ஐபிஎல் 2026: பஞ்சாப் அணிக்கு எதிராக 200+ ரன்கள் - மும்பை இந்தியன்ஸ் சாதனையைச் சமன் செய்தது ஐதராபாத்!

ஐபிஎல் 2026 தொடரின் நேற்றைய ஆட்டத்தில் சன்ரைசர்ஸ் ஐதராபாத் (SRH) அணி, பஞ்சாப் கிங்ஸ் (PBKS) அணிக்கு எதிராக 235 ரன்களைக் குவித்து வரலாற்றுச் சாதனை படைத்துள்ளது. இதன் மூலம் ஐபிஎல் வரலாற்றில் ஒரே அணிக்கு எதிராக அதிக முறை 200 ரன்களுக்கு மேல் எடுத்த அணிகள் பட்டியலில் மும்பை இந்தியன்ஸ் அணியின் சாதனையை ஐதராபாத் சமன் செய்துள்ளது.

ஐபிஎல் தொடரில் ஒரு குறிப்பிட்ட அணிக்கு எதிராக அதிக முறை 200 அல்லது அதற்கு மேற்பட்ட ரன்களைக் குவித்தனர்.  டெல்லி கேபிட்டல்ஸ் அணிக்கு எதிராக இதுவரை 8 முறை 200+ ரன்களை எடுத்து முதலிடத்தில் இருந்தது.

நேற்றைய போட்டியில் பஞ்சாப் அணிக்கு எதிராக 235 ரன்கள் எடுத்ததன் மூலம், அந்த அணிக்கு எதிராக 8-வது முறையாக 200 ரன்களைக் கடந்து மும்பை அணியின் சாதனையைச் சமன் செய்துள்ளது. இந்தப் பட்டியலில் ராயல் சேலஞ்சர்ஸ் பெங்களூரு (பஞ்சாப் அணிக்கு எதிராக 7 முறை) மற்றும் சென்னை சூப்பர் கிங்ஸ் (ஆர்சிபி-க்கு எதிராக 6 முறை) அடுத்தடுத்த இடங்களில் உள்ளன.

இதையும் படிங்க: டெல்லியை வீழ்த்திய சென்னை 8 விக்கெட்டுகள் வித்தியாசத்தில் சிஎஸ்கே அபார வெற்றி!

ஹைதராபாத் இராஜீவ் காந்தி மைதானத்தில் நடைபெற்ற 49-வது லீக் போட்டியில் நடந்த சுவாரசியங்கள், முதலில் ஆடிய ஐதராபாத் 20 ஓவர்களில் 4 விக்கெட் இழப்பிற்கு 235 ரன்கள் குவித்தது. ஹென்ரிச் கிளாசன் 69 (43), இஷான் கிஷன் 55 (32) மற்றும் அபிஷேக் சர்மா 35 (13) ரன்கள் எடுத்தனர்.

கடின இலக்கை நோக்கி ஆடிய பஞ்சாப் அணி 20 ஓவர்களில் 7 விக்கெட்டுகளை இழந்து 202 ரன்கள் மட்டுமே எடுத்தது. அந்த அணியின் கூப்பர் கான்னொலி (Cooper Connolly) அதிரடியாக விளையாடி 59 பந்துகளில் 107* ரன்கள் எடுத்து இறுதிவரை ஆட்டமிழக்காமல் போராடினார்.

 33 ரன்கள் வித்தியாசத்தில் வெற்றி பெற்ற சன்ரைசர்ஸ் ஐதராபாத் அணி, 14 புள்ளிகளுடன் புள்ளிப்பட்டியலில் முதலிடத்திற்கு முன்னேறியுள்ளது. 2 விக்கெட்டுகளை வீழ்த்திய கேப்டன் பேட் கம்மின்ஸ் ஆட்டநாயகனாகத் தேர்ந்தெடுக்கப்பட்டார்.

இதையும் படிங்க: ஐபிஎல் 2026: அதிரடி காட்டிய மும்பை இந்தியன்ஸ்..!! மண்ணை கவ்விய லக்னோ சூப்பர் ஜெயண்ட்ஸ்..!!