டெக்னோ நிறுவனம் இந்திய சந்தையில் தனது புதிய POVA Curve 2 5G ஸ்மார்ட்போனை அறிமுகம் செய்துள்ளது. இது POVA தொடரின் சமீபத்திய மாடலாகும். இந்த ஃபோன் பிரீமியம் தோற்றத்துடனும், சக்திவாய்ந்த அம்சங்களுடனும் வெளிவந்துள்ளது, குறிப்பாக பேட்டரி ஆயுள் மற்றும் டிஸ்ப்ளே தரத்தில் கவனம் செலுத்தியுள்ளது.

டிஸ்ப்ளே அம்சங்கள்:

இதில் 6.78 இன்ச் அளவிலான 1.5K ரெசல்யூஷன் கொண்ட 3D கர்வ்டு AMOLED ஸ்கிரீன் உள்ளது. 144Hz ரிஃப்ரெஷ் ரேட் கொண்ட இந்த டிஸ்ப்ளே மிகவும் மென்மையான அனுபவத்தை வழங்குகிறது. உச்ச பிரகாசம் 4500 nits வரை இருப்பதால், வெயிலில் கூட தெளிவாக பார்க்க முடியும். Corning Gorilla Glass 7i பாதுகாப்பு உள்ளது. ஸ்கிரீன்-டு-பாடி ரேஷியோ 93%க்கு மேல் உள்ளதால், பார்வைக்கு மிகவும் அழகாகத் தெரியும்.

இதையும் படிங்க: AI வேகத்துக்கு ஈடுகொடுக்க முடியலையா..?? தாராளமா வெளியே போகலாம்..!! ஊழியர்களுக்கு ஷாக் கொடுத்த கூகுள்..!!

ப்ராசஸர் மற்றும் பெர்ஃபார்மன்ஸ்:

மீடியாடெக் டிமென்சிட்டி 7100 5G சிப்செட் இதில் பொருத்தப்பட்டுள்ளது. அதிகபட்சம் 8 ஜிபி ரேம் உள்ளது, மேலும் 8 ஜிபி வரை விர்ச்சுவல் ரேம் வசதி உள்ளது. இதனால் மல்டி டாஸ்கிங் மற்றும் கேமிங் சிறப்பாக இருக்கும். ஆண்ட்ராய்டு 16 அடிப்படையிலான HiOS 16 இயங்குதளம் உள்ளது. ஆங்கிலத்துடன் தமிழ், இந்தி, பெங்காலி, குஜராத்தி, மராத்தி உள்ளிட்ட பல இந்திய மொழிகளில் பயன்படுத்தலாம்.

சிறப்பு அம்சங்கள்:

இந்தியாவில் இந்த விலை பிரிவில் முதல் முறையாக AI அடிப்படையிலான நாய்ஸ் ரிடக்ஷன் (AI Noise Reduction) வசதி அறிமுகமாகியுள்ளது. இது அழைப்புகள், வாட்ஸ்அப் கால், ஜூம் மீட்டிங் அல்லது கேமிங் போன்ற எந்த சூழலிலும் குரலை தெளிவாகக் கேட்க உதவும்.

டிசைன் மற்றும் டரபிலிட்டி:

ஸ்டார்ஷிப் உத்வேகம் பெற்ற டிசைன் கொண்ட இது மிகவும் ஸ்லிம் ஆக 7.42 மில்லிமீட்டர் தடிமன் மட்டுமே கொண்டுள்ளது. எடை வெறும் 195 கிராம். IP64 டஸ்ட் மற்றும் ஸ்பிளாஷ் ரெசிஸ்டண்ட் வசதி உள்ளது. மிஸ்டிக் பர்ப்பிள், ஸ்டார்ம் டைட்டானியம், மெல்டிங் சில்வர் ஆகிய மூன்று அழகிய நிறங்களில் கிடைக்கிறது.

பேட்டரி மற்றும் சார்ஜிங்:

8000mAh கொள்ளளவு கொண்ட பேட்டரி உள்ளது, இது நீண்ட நேரம் பயன்படுத்த உதவும். 45W ஃபாஸ்ட் சார்ஜிங் வசதி மூலம் விரைவாக சார்ஜ் செய்யலாம்.

விலை மற்றும் விற்பனை:

8 ஜிபி ரேம் + 128 ஜிபி ஸ்டோரேஜ் மாடல் ரூ.27,999-க்கும், 8 ஜிபி ரேம் + 256 ஜிபி ஸ்டோரேஜ் மாடல் ரூ.29,999-க்கும் விலை நிர்ணயம் செய்யப்பட்டுள்ளது. ப்ளிப்கார்ட் மற்றும் முன்னணி ரீடெயில் ஸ்டோர்களில் வரும் பிப்ரவரி 20ஆம் தேதி முதல் விற்பனை தொடங்குகிறது. முன்பதிவு ஏற்கனவே நடைபெற்று வருகிறது.

அறிமுக சலுகையாக ரூ.1,500 உடனடி தள்ளுபடி, மேலும் 3/6 மாத வட்டியில்லா EMI-யில் ரூ.3,000 வரை கேஷ்பேக் வழங்கப்படுகிறது.இந்த ஸ்மார்ட்போன் பேட்டரி ஆயுள், டிஸ்ப்ளே தரம், ஸ்லிம் டிசைன் ஆகியவற்றில் சிறப்பாக உள்ளது. மிட்-ரேஞ்ச் பிரிவில் போட்டியாளர்களை சவால் விடும் வகையில் டெக்னோ இதை அறிமுகம் செய்துள்ளது.

இதையும் படிங்க: பைக் லவ்வர்ஸ்களுக்கு அசத்தல் அப்டேட்..!! ரூ.1.94 லட்சத்தில் 2026 KTM டியூக் 200 அறிமுகம்..!!