிரிக்கெட் தொடரின் இறுதிப்போட்டியில் இந்திய அணி இங்கிலாந்தை 100 ரன்கள் வித்தியாசத்தில் தோற்கடித்து, சாதனை எண்ணிக்கையான 6வது முறையாக சாம்பியன் பட்டத்தை வென்றது. 

ஹராரே ஸ்போர்ட்ஸ் கிளப் மைதானத்தில் நடந்த இந்த முக்கிய போட்டியில், டாஸ் வென்ற இந்திய கேப்டன் ஆயுஷ் மாத்ரே முதலில் பேட்டிங் செய்ய முடிவு செய்தார். இதில் 14 வயதான வைபவ் சூர்யவன்ஷி வெறும் 80 பந்துகளில் 175 ரன்கள் குவித்து அனைவரையும் அதிர்ச்சியடைய வைத்தார். 

அவரது இன்னிங்ஸ் 15 பவுண்டரிகள் மற்றும் 15 சிக்ஸர்களுடன் 218.75 ஸ்ட்ரைக் ரேட்டில் அமைந்தது. இதனால் இந்தியா 50 ஓவர்களில் 411/9 ரன்கள் எடுத்தது. இங்கிலாந்து அணி 311 ரன்களில் ஆல் அவுட் ஆனது.

இதையும் படிங்க: T20 உலகக் கோப்பை: இந்திய அணியில் இருந்து விலகும் ஹர்ஷித் ராணா..!! காரணம் இதுதான்..!!

வைபவ் சூர்யவன்ஷி 32 பந்துகளில் அரைசதம் அடித்தார். அதன் பிறகு அடுத்த 23 பந்துகளில் 50 ரன்கள் சேர்த்து, மொத்தம் 55 பந்துகளில் சதம் விளாசினார். இது U19 உலகக்கோப்பை வரலாற்றில் இரண்டாவது அதிவேக சதமாகும் (ஆஸ்திரேலியாவின் வில் மலாஜ்சூக் 51 பந்துகளில் சதம் அடித்த சாதனை முதலிடத்தில் உள்ளது). 

இந்திய வீரர்களில் அதிவேக சதமாகவும் இது இடம்பிடித்தது (முன்னாள் சாதனை ராஜ் அங்கத் பாவா 69 பந்துகளில் சதம் அடித்தது இடம் பெற்றுள்ளது). U19 உலகக்கோப்பை இறுதிப்போட்டியில் அதிக ரன்கள் (175) எடுத்த வீரர் என்ற பெருமையும் பெற்றார் (முன்னாள் சாதனை உன்முக்த் சந்த் 111*).

அவரது 15 சிக்ஸர்கள் இறுதிப்போட்டியில் அதிக சிக்ஸர்கள் அடித்த சாதனையாகும். தொடரில் 30க்கும் மேற்பட்ட சிக்ஸர்கள் அடித்த முதல் வீரர் என்ற சாதனையை சூர்யவன்ஷி பெற்றுள்ளார். ஒரு இன்னிங்ஸில் சிக்ஸர் மற்றும் பவுண்டரி மூலம் மட்டும் 150 ரன்கள் (boundary runs) எடுத்து சாதனை படைத்துள்ளார். 
71 பந்துகளில் 150 ரன்கள் கடந்த அதிவேக வீரர். இறுதிப்போட்டியில் 150+ ரன்கள் எடுத்த முதல் வீரர். ஒரு போட்டியில் 15 சிக்ஸர்கள் (தனது முந்தைய 14 சிக்ஸர் சாதனையை முறியடித்தது). இவ்வாறு 8 சாதனைகளை படைத்தார்.

இந்த அதிரடி ஆட்டத்தால் வைபவ் சூர்யவன்ஷி 'பிளேயர் ஆஃப் தி மேட்ச்' மற்றும் 'பிளேயர் ஆஃப் தி டூர்னமென்ட்' விருதுகளை வென்றார். தொடரில் 439 ரன்கள் எடுத்து அதிக ரன்கள் குவித்தவர். இந்தியாவின் 6வது U19 உலகக்கோப்பை வெற்றியில் அவரது இன்னிங்ஸ் மிக முக்கிய பங்காற்றியது. 

14 வயதிலேயே இத்தகைய சாதனைகளை படைத்த வைபவ், இந்திய கிரிக்கெட்டின் எதிர்கால நட்சத்திரமாக உருவெடுத்துள்ளார். ரசிகர்கள் மத்தியில் பெரும் உற்சாகத்தையும் பெருமையையும் ஏற்படுத்தியுள்ளது. இந்த வெற்றி இளம் வீரர்களுக்கு பெரும் உத்வேகமாக அமைந்துள்ளது.

இதையும் படிங்க: WPL 2026: பெங்களூரு அணி மீண்டும் சாம்பியன்! Ee Saala Cup Namdu.. மந்தனா அதிரடி!