திரைத்துறையில் மட்டுமல்லாது, அரசியலிலும் விவாதிக்கப்படும் ஒன்றாக மாறியிருக்கிறார் நடிகை நிதி அகர்வால். சமீபத்தில் நடந்த ஒரு நிகழ்ச்சிக்காக ஆந்தர பிரதேச அரசு வாகனத்தில் சென்ற சம்பவம், சமூக ஊடகங்களில் பெரும் பரபரப்பை ஏற்படுத்தியது. ஒரு பொது மகளாகவும், அரசுப் பதவி ஏதும் இல்லாதவராகவும் இருந்தபடியே அரசு வாகனத்தில் பயணம் செய்ததற்காக அவர் மீது கடுமையான விமர்சனங்கள் குவிந்தன. இதற்கிடையில், நிதியின் விளக்கமும், அவரது சமீபத்திய செயல்பாடுகளும், திரையுலகத்தில் தற்போது அவர் எதிர்கொண்வரும் சிக்கல்களையும், முன்னெடுக்கும் பாதைகளையும் விமர்சனங்களுக்கு உள்ளாக்கி வருகிறது.

சில வாரங்களுக்கு முன், ஐதராபாத்தில் நடைபெற்ற ஒரு தனியார் நிகழ்ச்சிக்கு, நடிகை நிதி அகர்வால் 'Government of Andhra Pradesh' என பதிக்கப்பட்ட VIP கார் ஒன்றில் வருகை தந்தார். நிகழ்ச்சியில் பங்கேற்ற பொதுமக்கள் மற்றும் ஊடகங்கள் இதைப் பதிவுசெய்து சமூக வலைதளங்களில் வெளியிட்டதும், இந்த வீடியோ வைரலாக பரவியது. அதன் பிறகு “நிதி அகர்வால் அரசுப் பணியாளரா?”, “எந்த அதிகாரத்தில் அரசு வாகனம் அவருக்கு வழங்கப்பட்டது?”, “இந்திய வரி செலுத்துபவர்களின் பணம் இவ்வாறு உள்ளவர்களுக்கு வீணாக்கப்படுகிறதா?” என்பன போன்ற கேள்விகள் சமூக வலைதளங்களில் வலம் வந்தன. சமூக ஆர்வலர்கள், அரசியல் விமர்சகர்கள் மற்றும் பொது மக்களும் இதில் தங்களது கண்டனங்களைத் தெரிவித்தனர். பெரும் எதிர்மறையான விமர்சனங்களை எதிர்கொண்ட நடிகை நிதி அகர்வால், இதுபற்றிய விளக்கத்துடன் சமாதானம் கூற முயன்றார்.

அப்போது பேசுகையில், "அந்த நிகழ்ச்சிக்காக வாகனத்தை ஏற்பாடு செய்தவர்கள் நிகழ்ச்சி ஏற்பாட்டாளர்களே. அந்த வாகனம் அரசு வாகனமாக இருக்கிறது என்பதை எனக்கு நிகழ்ச்சிக்கு போன பின் தான் தெரியவந்தது. நான் இவ்வாறு அரசு வசதிகளை பயன்படுத்த வில்லை, எனக்கு அதற்கும் எந்த சம்மந்தமும் இல்லை" என அவர் கூறினார். இதன் மூலம் சர்ச்சையை சற்று அவர் முடிக்க நினைத்தாலும், அந்த வீடியோ சமூகத்தில் ஏற்கனவே ஒரு வகையான மனநிலை மாற்றத்தை ஏற்படுத்தியதால், பலரது எதிர்வினைகள் தொடர்ந்தே வந்த வண்ணம் உள்ளது. இந்த சூழலில், இந்த சம்பவத்துக்குப் பிறகு, நிதி அகர்வால் எந்த ஒரு விழா, விழாக்கோலம், விளம்பர நிகழ்ச்சி, திரைப்பட வேலைக்காக வெளியே சென்றாலும் அவருடைய சொந்த காரிலேயே பயணம் செய்யத் தொடங்கியுள்ளார். அதாவது, நிகழ்ச்சி ஏற்பாட்டாளர்கள் ஏற்பாடு செய்யும் வாகனங்களைத் தவிர்த்து, தனக்கு சொந்தமான வாகனங்களை மட்டுமே பயன்படுத்த அவர் திட்டமிட்டுள்ளதாகத் தெரிகிறது. மேலும் அவரது நெருங்கிய வட்டாரங்களில் நடக்கும் உரையாடல்களில், நிதி கூறியதாகக்  ஒரு விஷயம் வைரலாகி வருகிறது.

