தமிழக அரசியலில் 2026 சட்டமன்றத் தேர்தல் முடிவுகள் ஒரு பெரிய அதிர்வை ஏற்படுத்தியுள்ளன. விஜய் தலைமையிலான தமிழக வெற்றி கழகம் தனது முதல் தேர்தல் அனுபவத்திலேயே 108 தொகுதிகளில் வெற்றி பெற்று தனிப்பெரும் கட்சியாக உருவெடுத்தது. பெரும்பான்மைக்கு (118 இடங்கள்) சற்று குறைவான இடங்களே கிடைத்த நிலையில், ஆட்சி அமைப்பதற்கான பேச்சுவார்த்தைகள் தீவிரமடைந்துள்ளன. இந்தச் சூழலில், இந்திய தேசிய காங்கிரஸ் கட்சி தவெகவுக்கு முழு ஆதரவு அளிப்பதாக அறிவித்துள்ளது. இது தமிழக அரசியலில் ஒரு முக்கிய திருப்புமுனையாகக் கருதப்படுகிறது.
தேர்தல் முடிவுகளுக்குப் பிறகு, தவெக தலைவர் விஜய் ஆட்சி அமைப்பதற்கான ஆதரவைத் தேடத் தொடங்கினார். காங்கிரஸ் கட்சியின் தமிழ்நாடு பிரிவு இதற்கு உடனடி நேர்மறை பதிலளித்தது. தமிழ்நாடு காங்கிரஸ் கமிட்டி ஒரு முக்கியமான ஆலோசனைக் கூட்டத்தை நடத்தி, தவெகவுக்கு ஆதரவு அளிக்க முடிவு செய்தது.
இந்த முடிவு காங்கிரஸ் கட்சியின் உயர்மட்டத் தலைமை, உள்ளிட்ட ராகுல் காந்தி, மல்லிகார்ஜுன் கார்கே போன்றோரின் ஒப்புதலுடன் எடுக்கப்பட்டதாகக் கூறப்படுகிறது. காங்கிரஸ் கட்சி தனது 5 எம்எல்ஏக்களின் ஆதரவை தவெகவுக்கு வழங்க உள்ளது. இதன் மூலம் தவெகவின் எண்ணிக்கை 113 ஆக உயரும். இன்னும் சில ஆதரவுகளைப் பெற்றால் பெரும்பான்மை எட்டப்படும்.
இதையும் படிங்க: முதல்வர் பதவி ஏற்பு நிகழ்ச்சி..! விஜயுடன் டிஐஜி தர்மராஜன் முக்கிய ஆலோசனை..!
முழு ஆதரவை தமிழக வெற்றி கழகத்திற்கு தருவதாக காங்கிரஸ் அறிவித்த நிலையில், காங்கிரஸின் நிர்வாகிகள் மற்றும் எம்எல்ஏக்கள் பனையூர் அலுவலகத்திற்கு வந்தனர். காங்கிரஸ் கொடி ஏந்தி வந்த எம்எல்ஏக்கள் உள்ளிட்ட காங்கிரஸ் கட்சியினரை ஆதவ் அர்ஜுனா, ஆனந்த் உள்ளிட்ட எம்எல்ஏக்கள் வரவேற்றனர். தொடர்ந்து தமிழக வெற்றிக்கான தலைவர் விஜயை சந்தித்து தங்களது முழு ஆதரவை தெரிவித்து உள்ளனர். விஜய்க்கு பொன்னாடை போர்த்தி கௌரவித்தனர். தங்களது ஆதரவு கடிதத்தையும் விஜயிடம் காங்கிரஸ் கட்சியினர் வழங்கினர்.
இதையும் படிங்க: TVK+ CONGRESS..! வகுப்புவாத சக்திகளை விலக்கி வைக்கணும்..! டிமாண்ட் வைத்து கூட்டணிக்குள் நுழைந்த காங்கிரஸ்..!