தென்னிந்திய திரையுலகில் தனது தனித்துவமான நடிப்பால் மட்டுமல்லாமல், அழகிய தோற்றத்தாலும் ரசிகர்களை ஈர்த்தவர் நடிகை ரகுல் பிரீத் சிங். தமிழ், தெலுங்கு, இந்தி என மொழி பாராமல் தனது திறமையை பல்வேறு படங்களில் வெளிப்படுத்தியிருக்கிறார். தற்போது, இவர் தனக்கென ஒரு தனித்தன்மையான இடத்தைப் பெற்றுள்ளார். வெற்றி நாயகியாகவும், ஸ்டைல் அழகியாகவும் திகழும் ரகுல், கடந்த காலங்களில் நடிகர் ஜாக்கி பக்னானியுடன் காதலில் இருந்ததை வெளிப்படையாக கூறியிருந்தார்.

பிரபலங்களின் காதல் விவகாரங்கள் பெரும்பாலும் ஊகங்களாகவே சமூக வலைதளங்களில் பரவி வருகின்றன. ஆனால் ரகுல் மற்றும் ஜாக்கி ஜோடி, தங்களது உறவினை உறுதிப்படுத்தி, மிகவும் எளிமையாகவும் அழகாகவும் திருமணமனம் செய்து கொண்டனர். 2024-ம் ஆண்டு, மிகுந்த வரவேற்பு மற்றும் ரசிகர்களின் வாழ்த்துகளோடு ஜாக்கி பக்னானியுடன் திருமணம் செய்துகொண்ட ரகுல், திருமணத்தின் பிறகும் திரைத்துறையில் தொடர்ந்தே வருகிறார். திருமணமான பிறகு குடும்ப வாழ்க்கையில் நிறைவுடன் இருந்தாலும், தன் தொழிலுக்கு பின் திரும்பிச் சாதிப்பதில் அவர் காட்டும் உறுதியும், உற்சாகமும் பாராட்டதக்கது.

அதேசமயம், இவர் தனது சமூக வலைதளங்களில் பகிரும் புகைப்படங்கள், விளம்பரங்களும் ரசிகர்களிடையே பேசப்படும் விஷயங்களாக உள்ளன. இதனாலேயே அவரிடம் ஒரு முக்கியமான கேள்வி எழுப்பப்பட்டது. "திருமணத்திற்கு பிறகும் கவர்ச்சி காட்டுவது குறித்து உங்கள் அபிப்பிராயம் என்ன?" இதற்கு ரகுல் அளித்த பதில் சமூக வலைதளங்களில் தற்போது வைரலாகி வருகிறது. ரகுலின் பதில், “திருமணம் நடிகைகளின் வளர்ச்சிக்கோ, முன்னேற்றத்துக்கோ தடை போடாது. திருமணத்துக்குப் பிறகு கவர்ச்சி காட்டுவதில் தவறே இல்லை. இன்னும் சொல்லப்போனால், திருமணத்திற்கு பிறகு தான் எனது அழகும், கவர்ச்சியும் கூடியிருப்பதாக உணர்கிறேன். வாழ்க்கையை அனுபவித்து வாழவேண்டும். கவர்ச்சியை ரசிப்பதில் தவறே கிடையாது. நாமும் மனிதர்கள் தான், நமக்குள் உள்ள அழகையும், மனநிலையையும் வெளிக்காட்டுவதில் வெட்கப்பட வேண்டியதில்லை.” எனக் கூறியுள்ளார்.