இதையும் படிங்க: "கூலி" படத்தை இணையத்தில் சிதற விட்ட சிறுவண்டுகள்..! அதிர்ச்சியில் படக்குழு..!

அதில், "நமக்கு நேரம் சரியில்லை போலிருக்கிறது. அதனால் புதிய பிரச்சனைகளில் சிக்கிக்கொள்ள விரும்பவில்லை. தற்போது என்னால் முடிந்தவரை எல்லா விஷயத்திலும் மிகவும் உஷாராக இருக்க முயற்சி செய்கிறேன்" என புலம்பியதாக கூறப்படுகிறது. நிதி அகர்வால் மீது சமீப காலமாக சமூக வலைதளங்களில் அதிகமான விமர்சனங்கள் காணப்படுகிறது. இதற்கான முக்கிய காரணமாக ‘ஹரிஹர வீரமல்லு’ திரைப்படத்தில் பவன் கல்யாணுக்கு ஜோடியாக நடித்து இருந்ததையே கூறலாம். அந்த படத்தின் அறிவிப்பில் இருந்தே, நிதியின் சமூக மற்றும் அரசியல் விமர்சனங்கள் அதிகரித்து வந்தன. பவன் கல்யாண் ஆந்திரப் பிரதேசத்தில் துணை முதல்-மந்திரியாக பதவியேற்ற பிறகு, அவரது நெருக்கமானவர்களாக திரைப்பட ஜோடிகள் பார்வையிடப்படுவதும் சாதாரணமல்லாத அளவுக்கு பேசப்பட்டுவந்தது. இந்தப் பின்னணியில், நிதியின் அரசு வாகன பயணம் சற்றே தீவிர விமர்சனங்களை தூண்டியது என்பது குறிப்பிடத்தக்கது. இந்நிலையில், நிதி அகர்வால் தற்போது எந்த புதிய திரைப்படங்களிலும் ஒரு வகையான பின்வாங்கும் நிலைமை காட்டுகிறார் என திரையுலக வட்டாரங்கள் தெரிவிக்கின்றன. சமூகத்திலிருந்து எதிர்வினைகள் வரும் அபாயம் மற்றும் அரசியல்நிலைமை பிரச்சினைகள் காரணமாக, சில தயாரிப்பாளர்கள் முன்வந்த ஒப்பந்தங்களை மீள பரிசீலிக்கத் தொடங்கியுள்ளனர். தான் ஒப்பந்தமாக இருந்த சில விளம்பரங்களிலிருந்தும் விலகியதாகவும் செய்திகள் வெளிவந்துள்ளன.  மேலும், இந்த வாகன சர்ச்சையைத் தொடர்ந்து, அவர் தற்போது சமூக வேலைகளிலும் அதிக ஈடுபாடு காட்ட முயற்சி செய்கிறார். சில அறக்கட்டளை நிகழ்ச்சிகளில் கலந்து கொள்வதன் மூலம், தன்னுடைய பொது நிலைப்பாட்டை மீண்டும் நிலைநாட்டும் முயற்சிகளில் ஈடுபட்டு வருகிறார்.

ஆகவே நிதி அகர்வால் தற்போது ஒரு புதிய கட்டத்தில் நுழைந்துள்ளார். வெறும் நடிகையாக இருந்தவர், தற்போது அரசியலைச் சுற்றிய சர்ச்சைகளில் சிக்கிய பிரபலமாக மாறியுள்ளார். இது ஒரு வகையான பொது வாழ்க்கை மற்றும் அரசியல் தொடர்புகளின் இடைமுகமாக பார்க்கப்படலாம். 

இதையும் படிங்க: நீதித்துறை மீது நம்பிக்கை வையுங்கள்.. நடிகை ரம்யா பரபரப்பு கருத்து..!!