தமிழ் மற்றும் தெலுங்கு திரைப்பட ரசிகர்கள் மத்தியில் கடந்த ஒரு தசாப்தமாக பெரும் ரசிகர் வட்டத்தை உருவாக்கியுள்ள நடிகை சமந்தா ரூத் பிரபு, மீண்டும் ஒரு முறை தனது பிரபலத்தால் தலைப்புச் செய்தியாகியுள்ளார். சமீபத்தில் ஒரு பிரபல ஊடக நிறுவனம் வெளியிட்டுள்ள இந்தியாவின் மிகவும் பிரபலமான நடிகைகள் பட்டியலில், சமந்தா முதலிடத்தை பிடித்துள்ளார். இதனால், சில ஆண்டுகளாக திரைப்படங்களில் இருந்து சிறிது விலகி இருந்தபோதும், அவரது ரசிகர் ஆதரவு இன்னும் குறையவில்லை என்பதை இது உறுதிப்படுத்துகிறது.

இதையும் படிங்க: கள்ள ஓட்டு போட தமன்னா, சமந்தாவை பயன்படுத்திய மோசடி கும்பல்..! ஆட்டம் கண்ட தெலுங்கானா அரசியல் களம்..!

தென்னிந்திய சினிமாவின் மிகவும் விரும்பப்படும் நடிகையாக திகழும் சமந்தா, தனது இயல்பான நடிப்பு, அழகு, சமூக பணி ஆகியவற்றால் ரசிகர்களிடையே ஒரு தனிப்பட்ட இடத்தைப் பெற்றுள்ளார். கடந்த 2010-ம் ஆண்டு மாயா சேசாவே திரைப்படத்தின் மூலம் திரைத்துறையில் அறிமுகமான இவர், அதன் பின்னர் நீதானே என் பொன்வசந்தம், திரு, மெர்சல், தெறி, மஜிலி, ஓ பேபி, யஷோதா உள்ளிட்ட பல படங்களில் சிறந்த நடிப்பை வெளிப்படுத்தி ரசிகர்களின் இதயத்தில் நிலைத்துள்ளார். சமீப ஆண்டுகளில், அவருக்கு ஏற்பட்ட மயோசிடிஸ் எனும் நோயால் சிகிச்சையில் ஈடுபட்டு சில காலம் திரை உலகில் இருந்து ஓரளவு விலகி இருந்தார். ஆனால் தற்போது அவர் முழுமையாக குணமடைந்து மீண்டும் பிஸியாகியுள்ளார். இப்படி இருக்க சமந்தா நடிப்பை மட்டுமல்லாமல், தற்போது தயாரிப்பாளராகவும் தன்னை மாற்றிக் கொண்டுள்ளார்.

“சுபம்” என்ற படத்தின் மூலம் அவர் தயாரிப்பாளராக அறிமுகமானார். இந்த படத்தில் அவர் ஒரு சிறிய கெஸ்ட் ரோலில் நடித்திருந்தார். இதன் மூலம், திரை முன்னணியில் மட்டுமல்ல, திரை பின்னணியிலும் தனது திறமையை வெளிப்படுத்தியுள்ளார். அதனைத் தொடர்ந்து, தற்போது “மா இன்டி பங்காரம்” என்ற புதிய திரைப்படத்தில் சமந்தா கதாநாயகியாக நடித்து வருகிறார். இந்த படம் முழுக்க ஒரு குடும்பம் மையப்படுத்திய கதை எனவும், அதில் சமந்தா தனது வழக்கமான பசுமையான கதாபாத்திரத்தில் காட்சியளிப்பதாகவும் தகவல்கள் தெரிவிக்கின்றன. இந்த சூழலில் சமந்தா கடந்த சில வருடங்களில் கடுமையான உடல் நல பிரச்சனை சந்தித்தார். அவருக்கு மயோசிடிஸ் எனப்படும் அரிதான தசை நோய் ஏற்பட்டது. இதன் காரணமாக, பல மாதங்கள் மருத்துவ சிகிச்சையில் இருந்தார். சமூக ஊடகங்களில் அவர் தனது நோயை வெளிப்படையாக பகிர்ந்து ரசிகர்களிடம் மன உறுதியை வெளிப்படுத்தினார். “இது ஒரு போராட்டம் தான், ஆனால் நிச்சயம் நான் வெல்லப்போகிறேன்” என கூறியிருந்தார்.

