WWE உலகப் புகழ் பெற்ற ரெஸ்லிங் வீரர் மற்றும் ஹாலிவுட் நடிகர் ஜான் சினா, இன்று உலகம் முழுக்க கோடிக்கணக்கான ரசிகர்களை கொண்டவர். ‘You can’t see me’ என்ற அவரது பிரபல வசனம் குழந்தைகளிலிருந்து பெரியவர்கள்வரை அனைவராலும் அறியப்படும் ஒரு கலாச்சார சின்னமாகவே மாறியுள்ளது. அதே நேரத்தில், இந்தியாவிலும் அவருக்கு ரசிகர்கள் கூட்டம் குறைவில்லை.

பலரும் அவரை WWE மூலம் அறிந்திருந்தாலும், தற்போது அவர் சமூக வலைத்தளங்களில் பகிர்ந்த ஒரு பதிவே இந்திய ரசிகர்களிடையே பெரிய பரபரப்பை ஏற்படுத்தியுள்ளது. இப்படி இருக்க சமீபத்தில், ஜான் சினா தனது எக்ஸ் பக்கத்தில் இந்திய நடிகர் ஷாருக் கான் குறித்து ஒரு சிறப்பு பதிவு வெளியிட்டுள்ளார். இது ஒரு ரசிகர் கேள்விக்குப் பதிலாக வந்தது. ஒரு ரசிகர் ஜான் சினாவிடம், “நீங்கள் ஷாருக் கானை சந்தித்ததுண்டா? அவர் பற்றிய உங்கள் கருத்து என்ன?” என்று கேட்டார். அதற்கு ஷாருக் கான் தன் பக்கம் இருந்து பதில் அளித்துள்ளார், “அவர் ஒரு ராக் ஸ்டார் போன்றவர். மிகவும் தாழ்மையானவரும், கருணையுள்ளவரும் ஆவார்.” என்றார். இந்த பதில் சமூக வலைத்தளங்களில் மிகுந்த வரவேற்பைப் பெற்றது.

ஆனால் ஜான் சினாவின் பதில் – “அவரது நன்மையையும் உரையாடலையும் மறக்கமாட்டேன்” என்றார். அதனைத் தொடர்ந்து ஜான் சினா, ஷாருக் கானின் பதிலுக்கு நெகிழ்ச்சியுடன் பதில் அளித்தார். அவர் தனது எக்ஸ் கணக்கில் பதிவிட்டது,  “உங்கள் நன்மையையும் நம் உரையாடலையும் நான் ஒருபோதும் மறக்கமாட்டேன். எனக்கு தனிப்பட்ட முறையிலும், உங்கள் உலகம் முழுவதும் உள்ள ரசிகர்களுக்கும் நீங்கள் அளிக்கும் தொடர்ந்த ஊக்கத்திற்குப் நன்றி” என பதிவிட்டார்.

இதையும் படிங்க: சிம்ரன்.. என்ன இது புது பழக்கம்..! முதல் முறையாக போஸ்டர் எல்லாம்.. படம் அட்டகாசமாக இருக்குமோ..!

இந்த பதிவை ஜான் சினா பகிர்ந்த சில நிமிடங்களிலேயே ஆயிரக்கணக்கான லைக்குகள், ரீட்வீட்டுகள் குவிந்தன. இந்த ட்விட்டர் உரையாடல் வெளியாகியதும் உலகம் முழுக்க உள்ள ரசிகர்கள் மிகுந்த உற்சாகத்துடன் பதிலளித்தனர். இந்திய ரசிகர்கள், “இது இரண்டு உலக நட்சத்திரங்களின் இணைப்பு” எனக் கூறி பதிவுகளை பகிர்ந்தனர். இது முதல் முறை அல்ல ஜான் சினா இந்தியாவை அல்லது இந்திய கலைஞர்களை பற்றி பேசுவது. முன்பும் அவர் விராட் கோஹ்லி, மகாத்மா காந்தி போன்றோரின் மேற்கோள்களை பகிர்ந்திருந்தார். அவர் பலமுறை தனது இன்ஸ்டாகிராம் பக்கத்தில் இந்திய பிரபலங்களின் புகைப்படங்களையும், சில சமயம் யோகா மற்றும் இந்திய கலாச்சாரத்தைப் பற்றிய பதிவுகளையும் பகிர்ந்து வருகிறார்.

ஷாருக் கான் தற்போது உலகளாவிய ரசிகர் வட்டத்தை வைத்திருக்கும் சில இந்திய நடிகர்களில் முன்னணியில் உள்ளார். ‘பாத்தான்’ மற்றும் ‘ஜவான்’ படங்களுக்குப் பிறகு, அவரது புகழ் மேலும் உயர்ந்தது. அவர் ஒரு பேட்டியில், “நான் எங்கு சென்றாலும், இந்தியாவின் பிரதிநிதியாகவே பார்க்கப்படுகிறேன். அதில் பெருமை கொள்கிறேன்” என்றார். ஜான் சினா போன்ற உலக நாயகன் ஒருவரிடமிருந்து நேரடியான பாராட்டு வருவது, ஷாருக் கானின் உலகளாவிய செல்வாக்கை மேலும் வலுப்படுத்துகிறது. பல வெளிநாட்டு மீடியா தளங்களும் இந்த செய்தியை வெளியிட்டுள்ளன.

 ஆகவே ஜான் சினா மற்றும் ஷாருக் கான் இடையேயான இந்த சிறிய ஆனால் மனமார்ந்த உரையாடல், உலக கலாச்சாரத்தின் அழகை வெளிப்படுத்துகிறது.  அது ரெஸ்லிங் ரிங்கில் துவங்கி, பாலிவுட் திரை உலகில் முடிவதல்ல; மனிதர்களுக்கிடையிலான அன்பும் மரியாதையும் எல்லை கடந்ததாக இருப்பதை நிரூபிக்கிறது.
 

இதையும் படிங்க: ‘ஒருவர் மட்டும் பொறுப்பல்ல, நாம் அனைவரும்’..!! கரூர் கூட்ட நெரிசல் சம்பவம் பற்றி 'AK' நெத்தியடி பேச்சு..!!