தமிழ் சினிமாவில் “ஜெயம்” படம் மூலம் ஹீரோயினாக அறிமுகமாகி புகழ் பெற்ற நடிகை சதா, தற்போது திரைப்பட உலகில் இருந்து விலகி வனவிலங்குகள் மற்றும் இயற்கை புகைப்படக்கலையில் அதிக ஈடுபாடு கொண்டவராக மாறி இருக்கிறார். சமீப காலமாக திரைத்துறையில் அவர் பங்கேற்காமல் இருந்தாலும், சமூக மற்றும் விலங்குகள் நலனுக்காக அவர் எடுத்துவரும் முயற்சிகள் சமூக வலைத்தளங்களில் பெரும் வரவேற்பைப் பெற்றுவருகின்றன. இந்த நிலையில், தெருநாய்கள் குறித்து இந்திய உச்சநீதிமன்றம் எடுத்த தீர்ப்பு சமூகத்தில் பலவிதமான எதிர்வினைகளை ஏற்படுத்தியுள்ளது.

இதையும் படிங்க: வாழ்க்கையை ஜாலியாக அனுபவிக்கும் நடிகை சான்வி மேக்னா..! லுக் லைக் போட்டோஸ் இதோ..!

அந்த தீர்ப்பின்படி, நகரங்கள் மற்றும் கிராமப்புறங்களில் உள்ள அனைத்து தெருநாய்களையும் பிடித்து, பாதுகாப்புக் காப்பகங்களில் அடைத்து வைக்கவேண்டும் என கூறப்பட்டுள்ளது. இதனால் தெருநாய்களின் இயற்கை வாழ்க்கை முறைக்கும், சமூகத்தில் அவர்களின் நிலைக்கும் பெரும் பாதிப்பு ஏற்படும் என பலர் ஆழ்ந்த கவலை தெரிவித்துள்ளனர். இந்த முடிவின் தாக்கத்தை உணர்ந்து, உணர்வுப்பூர்வமாக கண்கலங்கிய நிலையில் சதா, ஒரு வீடியோவின் மூலம் தனது மனவேதனையை வெளிப்படுத்தியுள்ளார். அந்த வீடியோ தற்போது இணையத்தில் வேகமாக பரவி வருவதோடு, பலரது கவனத்தையும் பெற்றுள்ளது. அந்த வீடியோவில் நிஜமான வேதனையுடன் கண்ணீர்விட்டபடி பேசும் சதா, தெருநாய்கள் மீது தீர்மானம் எடுக்கும் முன், அவற்றின் வாழ்க்கை முறை, சமுதாயத்தில் அவர்களின் பங்களிப்பு ஆகியவற்றை மதிக்க வேண்டும் என வலியுறுத்துகிறார்.

அதில், "இவர்கள் குற்றவாளிகளா? தெருநாய்கள் சாலைகளில் வாழ்ந்ததற்காக அவற்றை சிறையில் அடைப்பது நியாயமா? நாம் அவர்களுக்கு உணவு கொடுக்க வேண்டியவர்கள், தண்டனை கொடுக்க வேண்டியவர்கள் அல்ல.. மேலும் தெருநாய்கள் இவ்வளவு நாட்களாக இந்நாட்டின் ஒரு பகுதியாகவே இருந்துள்ளனர். அவர்களுக்கு உறவுகள் இருக்கின்றன, பாசமும் உண்டு. அவர்களை தனியாக ஏதோ ஒடுக்கப்படும் சமூகமாக கையாளவேண்டாம்" என அவர் கேட்டுக்கொண்டார். வீடியோவில் அவர் பேசும் போது, அழுகையும், அவர் உண்மையாகவே இதை மனதுடனும், பாசத்துடனும் பேசுகிறார் என்பதைக் காட்டுகிறது. சதாவின் வீடியோ வெளியானதற்குப் பிறகு, பலரும் அவருக்கு ஆதரவாக கருத்து தெரிவித்துள்ளனர். இந்த சூழலில் உச்சநீதிமன்றம் எடுத்த தீர்ப்பின் நோக்கம் தெருநாய்கள் காரணமாக ஏற்படும் சாலை விபத்துகள், ஹெல்த் ஹாசர்ட்ஸ், மற்றும் மக்கள் மீதான தாக்கங்களை கட்டுப்படுத்துவதே என்று அரசு தரப்பில் விளக்கப்பட்டது. ஆனால், விலங்கு நலவாதிகள், சமூக செயற்பாட்டாளர்கள் மற்றும் விலங்கு பாதுகாப்பு அமைப்புகள் இந்த தீர்ப்பு உணர்ச்சி ரீதியாகவும், உயிர்களின் உரிமை ரீதியாகவும் மோசமானது என தெரிவித்துள்ளனர்.

actress sadha cries for stray dogs - video - click here

இது குறித்து அவர்கள் கூறும் பொழுது, "தெருநாய்களை கட்டுப்படுத்தும் பெயரில் அவர்கள் மீது துன்புறுத்தல் கூட கூடாது" என வலியுறுத்தி வருகின்றனர். இந்த வழக்கு பல ஆண்டுகளாக நீடித்து வருகிறது. பல மாநிலங்களில் தெருநாய்கள் குறித்த பீதி, மக்கள் மீதான தாக்கம், குழந்தைகள் மீதான தாக்கங்கள் போன்ற சம்பவங்கள் பின்னணியாக இருந்து வந்தாலும், சில சமூக செயற்பாட்டாளர்கள் வழக்கு தொடர்ந்தனர். அந்த வழக்கின் இறுதி கட்டத்தில் வந்த தீர்ப்புதான் தற்போது சதா உள்ளிட்ட பலரை மனவேதனையில் ஆழ்த்தியுள்ளது. சதா, ஒரு நடிகை மட்டுமல்ல. Wildlife conservation, vegan lifestyle, animal rescue, போன்ற சமூகத்திற்கான பணிகளில் அவ்வப்போது பங்கேற்று வருகிறார். பிரபலமான “Vegan India Movement” என்பதிலும் அவர் தனது ஆதரவை பதிவு செய்துள்ளார். வனவிலங்குகள் குறித்த புகைப்படக் கண்காட்சிகள், விழிப்புணர்வு நிகழ்ச்சிகள் மற்றும் விலங்குகளுக்கான மருத்துவ முகாம்களிலும் அவர் கலந்து கொள்கிறார். எனவே சதா வெளியிட்ட வீடியோ ஒரு நடிகையின் கண்களில் இருந்து வெளியான கண்ணீர்தான்.

ஆனால் அது ஒரு சமூகத்தின் மனதிலிருந்து வெளிப்படும் உணர்வு, அக்கறை, வருத்தம், கோபம் ஆகியவற்றின் பிரதிபலிப்பு. தெருநாய்கள் குறித்த தீர்ப்பு சட்ட ரீதியாக சரியாக இருந்தாலும், மனித நேயமாகவும் சமூக எதிர்வினைகளைக் கருத்தில் கொண்டு மீண்டும் மதிப்பீடு செய்யப்பட வேண்டியதேனும் தேவை உள்ளது. 

இதையும் படிங்க: வெள்ளை நிற உடையில்.. கிளாமர் லுக்கில் நடிகை அதுல்யா ரவி..!