அவரது இந்த மன உறுதி ரசிகர்களிடையே பெரும் தூண்டுதலாக அமைந்தது. இன்று அவர் மீண்டும் குணமடைந்து களத்தில் நிற்பது, அவரது கடின உழைப்பின் விளைவாக பார்க்கப்படுகிறது. இந்த நிலையில் அந்த பிரபல ஊடக நிறுவனம் வெளியிட்ட பட்டியலின்படி, இந்தியாவில் மிகவும் பிரபலமான நடிகைகளின் வரிசையில் முதலிடத்தில், சமந்தா ரூத் பிரபு-வும், அடுத்து திரிஷா கிருஷ்ணன், தீபிகா படுகோன், நயன்தாரா, ராஷ்மிகா மந்தன்னா, ஆலியா பட், காஜல் அகர்வால், சாய் பல்லவி, தமன்னா பாட்டியா, ஸ்ரீலீலா என இந்த பட்டியலில் தென்னிந்திய நடிகைகள் முன்னிலை வகிப்பது குறிப்பிடத்தக்கது. குறிப்பாக சமந்தா, திரிஷா, நயன்தாரா, ராஷ்மிகா, சாய் பல்லவி போன்றோர் ரசிகர் ஆதரவை இந்திய முழுவதும் பெற்றுள்ளனர். சமந்தா முதலிடத்தை பிடித்த செய்தி வெளியாகியதும், சமூக வலைதளங்களில் ரசிகர்கள் மகிழ்ச்சியில் திளைத்தனர்.

தற்போது சமந்தா தனது தொழில்நுட்ப திறமைகளை மேம்படுத்தும் முயற்சியில் ஈடுபட்டுள்ளார்.  சமந்தா தற்போது நடிக்கும் மா இன்டி பங்காரம் படம் தவிர, அவர் ஒரு பெரிய பான்-இந்தியா வெப் தொடர் ஒன்றிலும் நடிக்கவுள்ளார். தெலுங்கு ஓடிடி தளத்தில் வெளியாக உள்ள அந்த தொடர், ஒரு பெண்மணியின் உளவியல் மற்றும் சமூக வாழ்க்கையை மையமாகக் கொண்டதாக இருக்கும் என கூறப்படுகிறது. இதன் மூலம், சமந்தா மீண்டும் ஒரு வலுவான திரும்பி வரவுக்கான வழியை அமைத்துக் கொள்கிறார். சமந்தா நடிகையாக மட்டுமல்ல, சமூகப்பணியிலும் ஈடுபட்டு வருகிறார். அவரது Pratyusha Foundation மூலமாக ஏழை மாணவ, மாணவிகளுக்கு கல்வி உதவிகளை வழங்கி வருகிறார். மேலும், மயோசிடிஸ் நோயால் பாதிக்கப்பட்டவர்களுக்காக ஒரு விழிப்புணர்வு பிரச்சாரத்தையும் தொடங்கியுள்ளார். “மனநிலை வலிமை உடல்நிலை வலிமையை விட முக்கியம்” என்ற அவரது சொற்கள் சமூக வலைதளங்களில் பெரும் வரவேற்பைப் பெற்றன.

மொத்தத்தில், உடல்நிலை பிரச்சனைகளை தாண்டி, தன்னம்பிக்கையுடன் மீண்டு, மீண்டும் உச்சியை அடைந்திருக்கும் சமந்தா ரூத் பிரபு,  இன்று திரையுலகில் ஒரு உற்சாகமான உத்வேகத்தின் சின்னமாக திகழ்கிறார். பிரபல நடிகைகளின் பட்டியலில் தொடர்ந்து முதலிடம் பிடிப்பது, அவரது புகழையும் ரசிகர் ஆதரவையும் வெளிப்படுத்துகிறது. எனவே சமந்தா தற்போது சொல்வது ஒன்றே “நான் என் வாழ்க்கையில் சவால்களை சந்தித்தேன். ஆனால் ஒவ்வொரு முறையும் நான் எழுந்தது, ரசிகர்களின் நம்பிக்கைக்காகத்தான்.” என்றார். ஆகவே இப்போது ரசிகர்கள் எதிர்பார்ப்பது - சமந்தாவின் அடுத்த படம் மீண்டும் பாக்ஸ் ஆபிஸை அதிர வைப்பது தான்.

இதையும் படிங்க: அதிசயம் ஆனால் உண்மை..! நான்கு நாட்களில் ரூ.100 கோடியை நெருங்கிய பிரதீப் ரங்கநாதனின் 'Dude' படம்..!