தமிழ் சினிமாவில் கடந்த சில ஆண்டுகளில் உருவாகியுள்ள புதிய தலைமுறை இயக்குனர்கள் மற்றும் நடிகர்களில் குறிப்பிடத்தக்க பெயராக திகழ்கிறார் பிரதீப் ரங்கநாதன். அவர் இயக்கிய ‘கோமாளி’ திரைப்படம் வெற்றியடைய மட்டுமின்றி, தமிழ் திரையுலகில் புதிய நகைச்சுவை பாணியை அறிமுகப்படுத்தியது. அதன் பிறகு, அவர் இயக்குனராக மட்டுமல்லாமல், நடிகராகவும் தன்னை நிரூபித்துள்ளார். சமீபத்தில் அவரது நடிப்பில் வெளியான ‘டிராகன்’ படம் ரசிகர்களிடையே பெரும் வரவேற்பைப் பெற்றது.

அதில் பிரதீப்பின் நடிப்பு, காமெடி டைமிங் மற்றும் கதாபாத்திரம் தேர்வு என அனைத்தும் பாராட்டப்பட்டது. இப்போது, அவர் நடித்து இருக்கும் அடுத்த திரைப்படம் ‘டியூட்’. இது ரசிகர்கள் மத்தியில் மிகுந்த எதிர்பார்ப்பை உருவாக்கியுள்ளது. குறிப்பாக மைத்ரீ மூவி மேக்கர்ஸ் நிறுவனம் தயாரித்துள்ள இந்தப் படம், முழுக்க காமெடி மற்றும் காதல் கலந்த ரொமான்டிக் என்டர்டெயின்மென்ட் ஆகும். இந்த படத்தை கீர்த்திஸ்வரன் இயக்கியுள்ளார், இவர் இதற்கு முன்பு பல பிரபலமான இயக்குனர்களிடம் உதவி இயக்குனராகப் பணியாற்றியவர். அவரது திரைக்கதை பாணி இளைஞர்களின் ரசனைக்கு ஏற்ப நகைச்சுவையும் உணர்ச்சியும் இணைந்ததாக அமைந்துள்ளது. இந்த படத்தில் பிரதீப் ரங்கநாதனுக்கு ஜோடியாக இளம் நடிகை மமிதா பைஜு நடித்து இருக்கிறார். இவர் சமீபத்தில் பல தென்னிந்திய படங்களில் நடித்து வருகிறார். மேலும் ‘டியூட்’ திரைப்படத்தில் பிரதீப் ரங்கநாதன் ஒரு சுறுசுறுப்பான இளம் நாயகனாக நடித்துள்ளார். கதை காதலும் நட்பும் நகைச்சுவையும் கலந்த ஒரு நகர்ப்புற இளைஞனின் வாழ்க்கையை மையமாகக் கொண்டுள்ளது.

படத்தில் மூத்த நடிகர் சரத்குமார் முக்கியமான கதாபாத்திரத்தில் நடித்துள்ளார். அவரின் கதாபாத்திரம் படம் முழுவதும் திருப்புமுனையாக அமையும் என கூறப்படுகிறது. இசையமைப்பாளராக சாய் அபயங்கர் பணியாற்றியுள்ளார். இவர் தற்போது அட்லீ – அல்லு அர்ஜுன் இணையும் AA22xA6 என்ற பிரம்மாண்ட படத்திற்கும் இசையமைப்பாளராக பணியாற்றுகிறார். எனவே ‘டியூட்’ படத்தின் பாடல்கள் மற்றும் பின்புல இசைக்கு ரசிகர்களிடையே ஏற்கனவே பெரும் எதிர்பார்ப்பு நிலவுகிறது. படத்தின் ஒளிப்பதிவை பாலாஜி குமார் மேற்கொண்டுள்ளார். எடிட்டராக ரூபன் சாய் பணியாற்றியுள்ளார். இப்படிப்பட்ட ‘டியூட்’ திரைப்படத்தின் டிரெய்லர் வெளியீட்டு விழா  சென்னையில் கோலாகலமாக நடைபெற்றது. விழாவில் படத்தின் இயக்குனர் கீர்த்திஸ்வரன், தயாரிப்பாளர் ரவி சங்கர், இசையமைப்பாளர் சாய் அபயங்கர், நடிகர் பிரதீப் ரங்கநாதன், மற்றும் பிற தொழில்நுட்பக் குழுவினர்கள் கலந்து கொண்டனர். ஆனால், படத்தின் நாயகி மமிதா பைஜு ஒரு வெளிநாட்டு படப்பிடிப்பில் பங்கேற்று வருவதால், அவர் விழாவில் கலந்து கொள்ள முடியவில்லை. எனினும் அவர் வீடியோ மூலம் தனது நன்றியை தெரிவித்தார். டிரெய்லர் வெளியானதும் ரசிகர்கள் பெரும் உற்சாகத்துடன் அனைவரையும் வரவேற்றனர்.

இதையும் படிங்க: காதலில் ஹார்ட்... fight-ல ஸ்மார்ட்..! தெறிக்கவிடும் நடிகை அனுபமா பரமேஸ்வரனின் "தி பெட் டிடெக்டிவ்" ட்ரெய்லர் ரிலீஸ்..!