இந்த உரையாடல் ரசிகர்கள், சமூக ஊடகங்கள் மற்றும் திரைப்பட விமர்சகர்களிடையே விவாதத்தை ஏற்படுத்தியுள்ளது. பொதுவாக இந்திய சமூகத்தில், திருமணத்திற்கு பிறகு நடிகைகள் கவர்ச்சி காட்டக்கூடாது என்பது போல ஒரு கருத்து நிலவுகிறது. ஆனால் அது காலத்தால் மாற்றத்துக்கு உட்பட்டுச் செல்லும் எண்ணம் என்பதை ரகுலின் பதிலே காட்டுகிறது.  “ஒரு நடிகை திருமணம் செய்துக்கொண்டதற்காக, அவரது கரியர் முடிந்துவிடும் என்று யாரும் எதிர்பார்க்க முடியாது. அது 80களில் நடந்திருக்கும். இன்று அதெல்லாம் பொருந்தாது” என ரசிகர்கள் கருத்து தெரிவிக்கிறார்கள். முன்னொரு காலத்தில், நடிகைகள் திருமணம் செய்து கொண்டதுடன், அவர்கள் திரையுலகில் இருந்து விலகிவிட வேண்டும் என்றெந்த நியதி இயங்கிக் கொண்டிருந்தது. ஸ்ரீதேவி – திருமணத்திற்குப் பிறகு சில படங்களில் மீண்டும் வெற்றிகரமாக நடித்து ரசிகர்களின் அன்பைப் பெற்றார். ஜோதிகா – திருமணத்தின் பின் திரும்பி, 36 வயதினிலே, நாச்சியார் போன்ற படங்களில் நடித்தார்.

இதையும் படிங்க: யாரு சாமி நீங்கெல்லாம்..! என் அம்மா மறைந்தபோது நான் சிரித்ததை பாத்தீங்களா - நடிகை ஜான்விகபூர் காட்டம்..!

நயன்தாரா – திருமணத்துக்குப் பின் ஹிந்தி சினிமாவிலும் நடிக்கத் தொடங்கினார். இப்போது, ரகுல் பிரீத் சிங் – தன் வாழ்க்கையை அனுபவிக்கவும், திரையுலகில் வளர்ச்சியடையவும் சமநிலை வைத்து நடந்து வருகிறார். "கவர்ச்சி" என்ற வார்த்தைக்கு சமூகத்தின் பார்வை மாற்றத்துக்கு உட்பட்டிருக்கிறதா? கவர்ச்சி என்பது உடல் தோற்றத்தை மட்டும் குறிக்கவில்லை. அது ஒரு நபரின் உற்சாகம், தன்னம்பிக்கை, அழகு, முன்னேற்றம், மற்றும் வாழ்க்கையை நேசிக்கும் மனநிலை ஆகியவற்றையும் உள்ளடக்கியதாக இருக்கலாம். ரகுலின் இந்த பேச்சு, “திருமணமான பெண் நடிகைகள் ஏன் சிலரின் பார்வையில் தன்னுடைய உடலை மறைக்க வேண்டும்?” என்ற கேள்வியை எழுப்புகிறது. அவர் கூறும் வகையில், திருமணம் ஒரு வாழ்க்கை கட்டம் மட்டுமே. அது ஒரு பெண்ணின் அழகு, அறிவு, திறமை, உறுதி ஆகியவற்றை குறைக்க வேண்டியதல்ல. ஆகவே ரகுல் பிரீத் சிங், திருமணத்திற்கு பிறகும் தன் அழகையும், கவர்ச்சியையும் கொண்டாடுகிறார். இவர் சொல்வது போல, வாழ்க்கையை அனுபவித்து வாழ்வது என்பது ஒரே முறையில்தான் நடக்க வேண்டியதல்ல.

ஒருவரின் வாழ்க்கைத் தேர்வுகளையும், அவர்களின் தனிப்பட்ட உணர்வுகளையும் நாம் மதிக்கக் கற்றுக்கொள்ள வேண்டிய காலம் இது. திருமணமான பெண்கள், தங்கள் ஆசைகளையும், தொழிலையும், கவர்ச்சியையும் சமன் வயத்தில் கொண்டாட முடியும் என்பதை ரகுல் தனது சொற்களால் நிரூபித்திருக்கிறார். இது, பெண்கள் குறித்த பாரம்பரியப் பார்வைகளை மாற்ற, சமூகம் எடுத்துக்கொள்ள வேண்டிய முக்கியமான பாடமாகும்.

இதையும் படிங்க: ஃப்ரெண்ட்ஷிப் தான் சொத்து நமக்கு..! மணிமேகலை செய்த தரமான சம்பவம்.. கண்கலங்கிய நண்பன்.. இதுதான் நட்பு..!