டிரெய்லரில் பிரதீப்பின் நகைச்சுவை, சாய் அபயங்கரின் இசை மற்றும் சரத் குமாரின் வலுவான காட்சிகள் ரசிகர்களை கவர்ந்தன. விழாவில் பேசிய படத்தின் தயாரிப்பாளர் ரவி சங்கர், “நான் இந்தப் படத்தை முழுவதும் பார்த்தேன். அது அசாதாரணமாக இருந்தது. இப்படம் ‘சூப்பர் டூப்பர் ஹிட்’ ஆகும் என்று நான் நம்புகிறேன். டிரெய்லரைத் தவிர, இதில் பல சுவாரஸ்யமான திருப்பங்கள் உள்ளன. ரசிகர்கள் அதை கண்டிப்பாக ரசிப்பார்கள். இந்தப் படம், நகைச்சுவை மற்றும் உணர்ச்சி இரண்டையும் சேர்த்து குடும்பம் முழுவதும் ரசிக்கக்கூடிய வகையில் உருவாகியுள்ளது. தயாரிப்பாளர், விநியோகஸ்தர், ரசிகர்கள் என அனைவரும் இதன் மூலம் மகிழ்ச்சியடைவார்கள்” என்றார். அவரது உரை ரசிகர்களாலும் தொழில்நுட்ப வட்டாரங்களாலும் பெரிதும் பாராட்டப்பட்டது. அத்துடன் ‘டியூட்’ படம் ஒரு முழு காமெடி கலந்த ரொமான்ஸ் திரைப்படமாக வரவிருக்கிறது.

கீர்த்திஸ்வரன் இயக்கத்தில் உருவான இந்தப் படம், இளம் தலைமுறையை குறிவைத்து எழுதப்பட்ட நகைச்சுவை நிறைந்த கதையாகும். படத்தின் இசை, டயலாக், மற்றும் பிரதீப்பின் கேரக்டர் டிசைன் ஆகியவை படத்தின் பலமாக இருக்கும் என கூறப்படுகிறது.  இப்படி இருக்க இயக்குனர் கீர்த்திஸ்வரன் பேசுகையில், “பிரதீப் ஒரு இயல்பான காமெடி டைமிங் கொண்ட நடிகர். அவர் எந்த காட்சியையும் உயிரோட்டமாக்க முடியும். இந்தப் படம் அவரின்  நடிப்புத் திறனையும் ரசிகர்களுடனான தொடர்பையும் இன்னும் வலுப்படுத்தும்” என்றார். இப்படிப்பட்ட ‘டியூட்’ திரைப்படம் வரும் அக்டோபர் 17-ம் தேதி திரையரங்குகளில் வெளியாகிறது. படம் பண்டிகை காலத்துக்கு முன்பாக வெளியாவதால், ரசிகர்களிடம் பெரும் எதிர்பார்ப்பு நிலவுகிறது. படத்தின் டிரெய்லர் வெளியான சில மணி நேரங்களிலேயே யூடியூபில் ஒரு மில்லியனுக்கும் மேற்பட்ட பார்வைகளைப் பெற்றது.  

இப்படிப்பட்ட ‘டியூட்’ திரைப்படத்துடன் இணைந்து, பிரதீப் ரங்கநாதனின் மற்றொரு முக்கியமான படம் ‘லவ் இன்சூரன்ஸ் கம்பெனி’ வெளியாக உள்ளது. அந்தப் படம் விக்னேஷ் சிவன் இயக்கத்தில் உருவாகியுள்ளது, டிசம்பர் 18 ஆம் தேதி வெளியிட திட்டமிடப்பட்டுள்ளது. இதன் மூலம் பிரதீப், தொடர்ந்து இரண்டு மாதங்களில் இரண்டு படங்களை வெளியிடும் நடிகராக சாதனை படைக்கிறார். ஆகவே நடிகர் பிரதீப் ரங்கநாதன், இயக்குனராக ஆரம்பித்து இன்று முன்னணி இளம் ஹீரோவாக திகழ்கிறார். ‘டியூட்’ திரைப்படம் அவரது கேரியரில் ஒரு முக்கிய மைல்கல்லாக அமையும் என ரசிகர்களும் விமர்சகர்களும் நம்புகின்றனர்.

குறிப்பாக மைத்ரீ மூவி மேக்கர்ஸ் தயாரிப்பில், கீர்த்திஸ்வரன் இயக்கத்தில் உருவாகியுள்ள இந்தக் காமெடி கலந்த ரொமான்ஸ் படம், ரசிகர்களை நிச்சயமாக சிரிப்பில் மூழ்கடிக்கும். எனவே வருகிற அக்டோபர் 17 அன்று வெளியாகும் ‘டியூட்’, பண்டிகை காலத்தை மகிழ்ச்சியாக்கும் என எதிர்பார்க்கப்படுகிறது.

இதையும் படிங்க: ஜூஸ் குடிக்க கூட நேரமில்லை..'மூன்று' மொழிகளில் 'ஐந்து' படம்..! மாஸ் காட்டும் கவர்ச்சி நடிகை கயாடு லோகர்..!